ಆಲೀಗಢ, ಉತ್ತರ ಪ್ರದೇಶ : ದೇಶಾದ್ಯಂತ ಆಕ್ರೋಶ ವ್ಯಕ್ತವಾಗಿದ್ದ ಇಲ್ಲಿನ ಟಪ್ಪಲ್‌ ಪಟ್ಟಣದ ಎರಡೂವರೆ ವರ್ಷ ಪ್ರಾಯದ ಬಾಲಕಿಯ ಅಮಾನುಷ ಕೊಲೆ ಪ್ರಕರಣಕ್ಕೆ ಸಂಬಂಧಿಸಿ ಪೊಲೀಸರು ಇಂದು ಇನ್ನೂ ಇಬ್ಬರನ್ನು ಬಂಧಿಸಿದರು.
ಇಬ್ಬರು ಬಂಧಿತರಲ್ಲಿ ಒಬ್ಬನು ಈಚಿನ ವರ್ಷಗಳಲ್ಲಿ ಮಕ್ಕಳನ್ನು ಗುರಿ ಇರಿಸಿ ಹಲವು ಲೈಂಗಿಕ ಅಪರಾಧ ಎಸಗಿದವನಾಗಿದ್ದಾನೆ ಎಂದು ಪೊಲೀಸರು ತಿಳಿಸಿದ್ದಾರೆ.
ಕಳೆದ ಮಂಗಳವಾರ ಈ ಕೊಲೆ ಪ್ರಕರಣಕ್ಕೆ ಸಂಬಂಧಿಸಿ ಬಂಧಿತನಾಗಿದ್ದ ಝಾಹಿದ್‌ನ ಸಹೋದರ ಮತ್ತು ಪತ್ನಿಯಾಗಿರುವ ಶಗುಫ್ತಾ ಮತ್ತು ಮೆಹಂದಿ ಹಸನ್‌ ಇವರನ್ನು ವಿಶೇಷ ತನಿಖಾ ತಂಡದವರು ವಶಕ್ಕೆ ತೆಗೆದಕೊಂಡು ಅನಂತರ ಬಂಧಿಸಿದರು.
ಇದರೊಂದಿಗೆ ಟಪ್ಪಲ್‌ ಪಟ್ಟಣದಲ್ಲಿ ನಡೆದ ಬಾಲಕಿಯ ಅಮಾನುಷ ಕೊಲೆಗೆ ಸಂಬಂಧಿಸಿ ಈ ತನಕ ಬಂಧಿತರಾದವರ ಸಂಖ್ಯೆ ನಾಲ್ಕಕ್ಕೇರಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.
Comments are closed.