ಪ್ಯಾಂಕ್ರಿಯಾಟಿಕ್ ಕ್ಯಾನ್ಸರ್ ಅರ್ಥಾತ್ ಮೇದೋಜ್ಜೀರಕ ಗ್ರಂಥಿಯ ಕ್ಯಾನ್ಸರ್‌ಗೆ ಸರಿಯಾದ ಚಿಕಿತ್ಸೆ ಇಲ್ಲ. ಆರಂಭಿಕ ಹಂತದಲ್ಲಿ ಗೊತ್ತಾದರೆ ಶಸ್ತ್ರ ಚಿಕಿತ್ಸೆ ಮೂಲಕ ಇದನ್ನು ನಿಯಂತ್ರಿಸಬಹುದು.
ಈಗ ಪ್ಯಾಂಕ್ರಿಯಾಟಿಕ್ ಕ್ಯಾನ್ಸರ್ ಅನ್ನು ಪತ್ತೆ ಹಚ್ಚಬಲ್ಲ ಆ್ಯಪ್ ಒಂದನ್ನು ವಿಜ್ಞಾನಿಗಳು ಅಭಿವೃದ್ಧಿಪಡಿಸಿದ್ದಾರೆ. ಈ ಆ್ಯಪ್ ಮೂಲಕ ಮೇದೋಜ್ಜೀರಕ ಕ್ಯಾನ್ಸರ್ ಜೊತೆಗೆ ಜಾಂಡೀಸ್‌ನಂಥ ಕೆಲವು ರೋಗಗಳನ್ನೂ ಪತ್ತೆ ಹಚ್ಚಬಹುದು.
ಇದನ್ನು ಅಮೆರಿಕಾದ ಯುನಿವರ್ಸಿಟಿ ಆಫ್ ವಾಷಿಂಗ್ಟನ್ ಸಂಶೋಧಕರು ಸಂಶೋಧಿಸಿದ್ದಾರೆ. ಬಿಲಿಸ್ಕ್ರೀನ್ ಎಂಬ ಹೆಸರಿನ ಈ ಆ್ಯಪ್‌ನಲ್ಲಿ ಕ್ಯಾಮೆರಾ ಮೂಲಕ ತೆಗೆದ ಸೆಲ್ಫಿಯಲ್ಲಿ ರೋಗ ಲಕ್ಷಣವನ್ನು ಪತ್ತೆ ಮಾಡಲಾಗುತ್ತೆ. ಆದರೆ ಇದಕ್ಕೆಂದೇ ಸಿದ್ಧಪಡಿಸಲಾಗಿರುವ ಕನ್ನಡಕವನ್ನು ಧರಿಸಿ ಸೆಲ್ಫಿ ತೆಗೆದುಕೊಳ್ಳಬೇಕು. ಆ ಕನ್ನಡಕದಲ್ಲಿ ಕಣ್ಣಿನೊಳಗಿನ ಬಿಳಿಭಾಗ (ಸ್ಕ್ಲೇರ್)ವನ್ನು ಮಾತ್ರ ತಪಾಸಣೆಗೊಳಪಡಿಸಲಾಗುತ್ತದೆ.
ಜಾಂಡಿಸ್ ಮೇದೋಜ್ಜೀರಕ ಕ್ಯಾನ್ಸರ್‌ನ ಮೊದಲ ಹಂತ. ಈ ಆ್ಯಪ್ ಜಾಂಡೀಸ್ ಸಾಧ್ಯತೆಗಳನ್ನು ಪತ್ತೆ ಹಚ್ಚುತ್ತೆ. ಆ ಮೂಲಕ ಕ್ಯಾನ್ಸರ್ ಸಾಧ್ಯತೆಗಳನ್ನು ತಿಳಿಸುತ್ತೆ.
Comments are closed.