ಕೆಲವೊಮ್ಮೆ ಪ್ರೀತಿ ತನ್ನ ಸೆಳೆತ ಕಳೆದುಕೊಳ್ಳುತ್ತದೆ. ಅದು ಎಲ್ಲಿಯವರೆಗೆ ಹೋಗುತ್ತದೆ ಅಂದರೆ ಸಂಬಂಧದೊಳಗೆ ಇರಲಿಕ್ಕೆ ಸಾಧ್ಯವಿಲ್ಲ ಎನ್ನುವ ಮಟ್ಟಿಗೆ ಕಾಡುತ್ತದೆ. ಅಸಮಾಧಾನ, ನಿರ್ಲಕ್ಷ್ಯ, ಅನುಮಾನ ಎಲ್ಲವೂ ಜತೆಯಾಗಿ ಕಾಡುತ್ತವೆ.
1. ಸೆಳೆತವಿಲ್ಲದ ಬಂಧ
ಮಾತು, ಸ್ಪರ್ಶಕ್ಕೆ ಹಾತೊರೆಯುತ್ತಿದ್ದವರು ಇದ್ದಕ್ಕಿದ್ದ ಹಾಗೆ ಆಸಕ್ತಿ ಕಳೆದುಕೊಳ್ಳುತ್ತಾರೆ. ಒಬ್ಬರನ್ನೊಬ್ಬರು ಬಿಟ್ಟು ಇರಲಾರದವರು, ಗಂಟೆಗಂಟಲೇ ಮಾತಾಡುವವರು ಮಾತು ಬಿಟ್ಟು ಮೌನ ವಹಿಸುತ್ತಾರೆ. ಫೋನ್‌, ಮೆಸೇಜ್‌ಗಳಿಂದ ದೂರವೇ ಉಳಿಯುತ್ತಾರೆ.
2. ತಿರಸ್ಕಾರ ಭಾವ
ಸಂಗಾತಿ ಕಳುಹಿಸುವ ಸಂದೇಶ ಅಥವಾ ಫೋನ್‌ ಕರೆ ಸ್ವೀಕರಿಸಲು ನಿರಾಸಕ್ತಿ. ನಿರಾಶಾದಾಯಕ ಉತ್ತರವನ್ನೇ ನೀಡುತ್ತಾರೆ. ಮೊದಲಿದ್ದ ಲವಲವಿಕೆ ಕಾಣೆಯಾಗಿರುತ್ತದೆ. ಸಂಗಾತಿಯ ಯಾವ ಮಾತೂ ರುಚಿಸಲ್ಲ. ಮುಂಚೆ ಹೊಗಳಿದ ಗುಣಗಳೇ ಈಗ ದೋಷಗಳಾಗಿ ಕಣಿಸುತ್ತವೆ.
3. ಆಸಕ್ತಿ ಇಲ್ಲದಿರುವಿಕೆ
ಜೀವನದ ಪ್ರತಿ ಸೆಕೆಂಡ್‌ನ್ನು ಹಂಚಿಕೊಳ್ಳುವ ಮನೋಭಾವ ಬದಲಾಗಿರುತ್ತದೆ. ಯಾವುದರಲ್ಲೂ ಆಸಕ್ತಿ ಇಲ್ಲ. ಅವರವರ ಆಸೆಗಳ/ ಗುರಿಗಳನ್ನು ಸಾಧಿಸುವಲ್ಲಿ ಪ್ರೋತ್ಸಾಹ ಕಡಿಮೆಯಾಗುತ್ತದೆ. ಪ್ರಶಂಸನೀಯ ಘಟನೆಗಳನ್ನು ಉದ್ದೇಶಪೂರ್ವಕವಾಗಿ ಕಡೆಗಣಿಸಲಾಗುತ್ತದೆ. ಮಾತಾಡುವುದು ಶಿಕ್ಷೆಯಂತೆ ಕಾಣುತ್ತದೆ.
4. ಸುತ್ತಾಟ ಮಾಯ
ಜತೆಗೆ ಕಳೆಯಲು ಮನಸ್ಸು ಹಿಂದೇಟು ಹಾಕುತ್ತದೆ. ಮುಂಚಿನಂತೆ ಫಿಲಂ, ಮಾಲ್‌, ಹೋಟೆಲ್‌ ಅಂತೆಲ್ಲ ಸುತ್ತಾಡುವುದಕ್ಕಿಂತ ಒಂಟಿಯಾಗಿ ಇರಬೇಕು ಎನಿಸುತ್ತದೆ
5. ಗೌರವ/ ನಂಬಿಕೆ ಕಳೆದುಕೊಳ್ಳುವಿಕೆ
ಸಣ್ಣ ಪುಟ್ಟ ಸಂಶಯಗಳನ್ನು ಪರಿಹರಿಸಿಕೊಳ್ಳಲಾಗುವುದಿಲ್ಲ ಎಂದೆನಿಸುವುದು. ಪರಸ್ಪರ ಗೌರವ ಕಡಿಮೆ ಆಗುವುದು. ಪ್ರತಿ ವಿಷಯದಲ್ಲೂ ದೋಷ ಕಂಡುಹಿಡಿಯುವುದು, ವಾದಕ್ಕೆ ಇಳಿಯುವುದು, ತಪ್ಪಿಗೆ ಕ್ಷಮೆ ಮರೀಚಿಕೆಯಾಗಿರುತ್ತದೆ.
Comments are closed.