ರಾಷ್ಟ್ರೀಯ

ಅತ್ಯಾಚಾರಿಗಳಿಂದ ತಪ್ಪಿಸಿಕೊಳ್ಳಲು ಮಹಡಿಯಿಂದ ಜಿಗಿದು ಗಾಯಗೊಂಡ ಯುವತಿ: ಆರೋಪಿಗಳ ಬಂಧನ

Pinterest LinkedIn Tumblr

woman-rape-arrest

ಕೋಲ್ಕತ್ತಾ: ಅತ್ಯಾಚಾರಿಗಳಿಂದ ತಪ್ಪಿಸಿಕೊಳ್ಳಲು ಎರಡನೇ ಮಹಡಿಯಿಂದ ಕೆಳಗೆ ಜಿಗಿದು ಯುವತಿಯೊಬ್ಬಳು ಗಾಯಗೊಂಡಿದ್ದು, ಆರೋಪಿಗಳನ್ನು ಪೊಲೀಸರು ಹಿಡಿದಿರುವ ಘಟನೆ ಕೋಲ್ಕತ್ತಾ ಸಮೀಪ ನಿನ್ನೆ ನಡೆದಿದೆ.

ಯುವತಿಯ ಬಾಯ್ ಫ್ರೆಂಡ್ ಮತ್ತು ಆತನ ಸ್ನೇಹಿತರು ಆಕೆಯ ಮೇಲೆ ಅತ್ಯಾಚಾರವೆಸಗಲು ಯತ್ನಿಸಿದ್ದರು. ಅವರಿಂದ ತಪ್ಪಿಸಿಕೊಳ್ಳಲು ಹೋದ ಯುವತಿ ಮಹಡಿಯಿಂದ ಜಿಗಿದು ತಲೆಗೆ ಪೆಟ್ಟಾಗಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿರುವ ಘಟನೆ ನಿನ್ನೆ ಸಂಜೆ ಕೋಲ್ಕತ್ತಾ ಸಮೀಪ ಲಿಲುಯಾದಲ್ಲಿ ನಡೆದಿದೆ.

ಆಗಿದ್ದೇನು?: 20 ವರ್ಷದ ಯುವತಿ ಆಕೆಯ ಗೆಳೆಯನನ್ನು ಭೇಟಿಯಾಗಲೆಂದು ಅವನ ಅಪಾರ್ಟ್ ಮೆಂಟ್ ಗೆ ಬಂದಿದ್ದಳು. ಆಗ ಅಲ್ಲಿ ಅವನ ಮತ್ತಿಬ್ಬರು ಗೆಳೆಯರೂ ಇದ್ದರು. ಹೀಗೆ ಮಾತನಾಡುತ್ತಾ ಸ್ವಲ್ಪ ಹೊತ್ತು ಕಳೆದ ನಂತರ ಯುವತಿಗೆ ಮತ್ತು ಬರುವ ಪಾನೀಯವನ್ನು ಕುಡಿಸಿದರು. ನಂತರ ಲೈಂಗಿಕತೆಗೆ ಬಲವಂತ ಮಾಡಿದರು. ಅದಕ್ಕೆ ನಿರಾಕರಿಸಿದ ಯುವತಿ ಕಿರುಚಲು ಆರಂಭಿಸಿದಳು. ಆಗ ಅವರು ಕೊಲ್ಲುವ ಬೆದರಿಕೆಯೊಡ್ಡಿದರು. ಯುವತಿ ಮಹಡಿಗೆ ಓಡಿಹೋಗಿ ಅವರಿಂದ ತಪ್ಪಿಸಿಕೊಳ್ಳಲು ಕೆಳಗೆ ಜಿಗಿದಳು.

ಕೆಳಗೆ ಬಿದ್ದ ಯುವತಿಯನ್ನು ಸ್ಥಳೀಯರು ಕೂಡಲೇ ಆಸ್ಪತ್ರೆಗೆ ಕರೆದುಕೊಂಡು ಹೋದರು. ಅಲ್ಲಿದ್ದವರು ಕೂಡಲೇ ಆರೋಪಿಗಳನ್ನು ಹಿಡಿದು ಪೊಲೀಸರಿಗೆ ಒಪ್ಪಿಸಿದರು.

Write A Comment