ರಾಷ್ಟ್ರೀಯ

ಪದ್ಮಾವತ್‌ ಭರ್ಜರಿ ಯಶಸ್ಸು: ವಾರದೊಳಗೆ 143 ಕೋಟಿ ರೂ. ಗಳಿಕೆ

Pinterest LinkedIn Tumblr


ಹೊಸದಿಲ್ಲಿ : ಬಾಲಿವುಡ್‌ ಚಿತ್ರ ನಿರ್ದೇಶಕ ಸಂಜಯ್‌ ಲೀಲಾ ಭನ್ಸಾಲಿ ಅವರ ವಿವಾದಿತ ಐತಿಹಾಸಿಕ ಕಥಾ ಚಿತ್ರ ಪದ್ಮಾವತ್‌ ಬಿಡುಗಡೆಯಾದ ವಾರದೊಳಗೆ 143 ಕೋಟಿ ರೂ. ಬಾಕ್ಸ್‌ ಆಫೀಸ್‌ ಗಳಿಕೆಯನ್ನು ದಾಖಲಿಸಿದೆ. ಚಿತ್ರದ ಪ್ರಧಾನ ಭೂಮಿಕೆಯಲ್ಲಿ ದೀಪಿಕಾ ಪಡುಕೋಣೆ, ರಣವೀರ್‌ ಸಿಂಗ್‌, ಶಾಹೀದ್‌ ಕಪೂರ್‌ ನಟಿಸಿದ್ದಾರೆ.

ಚಿತ್ರ ವಿಮರ್ಶಕರು ಮತ್ತು ಸಿನೇಮಾ ಪ್ರಿಯರು ಪದ್ಮಾವತ್‌ ಚಿತ್ರವನ್ನು ಅದರ ಕಲಾತ್ಮಕತೆ ಮತ್ತು ಉತ್ಕೃಷ್ಟ ಚಿತ್ರೀಕರಣವನ್ನು ಮೆಚ್ಚಿಕೊಂಡಿದ್ದು ಚಿತ್ರದ ಬಾಕ್ಸ್‌ ಆಫೀಸ್‌ ಮುನ್ನಡೆಗ ಶ್ರೀರಕ್ಷೆಯಾಗಿದೆ ಎಂದು ಚಿತ್ರೋದ್ಯಮ ವಿಶ್ಲೇಷಕರು ಅಭಿಪ್ರಾಯಪಟ್ಟಿದ್ದಾರೆ.

ಪದ್ಮಾವತ್‌ ಚಿತ್ರ ಕಳೆದ ಬುಧವಾರ (ಪರಿಮಿತ ಪ್ರದರ್ಶನ) 5 ಕೋಟಿ, ಗುರುವಾರ 19 ಕೋಟಿ, ಶುಕ್ರವಾರ 32 ಕೋಟಿ, ಶನಿವಾರ 27 ಕೋಟಿ, ಭಾನುವಾರ 31 ಕೋಟಿ, ಸೋಮವಾರ 15 ಕೋಟಿ ಮತ್ತು ಮಂಗಳವಾರ 14 ಕೋಟಿ – ಒಟ್ಟು 143 ಕೋಟಿ ರೂ. ಸಂಪಾದಿಸಿದೆ ಎಂದು ಚಿತ್ರೋದ್ಯಮ ವಿಶ್ಲೇಷಕ ತರಣ್‌ ಆದರ್ಶ್‌ ತಿಳಿಸಿದ್ದಾರೆ.

ಸಾಗರೋತ್ತರ ವಾರಾಂತ್ಯ ಪ್ರದರ್ಶನದಿಂದ 76.24 ಕೋಟಿ ರೂ. ಸಂಪಾದನೆಯಾಗಿದೆ ಎಂದವರು ತಿಳಿಸಿದ್ದಾರೆ.

ಪದ್ಮಾವತ್‌ ಚಿತ್ರ 2018ರ ಜನವರಿ 25ರಂದು ಹಲವು ವಿವಾದ, ಹಿಂಸಾತ್ಮಕ ಪ್ರತಿಭಟನೆಗಳ ನಡುವೆ ಬಿಡುಗಡೆಗೊಂಡಿತ್ತು.

-ಉದಯವಾಣಿ

Comments are closed.