ರಾಷ್ಟ್ರೀಯ

ಭಾರತ ವಿಶ್ವದಲ್ಲಿ 6ನೇ ಶ್ರೀಮಂತ ರಾಷ್ಟ್ರ

Pinterest LinkedIn Tumblr


ಹೊಸದಿಲ್ಲಿ: ವಿಶ್ವದಲ್ಲೇ ಅತ್ಯಂತ ಶ್ರೀಮಂತ ರಾಷ್ಟ್ರ ಎಂಬ ಹೆಗ್ಗಳಿಕೆಗೆ ಅಮೆರಿಕ ಪಾತ್ರವಾಗಿದೆ. ನ್ಯೂ ವರ್ಲ್ಡ್‌ ವೆಲ್ತ್‌ನ ವರದಿ ಪ್ರಕಾರ ಭಾರತ 6ನೇ ಸಂಪದ್ಭರಿತ ರಾಷ್ಟ್ರವಾಗಿದೆ.
ಭಾರತದ ಒಟ್ಟು ಸಂಪತ್ತು ಬರೋಬ್ಬರಿ ರೂ. 5,23,762 ಶತಕೋಟಿ!

ಟಾಪ್‌ ಶ್ರೀಮಂತ ರಾಷ್ಟ್ರಗಳು (ಡಾಲರ್‌ಗಳಲ್ಲಿ)
1. ಅಮೆರಿಕ – 64,584 ಶತಕೋಟಿ
2. ಚೀನಾ – 24,803 ಶತಕೋಟಿ
3. ಜಪಾನ್‌ – 19,522 ಶತಕೋಟಿ
4. ಬ್ರಿಟನ್‌ – 9,919 ಶತಕೋಟಿ
5. ಜರ್ಮನಿ – 9,660 ಶತಕೋಟಿ
6. ಭಾರತ – 8,230 ಶತಕೋಟಿ
7. ಫ್ರಾನ್ಸ್‌ – 6,649 ಶತಕೋಟಿ
8. ಕೆನಡಾ – 6,393 ಶತಕೋಟಿ
9. ಆಸ್ಟ್ರೇಲಿಯಾ – 6,142 ಶತಕೋಟಿ
10. ಇಟಲಿ – 4,276 ಶತಕೋಟಿ

ಜಾಗತಿಕವಾಗಿ ಒಂದೇ ವರ್ಷದಲ್ಲಿ ಅಧಿಕ ಸಂಪತ್ತು ಏರಿಕೆ ಕಂಡ ರಾಷ್ಟ್ರ ಎಂಬ ಹೆಗ್ಗಳಿಕೆಗೆ ಭಾರತ ಪಾತ್ರವಾಗಿದೆ. 2016ರಲ್ಲಿ ಭಾರತದ ಸಂಪತ್ತು 6,584 ಶತಕೋಟಿಯಿತ್ತು. 2017ಕ್ಕೆ ಶೇ.25ರಷ್ಟು ಏರಿಕೆ ಕಂಡಿದ್ದು, 8,230 ಡಾಲರ್‌ ಸಂಪತ್ತು ಹೊಂದಿದೆ. ದಶಕಕ್ಕೆ ಹೋಲಿಸಿದರೆ ಶೇ.160ರಷ್ಟು ಹೆಚ್ಚಿನ ಸಂಪತ್ತನ್ನು ಭಾರತ ಹೊಂದಿದೆ. 2007ರಲ್ಲಿ ಭಾರತದ ಸಂಪತ್ತು 3,165 ಶತಕೋಟಿಯಿತ್ತು. ಇದೀಗ 8,230 ಶತಕೋಟಿಗೆ ಏರಿಸಿಕೊಂಡಿದೆ.

ಭಾರತದ ಸಂಪತ್ತಿನ ಏರಿಕೆ (ಡಾಲರ್‌ಗಳಲ್ಲಿ)
2007 – 3,165 ಶತಕೋಟಿ
2016 – 6,584 ಶತಕೋಟಿ
2017 – 8,230 ಶತಕೋಟಿ

ಚೀನಾದ ಸಂಪತ್ತು ಶೇ.22 ಹೆಚ್ಚಾಗಿದ್ದು, ಒಟ್ಟಾರೆ ವಿಶ್ವದ ಸಂಪತ್ತು ಶೇ.12ರಷ್ಟು ಏರಿಕೆ ಕಂಡುಬಂದಿದೆ.

ಭಾರತದ ನೆಲದಲ್ಲಿ 10 ಕೋಟಿಗಿಂತ ಹೆಚ್ಚು ಸಂಪತ್ತು ಹೊಂದಿರುವವರ ಸಂಖ್ಯೆ 3,30,400. 10 ಕೋಟಿಗಿಂತ ಹೆಚ್ಚು ಸಂಪತ್ತು ಹೊಂದಿರುವವರನ್ನು ಅಧಿಕ ಸಂಖ್ಯೆಯಲ್ಲಿ ಹೊಂದಿರುವ ರಾಷ್ಟ್ರಗಳ ಪೈಕಿ ಭಾರತ 9ನೇ ಸ್ಥಾನದಲ್ಲಿದೆ. ನಂ.1 ಸ್ಥಾನದಲ್ಲಿರುವ ಅಮೆರಿಕದಲ್ಲಿ 10 ಕೋಟಿ ಡಾಲರ್‌ ಸಂಪತ್ತು ಹೊಂದಿರುವವರ ಸಂಖ್ಯೆ 50,47,400. ಭಾರತದಲ್ಲಿ ಸುಮಾರು 20,730 ಬಹು-ಕೋಟ್ಯಾಧಿಪತಿಗಳಿದ್ದಾರೆ. ಈ ಮೂಲಕ ಭಾರತ ವಿಶ್ವದಲ್ಲಿ 7ನೇ ಸ್ಥಾನದಲ್ಲಿ ಕಾಣಿಸಿಕೊಂಡಿದೆ.

ಒಟ್ಟು ಸಂಪತ್ತಿನ ಲೆಕ್ಕಾಚಾರದಲ್ಲಿ ರಾಷ್ಟ್ರದ ಪ್ರತಿಯೊಬ್ಬನ ಖಾಸಗಿ ಸಂಪತ್ತನ್ನು ಒಳಗೊಂಡಿದೆ.

Comments are closed.