ಹಬ್ಬದ ಸೀಸನ್​ನಲ್ಲಿ ಕಡಿಮೆ​ ಬೆಲೆಗೆ ಐಫೋನ್ ಖರೀದಿಸಿದವನಿಗೆ ಶಾಕ್!

ವ್ಯಕ್ತಿಯೊಬ್ಬರು ಹಬ್ಬದ ಸೀಸನ್​ನಲ್ಲಿ ಆಫರ್​ ಬೆಲೆಗೆ ಐಫೋನ್ ಸಿಗುತ್ತಿದೆ ಎಂದು ಖರೀದಿಸಿ ಮೋಸ ಹೋದ ಘಟನೆ ಬೆಳಕಿಗೆ ಬಂದಿದೆ.

ದೆಹಲಿ ಮೂಲದ ಯ್ಯೂಟೂಬರ್​ ರಾಫ್​ ಎಂಬವರು ಅಮೆಜಾನ್​ ಗ್ರೇಟ್​ ಇಂಡಿಯಾ ಫೆಸ್ಟಿವಲ್​ ಸೇಲ್​ನಲ್ಲಿ ಐಫೋನ್​ 11 ಖರೀದಿಸಿದ್ದಾರೆ. 64ಜಿಬಿ ಸ್ಟೊರೇಜ್ ಆಯ್ಕೆಯ ಫೋನನ್ನು ಖರೀದಿಸಿದ್ದಾರೆ. ಆದರೆ ಐಫೋನ್ 11 ಅನ್ನು ಬಾಕ್ಸ್​ನಿಂದ ತೆರೆದು ನೋಡಿದಾಗ ನಕಲಿ ಫೋನ್​ ಎಂದು ಗೊತ್ತಾಗಿದೆ.

ನಂತರ ತನ್ನ ಯ್ಯೂಟೂಬ್​ ಖಾತೆಯಲ್ಲಿ ನಕಲಿ ಐಫೋನ್​ 11 ಬಂದಿರುವ ಬಗ್ಗೆ ಹೇಳಿಕೊಂಡಿದ್ದಾರೆ. ಐಫೋನ್ 11 ಬಾಕ್ಸ್​ ಹರಿದಿದ್ದು, ಅದರಲ್ಲಿ ಗೀರುಗಳಿವೆ, 64ಜಿಬಿ ಬದಲು 256ಜಿಬಿ ಸ್ಟೊರೇಜ್​ ಆಯ್ಕೆಯ ಐಫೋನ್​ 11 ನೀಡಲಾಗಿದೆ ಎಂದಿದ್ದಾರೆ.

ನಂತರ ನಕಲಿ ಐಫೋನ್​ ಅನ್ನು ರಾಫ್​​ ಹಿಂತಿರುಗಿಸಲು ಮುಂದಾಗುತ್ತಾರೆ. ವಿತರಣೆ ಮಾಡಿದ್ದ ವ್ಯಕ್ತಿಗೆ ಫೋನ್​​ಕರೆ ಮಾಡುತ್ತಾರೆ. ಆದರೆ ಆತ ಫೋನ್​ ಕರೆಯನ್ನು ಎತ್ತಿಕೊಳ್ಳುತ್ತಿಲ್ಲ. ನಂತರ ರಾಫ್​ ಪೊಲೀಸರಿಗೆ ದೂರು ನೀಡಬೇಕಾದ ಪರಿಸ್ಥಿತಿ ಬಂದೊದಗಿದೆ.

ಸದ್ಯ ಆನ್​ಲೈನ್​ ಮಾರಾಟ ಮಳಿಗೆಗಳು ಹಬ್ಬದ ಪ್ರಯುಕ್ತ ಸೇಲ್​ ನಡೆಸುತ್ತಿದೆ. ಕಡಿಮೆ ಬೆಲೆಗೆ ವಸ್ತುಗಳನ್ನು ಮಾರಾಟ ಮಾಡುತ್ತಿದೆ, ಅದರಂತೆ ಗ್ರಾಹಕರೂ ಕೂಡ ಕಡಿಮೆ ಬೆಲೆಗೆ ದೊರಕುವ ಸ್ಮಾರ್ಟ್​ಫೋನ್​, ಐಫೋನ್​ಗಳನ್ನು ಖರೀದಿಸುತ್ತಿದ್ದಾರೆ. ಆದರೆ ಕೆಲವರು ಇದರಿಂದ ಮೋಸ ಹೋಗುತ್ತಿರುವುದು ಅಚ್ಚರಿಗೆ ಕಾರಣವಾಗಿದೆ.