ವಿಶಿಷ್ಟ

ಯಾವುದೇ ಕಾರಣಕ್ಕೂ ಪತ್ನಿ ಮುಂದೆ ಈ ಪ್ರಶೆಗಳನ್ನು ಮಾತ್ರ ಕೇಳಬೇಡಿ….ಕೇಳಿದ್ರೆ ಏನಾಗುತ್ತೆ..?

Pinterest LinkedIn Tumblr

ಎಷ್ಟೇ ಅನ್ಯೋನ್ಯತೆ ಇದ್ದರೂ ಕೆಲವು ವಿಷಯಗಳು ಮಾತ್ರ ಪತ್ನಿ ತನ್ನ ಪತಿಯಿಂದಲೂ ಕೇಳಲು ಬಯಸುವುದಿಲ್ಲ. ಈ ಗುಟ್ಟನ್ನು ಅರಿತ ಸಂಸಾರ ಸುಖಮಯವಾಗಿರುತ್ತದೆ. ದಂಪತಿ ನಡುವೆ ವೈಮನಸ್ಸು ಮೂಡದೇ ಇರಲು ಹಾಗೂ ಶಾಂತಿಯುತ ಜೀವನಕ್ಕಾಗಿ ಹಲವು ಬಾರಿ ಪತಿ ಮೌನವಹಿಸುವುದೇ ಮೇಲು. ಸಾಮಾನ್ಯವಾಗಿ ಪತಿಯರು ತಮ್ಮ ಮನಸ್ಸಿಗೆ ಬಂದ ಪದಗಳನ್ನು ಅರಿವಿಲ್ಲದೇ ಉಪಯೋಗಿಸಿದ ಬಳಿಕ ಪ್ರಾರಂಭವಾದ ಮುನಿಸು ಯಾವಾಗ ಜಗಳಕ್ಕೆ ತಿರುಗುತ್ತದೆ ಎಂದು ಹೇಳಲು ಸಾಧ್ಯವಿಲ್ಲ. ಹೆಚ್ಚಿನ ದಂಪತಿಗಳಿಗೆ ಈ ಬಗ್ಗೆ ಅರಿವೇ ಇರುವುದಿಲ್ಲ. ಪತ್ನಿ ಮುನಿಸಿಕೊಳ್ಳಬಾರದು ಅಂದರೆ ಕೇಳಲೇಬಾರದ ಕೆಲವು ಪ್ರಶ್ನೆಗಳು ಇಲ್ಲಿವೆ.

ಶಾಪಿಂಗ್‌ಗಾಗಿ ಎಷ್ಟು ಖರ್ಚು ಮಾಡಿದೆ?

ಈ ಪ್ರಶ್ನೆಯಿಂದ ಮನೆಯಲ್ಲಿ ಯುದ್ಧ ಪ್ರರಾಂಭವಾಗಬಹುದು. ಇದು ಆಕೆಯ ಮನೋಭಾವವನ್ನೇ ಬದಲಿಸಬಹುದು. ಶಾಪಿಂಗ್‌ಮೂಲಕ ಆಕೆ ಪಡೆದ ಸಂತೋಷ, ನೆಮ್ಮದಿ, ಸುಖವನ್ನೆಲ್ಲಾ ನಿಮ್ಮ ಈ ಒಂದು ಪ್ರಶ್ನೆ ನೀರಾಗಿಸಿ ಆ ಸ್ಥಳದಲ್ಲಿ ಹತಾಶೆ, ಕೋಪ, ದುಃಖ, ದುಮ್ಮಾನ, ಅಸಹ್ಯ, ತಿರಸ್ಕಾರ ಭಾವ ಮೂಡಬಹುದು. ಆಕೆ ಶಾಪಿಂಗ್‌ಮಾಡಿದ ಹಣ ನಿಮ್ಮ ಗಳಿಕೆಯಾಗಿರಬಹುದು ಅಥವಾ ಆಕೆಯ ಗಳಿಕೆಯೇ ಆಗಿರಬಹುದು, ಆದರೆ ಸಂಸಾರದಲ್ಲಿ ಕಲಹ ಬರಬಾರದೆಂದರೆ ಈ ಖರ್ಚು ಆಕೆಯ ಸಂತೋಷಕ್ಕಿಂತ ಮಿಗಿಲಾದುದಿಲ್ಲ ಎಂಬುದನ್ನು ಪರಿಗಣಿಸಿ ಸುಮ್ಮನಿರುವುದೇ ಉತ್ತಮ.

ಇಷ್ಟೊಂದು ಮೇಕಪ್‌ಮಾಡಬೇಕೆÜ?

