ಮನೆ ಮೆಡಿಸಿನ್‌: ದೇಹ ತೂಕ ಇಳಿಸಿ

-ಕರಿಬೇವಿನ ಚಟ್ನಿಯನ್ನು ದಿನಕ್ಕೆ ಮೂರು ಬಾರಿಯಂತೆ ಮೂರು ತಿಂಗಳು ಸೇವಿಸಿದರೆ ಬೊಜ್ಜು ಕರಗುತ್ತದೆ.

-ಪ್ರತಿ ದಿನ ಬೆಳಗ್ಗೆ ಖಾಲಿ ಹೊಟ್ಟೆಗೆ ಎರಡು ಚಮಚ ಹಸಿ ಎಳ್ಳನ್ನು ತಣ್ಣೀರಿನ ಜೊತೆಗೆ ಚೆನ್ನಾಗಿ ಅಗಿದು ತಿಂದು ನಂತರ ಎರಡ್ಮೂರು ಗಂಟೆಗಳ ಕಾಲ ಏನೂ ಸೇವಿಸಬೇಡಿ. ಇದರಿಂದಲೂ ದೇಹ ತೂಕ ಕಡಿಮೆಯಾಗುತ್ತದೆ.

-ನಿಂಬೆ ರಸವನ್ನು ಒಂದು ಲೋಟ ಬಿಸಿ ನೀರಿಗೆ ಬೆರೆಸಿ ಖಾಲಿ ಹೊಟ್ಟೆಗೆ ಕುಡಿದರೂ ಲಾಭದಾಯಕ.

-ಪ್ರತಿದಿನ ನೀರು ಕುಡಿಯುವಾಗ ಅದಕ್ಕೆ ಹಳೆ ಜೇನುತುಪ್ಪ ಸೇರಿಸಿ ಸೇವಿಸಿದರೆ ತೂಕ ಬೇಗ ಕಡಿಮೆಯಾಗುತ್ತದೆ.

-ಅರ್ಧ ಹೋಳು ನಿಂಬೆ ರಸಕ್ಕೆ ಎರಡು ಎಸಳು ಬೆಳ್ಳುಳ್ಳಿ ಮತ್ತು ಒಂದು ಲೋಟ ಬಿಸಿ ನೀರು ಹಾಕಿ ದಿನಕ್ಕೆ ಎರಡು ಬಾರಿ ಸೇವಿಸಿದರೆ ಬೊಜ್ಜು ಕರಗುತ್ತದೆ.

-ಬೆಳಗ್ಗೆ ಎದ್ದ ಕೂಡಲೇ ಸೋರೆಕಾಯಿ ಜ್ಯೂಸ್‌ಗೆ ಹಳೆ ಜೇನುತುಪ್ಪ ಸೇರಿಸಿ ಕುಡಿದರೆ ದೇಹ ತೂಕ ಬೇಗ ಇಳಿಯುತ್ತದೆ.

-ಹಸಿ ಬೆಂಡೆಕಾಯಿಯನ್ನು ದಿನಕ್ಕೆ ಎರಡು ಬಾರಿ ತಿಂದರೆ ಬೊಜ್ಜು ಕರಗುತ್ತದೆ.

-ಹುರುಳಿಕಾಳನ್ನು ರಾತ್ರಿ ವೇಳೆ ನೀರಲ್ಲಿ ನೆನೆಸಿ ಬೆಳಗ್ಗೆ ಚೆನ್ನಾಗಿ ಬೇಯಿಸಿ. ಬೆಂದ ಹುರುಳಿಕಾಳು ಮತ್ತು ಬೇಯಿಸಿದ ನೀರಿಗೆ ಎಳ್ಳೆಣ್ಣೆ, ಜೀರಿಗೆ ಮತ್ತು ಸಾಸಿವೆ ಒಗ್ಗರಣೆ ಹಾಕಿ ತಿಂಡಿ ಬದಲು ಇದನ್ನೇ ಸೇವಿಸಿದರೆ ತೂಕ ಬೇಗ ಕಡಿಮೆಯಾಗುತ್ತದೆ.

-ಬೋರೆ ಮರದ ಎಲೆಗಳನ್ನು ರಾತ್ರಿ ನೀರಲ್ಲಿ ನೆನೆಸಿ ಬೆಳಗ್ಗೆ ಖಾಲಿ ಹೊಟ್ಟೆಗೆ ಸೇವಿಸಿದರೆ ಬೊಜ್ಜು ಕರಗುತ್ತದೆ.

-ಕಫದಿಂದ ತೂಕ ಹೆಚ್ಚುತ್ತಿದ್ದರೆ ಹಸುವಿನ ಗೋಮೂತ್ರವನ್ನು ನೀರು ಮತ್ತು ಹಳೆ ಜೇನುತುಪ್ಪದ ಜೊತೆ ಸೇವಿಸಿದರೂ ತೂಕ ಇಳಿಯುತ್ತದೆ.

-ದಿನಕ್ಕೆ ಮೂರು ಬಾರಿ ಬೆಣ್ಣೆ ತೆಗೆದ ಮಜ್ಜಿಗೆಯನ್ನು ಸೇವಿಸಿದರೂ ತೂಕ ಗಣನೀಯವಾಗಿ ಕಡಿಮೆಯಾಗುತ್ತದೆ.