ಬಾಲಿವುಡ್ನ ಮಿಸ್ಟರ್ ಫರ್ಪೆಕ್ಷನಿಸ್ಟ್ ಎಂದೇ ಕರೆಸಿಕೊಳ್ಳುವ ಅಮೀರ್ ಖಾನ್ ಇದೀಗ ಮತ್ತೊಮ್ಮೆ ತಮ್ಮ ಸಂಭಾವನೆಯ ಮೂಲಕ ಸುದ್ದಿಯಾಗಿದ್ದು ಅವರು ಪ್ರತಿ ಗಂಟೆಗೆ ತೆಗೆದುಕೊಳ್ಳುವ ಮೊತ್ತ ಇದೀಗ ಅಚ್ಚರಿ ಮೂಡಿಸಿದೆ.
ಈ ಹಿಂದೆ ಸಾಮಾಜಿಕ ಮೌಲ್ಯಗಳನ್ನು ಹೊಂದಿರುವ ಜಾಹೀರಾತುಗಳಲ್ಲಿ ಮಾತ್ರ ಕಾಣಿಸಿಕೊಳ್ಳುತ್ತಿದ್ದ ಅಮೀರ್ ಖಾನ್, ದಿನಬಳಕೆಯ ವಸ್ತುಗಳ ಬಗೆಗಿನ ಹೊಸ ಜಾಹೀರಾತಿನಲ್ಲಿ ಕಾಣಿಸಿಕೊಳ್ಳಲಿದ್ದಾರೆ ಎನ್ನಲಾಗಿದೆ. ಅಲ್ಲದೇ ಈ ಜಾಹಿರಾತಿಗೆ ಪ್ರತಿ ಗಂಟೆಗೆ 2 ಕೋಟಿ ನೀಡುವಂತೆ ಬೇಡಿಕೆ ಇಟ್ಟಿದ್ದು ಇದಕ್ಕೆ ಜಾಹಿರಾತು ನೀಡುವ ಕಂಪನಿಯೂ ಒಪ್ಪಿಗೆ ಸೂಚಿಸಿದೆಯಂತೆ.
ಅಲ್ಲದೇ ಈ ಜಾಹೀರಾತಿನಲ್ಲಿ ಅಮೀರ್ ಖಾನ್ ಹಾಗೂ ಪತ್ನಿ ಕಿರಣ್ ಇಬ್ಬರೂ ಕಾಣಿಸಿಕೊಳ್ಳಲಿದ್ದು, ಈ ಜೋಡಿ ಪಾತ್ರಕ್ಕೆ ಗಂಟೆಗೆ 2 ಕೋಟಿ ಬೇಡಿಕೆ ಇಡುವ ಮೂಲಕ ಅತಿ ಹೆಚ್ಚು ಸಂಭಾವನೆ ಪಡೆಯುವ ಶಾರೂಖ್- ಗೌರಿ ಖಾನ್, ಅಭಿಷೇಕ್- ಐಶ್ವರ್ಯ, ಸೈಫ್ ಹಾಗೂ ಕರೀನಾ ಜೋಡಿಗಳ ಜತೆ ಸೇರ್ಪಡೆಯಾಗಿದ್ದಾರೆ.