ಸ್ಟ್ರಾಬೆರಿ, ವಾಲ್ನಟ್ಸ್‌, ಬಟರ್‌ ಫ್ರುಟ್‌, ಕಲ್ಲಂಗಡಿ ಹಣ್ಣು, ಬಾದಾಮಿ ನಿಮ್ಮಲ್ಲಿ ಕಾಮವನ್ನು ಹೆಚ್ಚಿಸಲು ಅತ್ಯಂತ ಸೂಕ್ತವಾದವು ಎನ್ನಲಾಗುತ್ತದೆ. ಮದ್ಯ ಸೇವನೆಯಿಂದ ಕಾಮದ ಬಯಕೆ ಹೆಚ್ಚುತ್ತದೆ. ಆದರೆ ನಿಮ್ಮ ಶಕ್ತಿ ಕುಗ್ಗಿ ಹೋಗುತ್ತದೆ.
ಸಾಮಾನ್ಯವಾಗಿ ದೈಹಿಕವಾಗಿ ಸದೃಢವಾಗಿರುವುದನ್ನೇ ಎಲ್ಲ ಪುರುಷರು ಬಯಸುತ್ತಾರೆ. ಅಂತೆಯೇ ತಮ್ಮ ಸಂಗಾತಿ ಜತೆಗೆ ಸರಸದಲ್ಲೂ ಪುರುಷರು ಅತ್ಯುತ್ತಮ ಪರ್ಫಾಮೆನ್ಸ್‌ ನೀಡುವುದು, ಸಂಗಾತಿಯ ಮನೋಕಾಮನೆಗಳನ್ನು ತೃಪ್ತಿ ಪಡಿಸುವುದಕ್ಕೆ ತಮ್ಮ ಗೌರ್ವವಾಗಿ ಪರಿಗಣಿಸುತ್ತಾರೆ. ಇದಕ್ಕಾಗಿಯೇ ಸದೃಢ ದೇಹ ಸೌಂದರ್ಯವನ್ನು ನಿರ್ವಹಣೆ ಮಾಡುವವರೂ ಇದ್ದಾರೆ.
ದಿಲ್ಲಿಯ ಶ್ರೀ ಬಾಲಾಜಿ ಆಕ್ಷನ್‌ ಮೆಡಿಕಲ್‌ ಇನ್‌ಸ್ಟಿಟ್ಯೂಟ್‌ನ ಲೈಂಗಿಕ ತಜ್ಞ ಡಾ. ವಿಜಯ್‌ ಸಿಂಘಲ್‌ ಅವರು ಕೆಲ ಹಣ್ಣುಗಳು ನಿಮ್ಮ ಲೈಂಗಿಕ ಶಕ್ತಿಯನ್ನು ವೃದ್ಧಿಸಲು ಅತ್ಯಂತ ಪರಿಣಾಮಕಾರಿಯಾಗಿದೆ ಎಂದು ಮಾಹಿತಿ ನೀಡಿದ್ದಾರೆ.
ಸ್ಟ್ರಾಬೆರಿ, ವಾಲ್ನಟ್ಸ್‌, ಬಟರ್‌ ಫ್ರುಟ್‌, ಕಲ್ಲಂಗಡಿ ಹಣ್ಣು, ಬಾದಾಮಿ ನಿಮ್ಮಲ್ಲಿ ಕಾಮವನ್ನು ಹೆಚ್ಚಿಸಲು ಅತ್ಯಂತ ಸೂಕ್ತವಾದವು ಎಂದು ಅವರು ಹೇಳಿದ್ದಾರೆ. ಅಂತೆಯೇ ಮದ್ಯ ಸೇವನೆಯಿಂದ ಕಾಮದ ಬಯಕೆ ಹೆಚ್ಚುತ್ತದೆ. ಆದರೆ ನಿಮ್ಮ ಶಕ್ತಿ ಕುಗ್ಗಿ ಹೋಗುತ್ತದೆ ಎಂದು ಸಲಹೆ ನೀಡಿದ್ದಾರೆ.
