ಆರೋಗ್ಯಕರ ಜೀವನಕ್ಕೆ ಸೈಕ್ಲಿಂಗ್ ರಹದಾರಿಯಿದ್ದಂತೆ. ಕೆಲವರು ದೇಹದ ಫಿಟ್ನೆಸ್ ಕಾಪಾಡಿಕೊಳ್ಳಲು ಸೈಕ್ಲಿಂಗ್ ಮಾಡಿದರೆ, ಇನ್ನು ಕೆಲವರು ಪರಿಸರ ಕಾಳಜಿಯ ಉದ್ದೇಶದಿಂದ ಸೈಕ್ಲಿಂಗ್ ಮಾಡುತ್ತಾರೆ. ಸೈಕ್ಲಿಂಗ್ನ ಉದ್ದೇಶ ಏನೇ ಇದ್ದರೂ, ಲಾಭ ಖಚಿತ. ಪ್ರತಿ ವರ್ಷದಂತೆ ಈ ವರ್ಷದ ಡಿಸೆಂಬರ್ನಲ್ಲಿ ಬೆಂಗಳೂರಿನಿಂದ “ಟೂರ್ ಆಫ್ ನೀಲ್ಗಿರೀಸ್’ ಸೈಕ್ಲಿಂಗ್ ಟೂರ್ ಆಯೋಜನೆಯಾಗಿದೆ. ಹೆಸರು ಕೇಳಿದರೆ ಮೈ ರೋಮಾಂಚನಗೊಳ್ಳುತ್ತದೆ.
ಮೈನವಿರೇಳಿಸುವ ಪ್ರಾಕೃತಿಕ ದೃಶ್ಯಗಳಿಂದ ಸಮೃದ್ಧವಾಗಿರುವ ಸುಂದರ ಪರಿಸರದ ನಡುವೆ ಸೈಕ್ಲಿಂಗ್ ಮಾಡುವುದನ್ನು ನೆನೆಸಿಕೊಂಡರೆ ಮೈ ಜುಮ್ಮೆನ್ನುತ್ತೆ.
ಸುಮಾರು 120 ಸೈಕಲ್ ಸವಾರರು, ಬೆಂಗಳೂರಿನಿಂದ 7 ದಿನಗಳಲ್ಲಿ, 1000 ಕಿ.ಮೀ ದೂರವನ್ನು ಕ್ರಮಿಸಲಿದ್ದಾರೆ. ಕರ್ನಾಟಕ, ಕೇರಳ ಮತ್ತು ತಮಿಳುನಾಡಿನ ಪ್ರದೇಶವನ್ನು ಸೈಕಲ್ ಸವಾರರು ಹಾದು ಹೋಗಲಿದ್ದಾರೆ. ಇವರಲ್ಲಿ ವಿದೇಶಿ ಪ್ರಜೆಗಳೂ ಇರುವುದು ವಿಶೇಷ.
ಹೆಚ್ಚಿನ ಮಾಹಿತಿಗಾಗಿ- www.tourofnilgiris.com
www.goo.gl/JwzoQF
-ಉದಯವಾಣಿ
Comments are closed.