ಲಂಚಕ್ಕೂ ನೂರರ ನೋಟುಗಳೇ ಬೇಕು: ಸರ್ಕಾರಿ ನೌಕರ ಬಂಧನ

ಮುಂಬೈ: ₹100 ನೋಟುಗಳನ್ನೇ ಲಂಚ ಕೊಡುವಂತೆ ಕೇಳಿದ ಆರೋಪದಲ್ಲಿ ಸರ್ಕಾರಿ ನೌಕರರೊಬ್ಬರನ್ನು ಮಹಾರಾಷ್ಟ್ರದಲ್ಲಿ ಬಂಧಿಸಲಾಗಿದೆ.

ಸೋಲಾಪುರದ ಕೃಷಿ ಅಧಿಕಾರಿ ಬಾಲಸಾಹೇಬ್ ಭಿಕಾಜಿ ಬಾಬರ್ ಎಂಬವರು ಅರ್ಜಿಯೊಂದನ್ನು ಸ್ವೀಕರಿಸುವುದಕ್ಕಾಗಿ ದತ್ತಾತ್ರೇಯ ಬೆಡ್ಗೆ ಎಂಬವರಿಂದ ರು. 2500 ಲಂಚ ಕೇಳಿದ್ದಾರೆ.

ಮಂಗಳವಾರ ರಾತ್ರಿ ₹. 500 ಮತ್ತು ₹ 1000 ಮುಖಬೆಲೆಯ ನೋಟುಗಳನ್ನು ರದ್ದು ಮಾಡುವಂತೆ ಸರ್ಕಾರ ಆದೇಶ ಹೊರಡಿಸುವುದರಿಂದ ತನಗೆ ಹಣ ನೀಡುವಾಗ 100 ರುಪಾಯಿಯ 25 ನೋಟುಗಳನ್ನೇ ನೀಡಬೇಕೆಂದು ಬಾಬರ್ ಒತ್ತಾಯಿಸಿದ್ದರು ಎಂದು ಬೆಡ್ಗೆ ಆರೋಪಿಸಿದ್ದಾರೆ.

ಬೆಡ್ಗೆ ಅವರ ಆರೋಪದ ಮೇರೆಗೆ ಮುಂಬೈ ಪೊಲೀಸರು ಬಾಬರ್ ಅವರನ್ನು ಬಂಧಿಸಿದ್ದಾರೆ.