ಸಿಂಹವನ್ನೇ ಬೆದರಿಸಿ ಓಡಿಸಿದ ಎಮ್ಮೆ…ಇಲ್ಲಿದೆ ವೀಡಿಯೋ

https://youtu.be/vXQVijvoSQU

ಗುಜರಾತ್: ಎಮ್ಮೆಯೊಂದು ಸಿಂಹವನ್ನೇ ಬೆದರಿಸಿ ಓಡಿಸಿದ ಘಟನೆ ಗುಜರಾತ್‍ನ ಗಿರ್ ರಾಷ್ಟ್ರೀಯ ಉದ್ಯಾನದಲ್ಲಿ ನಡೆದಿದೆ.

ಜೂನ್ 5 ರಂದು ಈ ಘಟನೆ ನಡೆದಿದ್ದು, ಸಫಾರಿಗೆ ಬಂದಿದ್ದ ಪ್ರವಾಸಿಗರು ಎಮ್ಮೆ ಸಿಂಹವನ್ನು ಅಟ್ಟಿಸಿಕೊಂಡು ಹೋಗೋ ದೃಶ್ಯಾವಳಿಯನ್ನ ಸೆರೆಹಿಡಿದಿದ್ದಾರೆ.

ಪ್ರವಾಸಿಗರ ಜೀಪ್ ನಿಂತಿದ್ದ ರಸ್ತೆಯಲ್ಲಿ ಕಾಣಿಸಿಕೊಂಡ ಹೆಣ್ಣು ಸಿಂಹ ಮೆಲ್ಲನೆ ಹೆಜ್ಜೆ ಹಾಕುತ್ತಾ ಬರುತ್ತಿತ್ತು. ಪ್ರವಾಸಿಗರು ಸಿಂಹದ ಫೋಟೋ ಕ್ಲಿಕ್ಕಿಸುವಲ್ಲಿ ಬ್ಯುಸಿಯಾಗಿದ್ರು. ಈ ವೇಳೆ ರಸ್ತೆಯ ಮತ್ತೊಂದು ಬದಿಯಿಂದ ಎಮ್ಮೆಗಳ ಹಿಂಡು ಬರುತ್ತಿತ್ತು.

ಸಿಂಹವನ್ನು ನೊಡಿದ್ದೇ ತಡ ಎಮ್ಮೆಯೊಂದು ನುಗ್ಗಿ ಬಂದು ಹೆಣ್ಣು ಸಿಂಹವನ್ನ ಬೆನ್ನಟ್ಟಿತ್ತು. ಪ್ರವಾಸಿಗರ ಮುಂದೆ ಪೋಸ್ ನೀಡ್ತಿದ್ದ ಸಿಂಹ ಎಮ್ಮೆಗೆ ಹೆದರಿ ಎದ್ನೋ ಬಿದ್ನೋ ಅಂತ ಅಲ್ಲಿಂದ ಓಡಲು ಶುರು ಮಾಡಿತ್ತು.