ಪ್ರಶ್ನೆ ಕೇಳಿದ ಬಳಿಕ ಪತಿಗೆ ಮೌನವೇ ಉತ್ತರವಾಗಿ ದೊರಕುತ್ತದೆ. ಒಂದು ಸಮೀಕ್ಷೆಯ ಪ್ರಕಾರ ಶೇ.80ಕ್ಕೂ ಹೆಚ್ಚು ದಂಪತಿಗಳ ನಡುವಣ ಕಾಳಗಕ್ಕೆ ಈ ಪ್ರಶ್ನೆ ಕಾರಣ. ಹೆಣ್ಣು ಸೌಂದರ್ಯಪ್ರಿಯಳಾಗಿದ್ದು ನಿಮ್ಮ ಪತ್ನಿಯೂ ಇದಕ್ಕೆ ಹೊರತಲ್ಲ. ಹೊರಹೋಗುವ ಸಂದರ್ಭದಲ್ಲಿ ತಾನು ಚೆನ್ನಾಗಿ ಕಾಣಿಸಿಕೊಳ್ಳಬೇಕೆಂಬ ಕಾರಣದಿಂದ ಪ್ರತಿ ಹೆಣ್ಣು ತನ್ನದೇ ಆದ ಸಮಯ ತೆಗೆದುಕೊಳ್ಳುತ್ತಾಳೆ. ಕೆಲವರಿಗೆ ಇದು ಕೊಂಚ ಹೆಚ್ಚು ಸಮಯ ತೆಗೆದುಕೊಳ್ಳಬಹುದು. ಆದರೆ ಈ ಪ್ರಶ್ನೆ ಮಹಿಳೆಯರಿಗೆ ತಮ್ಮ ಸ್ವಾಭಿಮಾನಕ್ಕೆ ಬಿದ್ದ ಪೆಟ್ಟಿನ ರೂಪದಲ್ಲಿ ಕೇಳಿಸುತ್ತದೆ. ಆದ್ದರಿಂದ ಆಕೆ ತನ್ನ ಅಲಂಕಾರಕ್ಕಾಗಿ ಹೆಚ್ಚಿನ ಸಮಯವನ್ನು ತೆಗೆದುಕೊಂಡರೂ ಪರವಾಗಿಲ್ಲ, ಈ ಪ್ರಶ್ನೆಯನ್ನು ಮಾತ್ರ ಕೆಳದೆ ಇರುವುದೇ ಉತ್ತಮ.

ನನ್ನ ಫೋನನ್ನೇಕೆ ಪರೀಕ್ಷಿಸಿದೆ?

ನಿಮ್ಮ ಫೋನನ್ನು ನಿಮ್ಮ ಪತ್ನಿ ಮಾತ್ರವಲ್ಲ ಗುಟ್ಟಾಗಿ ಇತರರೂ ಪರಿಶೀಲಿಸುತ್ತಾರೆ. ಬೇಕಾದರೆ ನಿಮ್ಮ ಸ್ನೇಹಿತರನ್ನೇ ಕೇಳಿ ನೋಡಿ. ಹೆಚ್ಚಿನ ಪತ್ನಿಯರು ತಮ್ಮ ಪತಿಯರ ಫೋನ್‌ಅನ್ನು ಪರಿಶೀಲಿಸುವುದು ಸಾಮಾನ್ಯ. ಒಂದು ವೇಳೆ ನೀವು ನಿಮ್ಮ ಪತ್ನಿಯನ್ನು ನಿಜವಾಗಿಯೂ ಪ್ರೀತಿಸುತ್ತಿದ್ದೀರೇ ಆದರೆ ನಿಮ್ಮ ಫೋನನ್ನು ಸಂಪೂರ್ಣವಾಗಿ ಪರಿಶೀಲಿಸಲು ಆಕೆಗೆ ಅವಕಾಶ ಮಾಡಿ ಕೊಡಿ.

ತವರಿಗೇಕೆ ಹೋಗುವುದು?

ನಿಮಗೆ ಆಕೆಯ ಮನೆಯವರು ಇಷ್ಟವಿಲ್ಲದಿದ್ದರೂ ಆಕೆಗೆ ತವರಿನ ಸದಸ್ಯರೆಂದರೆ ಈಗಲೂ ಆತ್ಮೀಯರೇ ಹೌದು. ಆದ್ದರಿಂದ ಈ ಪ್ರಶ್ನೆಯನ್ನು ಕೇಳದೇ ಇದ್ದಷ್ಟೂ ನಿಮಗೆ ಒಳ್ಳೆಯದು. ಒಂದು ವೇಳೆ ಕೇಳಿದರೆ ನಿಮ್ಮನ್ನು ಆಕೆ ದ್ವೇಷಿಸಲು ಪ್ರಾರಂಭಿಸಬಹುದು. ಇದು ದಂಪತಿಗಳ ನಡುವಣ ದೂರವನ್ನು ಹೆಚ್ಚಿಸುವ ಸಾಧ್ಯತೆ ಇದೆ.

ಆಕೆ ನೋಡಲು ಚೆನ್ನಾಗಿದ್ದಾಳೆ

ಈ ಮಾತನ್ನು ಹೇಳಿದರೆ ಏನಾಗುತ್ತದೆಂದು ಬಹುಶಃ ಬಹಳಷ್ಟು ಗಂಡಸರಿಗೆ ಗೊತ್ತು. ಯಾವ ಹೆಣ್ಣು ತನ್ನ ಗಂಡ ತನ್ನ ಮುಂದೆಯೇ ಇನ್ನೊಬ್ಬಾಕೆಯ ಸೌಂದರ್ಯವನ್ನು ಹೊಗಳುವುದನ್ನು ಸಹಿಸಿಕೊಳ್ಳುವುದಿಲ್ಲ. ಈ ಮಾತು ಹೇಳಿದಿರಿ.

ನನಗೆ ಮಾತನಾಡೋದಿಕ್ಕೆ ಮನಸ್ಸಿಲ್ಲ

ಈ ಮಾತನ್ನು ಯಾವಾಗಲೋ ಒಮ್ಮೆ ಹೇಳಿದರೆ ಸರಿ. ಆದರೆ ನಿಮ್ಮಾಕೆಯ ಮಾತನ್ನು ಕೇಳುವುದರಿಂದ ಉದ್ದೇಶಪೂರ್ವಕವಾಗಿ ನುಣುಚಿಕೊಳ್ಳಲು ಈ ಮಾತು ಹೇಳಬೇಡಿ.

Comments are closed.