ಹೈದರಾಬಾದ್: ಒಂದು ಉತ್ತಮ ಪದವಿ ಪಡೆದು ಕೆಲಸ ಸಿಗದೆ ಹತಾಶರಾದ ಯುವಕರು ಇನ್ನೇನಪ್ಪಾ ಭಿಕ್ಷೆ ಬೇಡುವುದೊಂದೆ ಗತಿ ನಮಗೆ ಎಂದು ಮಾತನಾಡುವುದನ್ನ ಕೇಳಿರುತ್ತಿರಿ. ಆದರೆ ನಿಜವಾಗಿಯೂ ಈ ರೀತಿ ಯಾರಾದರೂ ಮಾಡಿದರೆ? ಇದನೇಪ್ಪ ಅಂತ ಯೋಚಿಸುತ್ತಿದ್ದಿರಾ… ಮುಂದೆ ಓದಿ…
ಮುತ್ತಿನ ನಗರಿಯಲ್ಲಿ ಭಿಕ್ಷೆ ಬೇಡುವುದು ಅಪರಾಧ ಎಂದು ಕೆಲವು ದಿನಗಳ ಹಿಂದೆ ಘೋಷಣೆಯಾಗಿತ್ತು. ಈ ಹಿನ್ನೆಲೆಯಲ್ಲಿ ಪೊಲೀಸರು ವಿವಿಧ ಪ್ರದೇಶದಲ್ಲಿರವು ಭೀಕ್ಷುಕರನ್ನು ಪುನರ್ವಸತಿ ಕೇಂದ್ರಕ್ಕೆ ಸೇರಿಸುತ್ತಿದ್ದಾರೆ. ಹಾಗೆ ಸೇರಿಸಿದ ಇಬ್ಬರು ಮಹಿಳೆಯರು ಎಂಬಿಎ ಪದವಿಧರರು ಮತ್ತು ಒಳ್ಳೆಯ ಕುಟುಂಬದಿಂದ ಬಂದವರು ಎಂದು ಆಶ್ಚರ್ಯಕರ ಮಾಹಿತಿ ತಿಳಿದು ಬಂದಿದೆ.
ಅಮೇರಿಕ ಅಧ್ಯಕ್ಷರ ಪುತ್ರಿ ಇವಾಂಕಾ ಟ್ರಂಪ್ ಇಲ್ಲಿಗೆ ಭೇಟಿ ನೀಡುತ್ತಿರುವ ಹಿನ್ನೆಲೆಯಲ್ಲಿ ಭಾರೀ ತಯಾರಿ ನಡೆದಿದ್ದು, ದರ್ಗಾದ ಎದುರು ಭಿಕ್ಷೆ ಬೇಡುತ್ತಿದ್ದ ಹಲವಾರು ಭಿಕ್ಷುಕರನ್ನು ಪುನರ್ವಸತಿ ಕೇಂದ್ರಕ್ಕೆ ಸೇರಿಸಲಾಗಿದೆ.
ಈ ವೇಳೆ ಪುನರ್ವಸತಿ ಕೇಂದ್ರದ ಸಿಬ್ಬಂದಿಯೊಂದಿಗೆ ಇಬ್ಬರು ಮಹಿಳೆಯರು ಇಂಗ್ಲಿಷ್ನಲ್ಲಿ ವಾದ ಮಾಡುತ್ತಿದ್ದರು. ಇದನ್ನು ಗಮನಿಸಿ ಅವರ ಹಿನ್ನೆಲೆಯನ್ನು ವಿಚಾರಿಸಿದಾಗ ಆ ಇಬ್ಬರು ಸುಶಿಕ್ಷಿತ ಹಾಗೂ ಉತ್ತಮ ಕುಟುಂಬದ ಮಹಿಳೆಯರು ಎಂದು ತಿಳಿದು ಬಂದಿದೆ.
MBA ಪದವೀಧರರು..
50 ವರ್ಷದ ಫರ್ಜೀನಾ ಎಂಬ ಮಹಿಳೆ ಎಂಬಿಎ ಪದವಿ ಪಡೆದಿದ್ದು, ಲಂಡನ್ನಲ್ಲಿ ಕೆಲಸ ಮಾಡಿದವರಾಗಿದ್ದಾರೆ. ಹಾಗೂ ಉತ್ತಮ ಅಪಾರ್ಟಮೆಂಟ್ವೊಂದರಲ್ಲಿ ಮನೆ ಹೊಂದಿದವರಾಗಿದ್ದಾರೆ. ಅವರ ಮಗ ಆರ್ಕಿಟೆಕ್ಟ್ ಆಗಿ ಅಮೇರಿಕದಲ್ಲಿ ಕಾರ್ಯನಿರ್ವಹಿಸುತ್ತಿದ್ದಾರೆ.
ಮತ್ತೊಬ್ಬ ಮಹಿಳೆ ರಾಬೀಯಾ ಬಸೀರಾ ಇಲ್ಲಿನ ಡಿಫೆನ್ಸ್ ಕಾಲನಿಯವರಾಗಿದ್ದು, ಗ್ರೀನ್ ಕಾರ್ಡ್ ಹೊಂದಿದವರಾಗಿದ್ದಾರೆ ಮತ್ತು ಶ್ರೀಮಂತ ಕುಟುಂಬದವರು ಎಂದು ತಿಳಿದು ಬಂದಿದೆ.
ಆದರೆ ಇಬ್ಬರು ಕೆಲವು ವೈಯ್ಯಕ್ತಿಕ ಸಮಸ್ಯೆಗಳಿಂದಾಗಿ ಈ ಪರಿಸ್ಥಿತಿಗೆ ಬಂದಿದ್ದಾರೆ ಎಂದು ಪುನರ್ವಸತಿ ಪೊಲೀಸರು ತಿಳಿಸಿದ್ದಾರೆ.
Comments are closed.