ವಾಲ್ನಟ್‌ನಿಂದ ವೀರ್ಯಾಣು ಉತ್ಪತ್ತಿ
ಸಂತಾನೋತ್ಪತ್ತಿಗೆ ವಾಲ್ನಟ್ಸ್‌ಗಳನ್ನು ಸೇವಿಸುವುದು ಅತ್ಯಂತ ಸೂಕ್ತ ಎನ್ನಲಾಗಿದೆ. ಇವುಗಳು ಶಿಶ್ನದ ಆಕಾರ ಹಾಗೂ ವೀರ್ಯಾಣುಗಳ ಗುಣಮಟ್ಟವನ್ನು ಉತ್ತಮಗೊಳಿಸಲು ಸಹಕಾರಿಯಾಗಿದೆ.
ಸ್ಟ್ರಾಬೆರಿ ಹಣ್ಣಿನಲ್ಲಿ ಝಿಂಕ್ ಅಂಶವನ್ನು ಹೆಚ್ಚು ಹೊಂದಿದೆ. ಈ ಪೋಷಕಾಂಶಗಳು ಕಾಮಕ್ಕೆ ಅತೀ ಮುಖ್ಯ ಎನ್ನಲಾಗುತ್ತದೆ. ಮಹಿಳೆ ಹಾಗೂ ಪುರುಷರಿಬ್ಬರಿಗೂ ಲೈಂಗಿಕ ಆಸಕ್ತಿಯನ್ನು ಇವುಗಳು ಪ್ರಚೋದಿಸಲು ಸಹಕಾರಿಯಾಗುತ್ತದೆ. ವೀರ್ಯಾಣುಗಳ ಉತ್ಪತ್ತಿಗೆ ಕಾರಣವಾಗಿರುವ ಟೆಸ್ಟೋಸ್ಟಿರಾನ್‌ಗಳ ಪ್ರಮಾಣವನ್ನು ಝಿಂಕ್ ನಿಯಂತ್ರಿಸುತ್ತದೆ. ಮಹಿಳೆಯರ ದೇಹದಲ್ಲಿ ಹೆಚ್ಚು ಝಿಂಕ್ ಇದ್ದಲ್ಲಿ ಕಾಮದಾಟವನ್ನು ಬಹುಬೇಗನೇ ಇಷ್ಟಪಡುತ್ತಾರೆ ಎನ್ನಲಾಗುತ್ತದೆ. ಸಂಭೋಗದ ಬಳಿಕ ಪುರುಷರ ದೇಹದಲ್ಲಿ ಝಿಂಕ್ ಅಂಶ ಕಡಿಮೆಯಾಗುತ್ತದೆ.
ಫೋಲಿಕ್‌ ಆಸಿಡ್‌ ಹಾಗೂ ವಿಟಮಿನ್‌ ಬಿ 6 ಹೊಂದಿರುವ ಬಟರ್‌ಫ್ರುಟ್‌ ದೇಹವನ್ನು ತಂಪಿರುಸುತ್ತದೆ. ಅಂತೆಯೇ ದೇಹಕ್ಕೆ ಅತ್ಯಂತ ಹೆಚ್ಚಿನ ಪ್ರಮಾಣದ ಶಕ್ತಿ ಕೊಡುತ್ತದೆ. ಇವುಗಳಲ್ಲಿರುವ ವಿಟಮಿನ್‌ಗಳು ಸರಸಕ್ಕೆ ಮುಖ್ಯವಾದುದು. ವಿಟಮಿನ್‌ ಬಿ6 ಹಾರ್ಮೋನ್‌ಗಳನ್ನು ಸಮತೋಲನದಲ್ಲಿ ಇರಿಸುತ್ತದೆ.
ಕಲ್ಲಂಗಡಿ ಹಣ್ಣಿನಿಂದ ಏನ್‌ ಯೂಸ್‌?
ಕಲ್ಲಂಗಡಿ ಹಣ್ಣು ನಿಮ್ಮಲ್ಲಿ ಕಾಮವನ್ನು ಪ್ರಚೋದಿಸುತ್ತದೆ. ಉದ್ರೇಕಗೊಂಡು ಶಿಶ್ನದ ಆಕಾರ ಪಡೆಯಲು ಇವುಗಳಲ್ಲಿನ ಅಂಶ ಅತ್ಯುತ್ತಮ. ಇವುಗಳಿಲ್ಲಿರುವ ಸಿಟ್ರಲಿನ್‌ಗಳು ಅಮೈನೋ ಆಸಿಡ್‌ ಹಾಗೂ ಆರ್ಜಿನೈನ್‌ ನ್ನು ದೇಹಕ್ಕೆ ಬಿಡುಗಡೆ ಮಾಡುತ್ತದೆ. ಇವು ಲೈಂಗಿಕ ಕ್ರಿಯೆಯಗೆ ಉತ್ತಮ. ಅಂತೆಯೇ ಬಾದಾಮಿಯಲ್ಲೂ ಇರುವ ಸತ್ವಗಳು ನಿಮ್ಮ ಶಕ್ತಿಯನ್ನು ಹೆಚ್ಚು ಹೊತ್ತು ಉಳಿಸಲು ಸಹಕಾರಿಯಾಗಿದೆ.
