ಮಾನವನ ದೇಹಕ್ಕೆ ಪೂರಕವಾಗಿರುವಂತೆ ತಯಾರಿಸಲಾದ “ಈಟ್ ಕಪ್'”

ದೇಶಾದ್ಯಂತ ಪ್ಲಾಸ್ಟಿಕ್ ಬಳಕೆಯನ್ನು ಸಾಧ್ಯವಾದಷ್ಟು ತಗ್ಗಿಸಲು ಯತ್ನಗಳು ನಡೆಯುತ್ತಿರುವಂತೆಯೇ ಹೈದರಾಬಾದ್ ಮೂಲದ ಕಂಪನಿಯೊಂದು ತಿನ್ನಬಲ್ಲ ಕಪ್‌ಗಳನ್ನು ಪರಿಚಯಿಸಿದ್ದು, ಬಿಸಿ ಅಥವಾ ತಂಪು ಪಾನೀಯಗಳನ್ನು ಸೇವಿಸಿದ ಬಳಿಕ ಅದನ್ನು ತಿನ್ನಬಹುದಾಗಿದೆ.

ಸಂಪೂರ್ಣ ತಿಂದು ಮುಗಿಸಬಲ್ಲ ಈ ‘ಈಟ್ ಕಪ್’ ಎಲ್ಲಾ ರೀತಿಯ ಪಾನೀಯಗಳನ್ನು ತನ್ನಲ್ಲಿ ಹಿಡಿದಿಟ್ಟುಕೊಳ್ಳಬಲ್ಲದು ಎಂದು ಅದರ ತಯಾರಕರು ತಿಳಿಸಿದ್ದಾರೆ.

ಧಾನ್ಯಗಳಿಂದ ಮಾಡಲಾದ ಈ ಕಪ್‌ ಅನ್ನು, ಮಾನವನ ದೇಹಕ್ಕೆ ಪೂರಕವಾಗಿರುವಂತೆ ತಯಾರಿಸಲಾಗಿದೆ.