ಚೆನ್ನೈ: ರಾಜ್ಯಾದ್ಯಂತ ಹೆಚ್ಚುತ್ತಿರುವ ಅಪಘಾತ ಪ್ರಕರಣಕ್ಕೆ ಬ್ರೇಕ್ ಹಾಕಲು ನಿರ್ಧರಿಸಿರುವ ತಮಿಳುನಾಡು ಸರಕಾರ ಮತ್ತು ರಾಜ್ಯ ಸಾರಿಗೆ ಇಲಾಖೆ, ಪ್ರವಾಸಿ ಕ್ಯಾಬ್ ಹಾಗೂ ಮ್ಯಾಕ್ಸಿ ಕ್ಯಾಬ್ ಚಾಲಕರು ಇನ್ನು ಮುಂದೆ ಕೇವಲ ಎಂಟು ಗಂಟೆ ಕೆಲಸ ನಿರ್ವಹಿಸುವಂತೆ ಆದೇಶಿಸಿವೆ.
ರಸ್ತೆ ಸಂಚಾರಿ ಆಯುಕ್ತರು ಕಳೆದ ಬುಧವಾರದಂದು ನೋಟೀಸ್ ಜಾರಿ ಮಾಡಿದ್ದು, 1988ರ ಮೋಟಾರ್ ವಾಹನ ಕಾಯಿದೆ ನಿಬಂಧನೆಗಳು ಮತ್ತು ಸಂಚಾರಿ ವಾಹನಗಳ ಕಾರ್ಮಿಕರ ಕಾಯ್ದೆ 1961ರ ನಿಬಂಧನೆಗಳ ಪ್ರಕಾರ ಈ ನಿಯಮವನ್ನು ತರಲಾಗಿದೆ ಎಂದು ಪ್ರಕಟಣೆಯಲ್ಲಿ ತಿಳಿಸಲಾಗಿದೆ.
‘ಪ್ರವಾಸಿ ಕ್ಯಾಬ್ ಮತ್ತು ಮ್ಯಾಕ್ಸಿ ಕ್ಯಾಬ್ ಚಾಲಕರು ನಿತ್ಯ ಎಂಟು ಗಂಟೆಯಷ್ಟೇ ಕೆಲಸ ಮಾಡಬೇಕು, ವಾರದಲ್ಲಿ ಒಂದು ದಿನ ರಜೆ ತೆಗೆದುಕೊಳ್ಳಬೇಕು, ಅಲ್ಲದೇ ವಾರ್ಷಿಕ ವೈದ್ಯಕೀಯ ತಪಾಸಣೆ ವರದಿ ಪತ್ರ ಮತ್ತು ಜೀವ ವಿಮೆ ಪತ್ರ ಇಟ್ಟುಕೊಂಡಿರ ಬೇಕು’ ಎಂದು ಪ್ರಕಟಣೆಯಲ್ಲಿ ಉಲ್ಲೇಖಿಸಲಾಗಿದೆ.
Comments are closed.