ಚಾಕಲೇಟು ತಿನ್ನಬಹುದು
ಚಾಕಲೇಟ್‌ನಲ್ಲಿರುವ ಸೆರೊಟೋನಿನ್‌ ಹಾಗೂ ಎಂಡೋರ್ಫಿನ್ಸ್‌ ನಿಮ್ಮ ಮೂಡ್‌ ಬೇರೇಯೇ ದಿಕ್ಕಿಗೆ ಒಯ್ಯುತ್ತದೆ. ಕಾಮ ಪ್ರಚೋದಕವಾಗಿಯೂ ಕೆಲಸ ಮಾಡುತ್ತದೆ. ಇದಕ್ಕಾಗಿಯೇ ಕಾಂಡೋಮ್‌ಗಳಲ್ಲಿ ವಿವಿಧ ಬಗೆಯ ಫ್ಲೇವರ್‌ಗಳನ್ನು ನೀಡಲಾಗುತ್ತದೆ!
ಮೊಟ್ಟೆ ಬೆಸ್ಟ್‌
ಮೊಟ್ಟೆ ದೇಹದಲ್ಲಿ ಕಾಮ ಪ್ರಚೋದನೆಗೆ ಸಹಕಾರಿಯಾಗುತ್ತದೆ. ಸಾಮಾನ್ಯ ಲೈಂಗಿಕ ಸಮಸ್ಯೆ ಎನ್ನಲಾಗುವ ನಿಮಿರು ದೌರ್ಬಲ್ಯವನ್ನು ದೂರಮಾಡುತ್ತದೆ.
ಪೀಚ್ ಹಣ್ಣು ತಿನ್ನಿ!
ಹೆಚ್ಚು ವಿಟಮಿನ್‌ ಸಿ ಹೊಂದಿರುವ ಈ ಹಣ್ಣುಗಳಿಂದ ನಿಮ್ಮ ವೀರ್ಯಾಣುಗಳ ಸಂಖ್ಯೆ ಹೆಚ್ಚಾಗುತ್ತದೆ. ಅಂತೆಯೇ ವೀರ್ಯಾಣುಗಳ ಗುಣಮಟ್ಟವೂ ಉತ್ತಮವಾಗುತ್ತದೆ. ಅಷ್ಟು ಮಾತ್ರವಲ್ಲದೆ ಪೀಚ್ ಹಣ್ಣಿನಲ್ಲಿ ಕ್ಯಾಲೊರಿ ತುಂಬಾ ಕಡಿಮೆ ಇರುತ್ತದೆ. 100 ಗ್ರಾಂ ಪೀಚ್ನಲ್ಲಿ ಕೇವಲ 39 ಕ್ಯಾಲೊರಿಗಳು ಕಂಡು ಬರುತ್ತದೆ. ಪ್ರತಿನಿತ್ಯ ಈ ಹಣ್ಣನ್ನು ಸೇವಿಸುವುದರಿಂದ ದೇಹದ ತೂಕ ಕಡಿಮೆಯಾಗುತ್ತದೆ.
ಇದಲ್ಲದೆ ಕಾಫಿ, ಕೇಸರಿಯೂ ಕಾಮಕ್ಕೆ ಅತ್ಯುತ್ತಮ ಎನ್ನಲಾಗುತ್ತದೆ. ಇವುಗಳು ನಿಮ್ಮ ಕಾಮದಾಸೆ ಹಾಗೂ ದೈಹಿಕವಾಗಿ ಸದೃಢರಾಗಲು ಬಳಸಬಹುದು ಎನ್ನಲಾಗಿದೆ.
Comments are closed.