ನವದೆಹಲಿ: ಸರಕು ಮತ್ತು ಸೇವಾ ತೆರಿಗೆ (ಜಿಎಸ್ಟಿ) 31ನೇ ಪರಿಷತ್ ಸಭೆಯಲ್ಲಿ ಮಹತ್ವದ ನಿರ್ಧಾರ ತೆಗೆದುಕೊಳ್ಳಲಾಗಿದೆ. ಶನಿವಾರ ನಡೆದ ಸಭೆಯಲ್ಲಿ ಒಟ್ಟೂ 33 ವಸ್ತುಗಳ ತೆರಿಗೆಯನ್ನು ಶೇಕಡ 18ರಿಂದ ಶೇ. 12 ಮತ್ತು ಶೇ. 5ಕ್ಕೆ ಇಳಿಸಲು ಮುಂದಾಗಿದೆ. ಈ ಮೂಲಕ 33 ವಸ್ತುಗಳು ಮೊದಲಿಗಿಂತ ಕಡಿಮೆ ಬೆಲೆಗೆ ಸಿಗಲಿದ್ದು ಗ್ರಾಹಕರಿಗೆ ಸಂತಸ ತರಲಿದೆ.
ಯಾವ ವಸ್ತು ಮತ್ತು ಸೇವೆಗಳ ಜಿಎಸ್ಟಿ ಕಡಿಮೆಯಾಗಿದೆ ಎಂಬ ಮಾಹಿತಿ ಈ ಕೆಳಗಿದೆ.
1. ವೀಲ್ಚೇರ್ ಮೇಲಿನ ತೆರಿಗೆ ಶೇಕಡ 28ರಿಂದ ಶೇಕಡ 5ಕ್ಕೆ ಇಳಿಕೆ.
2. 32 ಇಂಚ್ ಟಿವಿ ಮೇಲಿನ ತೆರಿಗೆ ಶೇಕಡ 28ರಿಂದ ಶೇಕಡ 5ಕ್ಕೆ ಇಳಿಕೆ.
3. ರೂ. 100 ಒಳಗಿನ ಸಿನೆಮಾ ಟಿಕೆಟ್ ಶೇಕಡ 18ರಿಂದ ಶೇಕಡ 12ಕ್ಕೆ ಇಳಿಕೆ.
4. ರೂ. 100ಕ್ಕಿಂತ ಹೆಚ್ಚು ಮೌಲ್ಯದ ಸಿನೆಮಾ ಟಿಕೆಟ್ ಮೇಲಿದ್ದ ಶೇಕಡ 28 ತೆರಿಗೆಯನ್ನು ಶೇಕಡ 18ಕ್ಕೆ ಇಳಿಕೆ.
5. ಮೂರನೇ ವ್ಯಕ್ತಿ ವಿಮೆ ಶೇಕಡ 12 ಕ್ಕೆ ಇಳಿಕೆ.
6. ಧಾರ್ಮಿಕ ಕ್ಷೇತ್ರಗಳ ಭೇಟಿಗೆ ಬಳಸುವ ವಿಮಾನಯಾನದ ದರ ಶೇಕಡ 5ಕ್ಕೆ ಇಳಿಕೆ. ಈ ಹಿಂದೆ ಎಕಾನಮಿ ಟಿಕೆಟ್ಗೂ ಶೇಕಡ 28 ತೆರಿಗೆ ವಿಧಿಸಲಾಗಿತ್ತು.
ಇದನ್ನೂ ಓದಿ: ಕಡಿಮೆ ಬೆಲೆಗೆ ಸಿಗಲಿದೆ ಟಿವಿ, ವಿಡಿಯೋ ಗೇಮ್, ಸಿನೆಮಾ ಟಿಕೆಟ್; ಜಿಎಸ್ಟಿ ಕಡಿತಗೊಳಿಸಿ ಕೇಂದ್ರ ಆದೇಶ
7. ಸೋಲಾರ್ ಪೌಡರ್ ತಯಾರಿಕಾ ಘಟಕದ ಮೇಲಿದ್ದ ತೆರಿಗೆ ಶೇಕಡ 5ಕ್ಕೆ ಇಳಿಕೆ.
8. ಶೇಕಡ 28ರ ವರ್ಗದಲ್ಲಿ ಇನ್ನೂ ಉಳಿದಿರುವ ವಸ್ತುಗಳು ಐಷಾರಾಮಿ ಕೆಟಗರಿಯಾಗಿದ್ದು, ಅವುಗಳ ತೆರಿಗೆಯಲ್ಲಿ ಇಳಿಕೆಯಿಲ್ಲ.
9. ಆಟೋ ಮೊಬೈಲ್ ಬಿಡಿಭಾಗಗಳು ಮತ್ತು ಸಿಮೆಂಟ್ಗೆ ಶೇಕಡ 28ರಷ್ಟು ತೆರಿಗೆ ಮುಂದುವರೆಸಲಾಗಿದೆ.
10. ಎಸಿ ಮತ್ತು ಡಿಶ್ ವಾಶ್ಗಳನ್ನು ಕೂಡ ಶೇಕಡ 28ರ ಸ್ಲಾಬ್ನಲ್ಲೇ ಮುಂದುವರೆಯಲಿದೆ.
11. ಜನ್ ಧನ್ ಯೋಜನೆಯ ಖಾತೆದಾರರು ಮತ್ತು ಅವರಿಗೆ ಬ್ಯಾಂಕ್ ನೀಡುತ್ತಿದ್ದ ಸೇವೆಗಳಿಗೆ ಸಂಪೂರ್ಣ ತೆರಿಗೆ ವಿನಾಯಿತಿ ನೀಡಲಾಗಿದೆ.
Comments are closed.