ಅವಳ/ನ ಬಳಿ ಏನೋ ಹೇಳಬೇಕೆಂದು ತುಂಬಾ ದಿನದಿಂದ ಅನಿಸುತ್ತಿರುತ್ತದೆ, ಆದರೆ ಹೇಳಿದರೆ ಹೇಗೆ ರಿಯಾಕ್ಟ್ ಮಾಡುತ್ತಾಳೋ/ನೋ ಎಂಬ ಭಯ, ಮನಸ್ಸಿನ ಭಾವನೆಯನ್ನು ಹೇಳಿ ಬಿಡೋಣ ಎಂದು ಅನಿಸುತ್ತದೆ. ಆದರೆ ಹೇಳಲು ಆಗದೆ, ಮನಸ್ಸಿನಲ್ಲಿಯೇ ಆ ಭಾವನೆಗಳನ್ನು ಬಚ್ಚಿಡಲೂ ಸಾಧ್ಯವಾಗದೆ ಒದ್ದಾಡುವ ಮಾನಸಿಕ ವೇದನೆ ಪ್ರೀತಿಯಲ್ಲಿ ಬಿದ್ದವರಿಗಷ್ಟೇ ಗೊತ್ತು.
ನಿಮ್ಮ ಮನದಲ್ಲಿ ಪ್ರೀತಿ ಅಲೆಯನ್ನು ಎಬ್ಬಿಸಿರುವ ಆ ನಿಮ್ಮ ಪ್ರೀತಿಗೆ ಪ್ರಪೋಸ್‌ಮಾಡಲು ‘ವ್ಯಾಲೆಂಟೈನ್ಸ್ ಪ್ರಪೋಸ್‌ಡೇ’ ಬಂದಿದೆ ನೋಡಿ. ಈ ದಿನವನ್ನು ಮಿಸ್‌ಮಾಡ್ಕೋಬೇಡಿ, ಎಲ್ಲ ಭಯವನ್ನು ಬದಿಗೊತ್ತಿ, ನಿಮ್ಮ ಪ್ರೀತಿಯನ್ನು ವ್ಯಕ್ತ ಪಡಿಸಿ.
ಆದರೆ ಪ್ರಪೋಸ್‌ಮಾಡುವಾಗ ಈ ಮಿಸ್ಟೇಕ್ಸ್‌ಮಾಡದಿರಿ:
ನೀವು ಇಷ್ಟಪಡುತ್ತಿರುವ ವ್ಯಕ್ತಿಯ ಮೇಲೆ ನಿಮಗಿರುವುದು ಬರೀ ಆಕರ್ಷಣೆಯೇ ಅಥವಾ ಪ್ರೀತಿಯೇ ಎಂಬುವುದನ್ನು ನಿಮ್ಮಲ್ಲೇ ನೀವು ಕೇಳಿಕೊಳ್ಳಿ. ಕ್ರಷ್ ಅಂದಾದರೆ ಪ್ರಪೋಸ್‌ಮಾಡುವ ಮಿಸ್ಟೇಕ್ಸ್‌ಮಾಡದಿರಿ.
*ಒತ್ತಾಯದ ಪ್ರೀತಿ ಬೇಡ್ವೆ ಬೇಡ. ಹೌದು ನೀವು ನಿಮ್ಮ ಪ್ರೀತಿ ಹೇಳಿದಾಗ ಆ ಕಡೆಯಿಂದಲೂ ಪ್ರೀತಿಯ ಸ್ಪಂದನೆ ಸಿಗಬೇಕು ಎಂದು ಬಯಸುವುದು ಬೇಡ. ಅವರ ಭಾವನೆಗೂ ಗೌರವ ಕೊಡಿ. ಹಾಗಂತ ನೀವು ನಿಮ್ಮ ಪ್ರೀತಿಯನ್ನು ವ್ಯಕ್ತ ಪಡಿಸದೇ ಇರಬೇಡಿ. ಅದನ್ನು ಹೇಗೆ ಸ್ವೀಕರಿಸುತ್ತಾರೋ ಅವರಿಗೆ ಬಿಟ್ಟದ್ದು. ಪಾಸಿಟಿವ್‌ಆದರೆ ಖುಷಿ ಪಡಿ, ಇಲ್ಲದಿದ್ದರೆ ಮನಸ್ಸಿಗೆ ಬೇಜಾರಾದರೂ ‘ದೇವದಾಸರಾಗುವುದಂತೂ’ ಬೇಡ. ‘ನಾವು ಪ್ರೀಸುವವರಿಗಿಂತ ನಮ್ಮನ್ನು ಪ್ರೀತಿಸುವವರು ಸಿಕ್ಕಿದರೆ ಜೀವನ ತುಂಬಾ ಚೆನ್ನಾಗಿರುತ್ತದೆ’ ಎಂಬುವುದನ್ನು ಮರೆಯದಿರಿ.
Comments are closed.