ಸಂಗಾತಿಗಳ ನಡುವೆ ಕೆಲವೊಮ್ಮೆ ವಿನಾ ಕಾರಣ ಜಗಳ ನಡೆಯುತ್ತದೆ. ಸಣ್ಣದೊಂದು ಮುನಿಸು ಕೂಡ ವಿಕೋಪಕ್ಕೆ ಹೋಗಿ ಬಿಡುತ್ತದೆ. ಆದ್ದರಿಂದ ಒಂದಿಷ್ಟು ಎಚ್ಚರಿಕೆ ವಹಿಸಿ. ಅದರಲ್ಲೂ ಗರ್ಲ್‌ಫ್ರೆಂಡ್‌ಜತೆ ಕೋಪಿಸಿಕೊಳ್ಳುವಾಗ ನಿಮಗೆ ನೀವು ಒಂದಿಷ್ಟು ನಿಯಂತ್ರಣಗಳನ್ನು ಹಾಕಿಕೊಳ್ಳಬೇಕು.
ಸಿಟ್ಟಾದಾಗ ಶಾಂತವಾಗಿ: ಯಾವುದೇ ಚಿಕ್ಕ ವಿಷಯಕ್ಕೆ ನಿಮ್ಮ ಹುಡುಗಿ ಬೇಸರಿಸಿಕೊಂಡು ಸಿಟ್ಟಾದರೆ ನೀವು ಸಿಟ್ಟು ಮಾಡಿಕೊಳ್ಳದೇ ಶಾಂತತೆ ಕಾಪಾಡಿಕೊಂಡ ಅವರ ಸಿಟ್ಟಿಗೆ ಮೂಲ ಕಾರಣ ಹುಡುಕುವ ಪ್ರಯತ್ನ ಮಾಡಿ.
ನಿಮ್ಮ ಸಮಸ್ಯೆ ಬಗ್ಗೆ ಮಾತಾಡಿ: ಕೆಲವೊಮ್ಮೆ ನಿಮ್ಮ ವೈಯಕ್ತಿಕ ಸಮಸ್ಯೆಗಳನ್ನು ನಿಭಾಯಿಸಲು ಸಾದ್ಯವಾಗದೆ ಆ ಹತಾಶೆಯಿಂದ ನಿಮ್ಮ ಗೆಳತಿಯ ಮೇಲೆ ಸಿಟ್ಟಾಗುವ ರೀತಿಯಲ್ಲಿ ತೋರುವಿರಿ. ಆ ಸಮಸ್ಯೆ ಮೊದಲೇ ನಿಮ್ಮ ಗೆಳತಿಗೆ ಗೊತ್ತಿದ್ದರೆ ವಾದ ವಿವಾದಗಳು ಕಡಿಮೆಯಾಗುತ್ತದೆ.
ಬಯ್ಗುಳ ಬೇಡ: ಜಗಳ ವಾದಗಳೆಂದರೆ ಅಲ್ಲಿ ಕೆಟ್ಟಪದ ಬಯ್ಗಳಗಳದ್ದೇ ಕಾರುಬಾರು. ನೀವು ಕೆಟ್ಟ ಪದ ಬಳಸಿ ವಾದಿಸಿದರೆ ಅವರೂ ಅದೇ ದಾರಿ ಹಿಡಿದರೆ ಇನ್ನೆಲ್ಲಿಯ ಸಂಬಂಧ? ಆದ್ದರಿಂದ ವಾದಗಳನ್ನು ಮುಖ್ಯವಾಗಿ ಕಡಿಮೆ ಮಾಡಿ ಅನಿವಾರ್ಯ ಆದರೆ ಸಂಭಾವಿತ ಭಾಷೆ ಬಳಸಿ.
ಏರು ಧ್ವನಿಯ ಮಾತು ಬೇಡ: ಮಾತಿನಲ್ಲಿ ಹುಡುಗಿಯರು ಹುಡುಗರಿಗಿಂತ ಕೋಮಲ ಧ್ವನಿಯುಳ್ಳವರು. ಅದೇ ರೀತಿಯಲ್ಲಿ ಮಾತನಾಡಲು ತಮ್ಮ ಹುಡುಗನಲ್ಲೂ ಅಪೇಕ್ಷಿಸುತ್ತಾರೆ. ಆದರೆ ಕೆಲವೊಂದು ಸನ್ನಿವೇಶದಲ್ಲಿ ಹುಡುಗರು ಸಾರ್ವಜನಿಕವಾಗಿ ಗೆಳತಿಗೆ ಏರು ಧ್ವನಿಯಲ್ಲಿ ಏಕವಚನ ಬಳಕೆ ಮಾಡಿ ಮಾತನಾಡಲು ನಿಮ್ಮ ಸಂಬಂಧ ಶಾಶ್ವತವಾಗಿ ಹದಗೆಡಬಹುದು ಎಚ್ಚರಿಕೆಯಿಂದ ವ್ಯವಹರಿಸಿ.
ಉತ್ತಮ ಕೇಳುಗರಾಗಿ: ಕೆಲ ಹುಡುಗರು ಅವರ ಗೆಳತಿಯರಿಗೆ ಮಾತನಾಡುವ ಅವಕಾಶವನ್ನು ನೀಡದೇ ಅವರ ಬೇಕು ಬೇಡಗಳಿಗೆ ಕಿವಿಯಾಗುವ ಬದಲಿಗೆ ಇವರ ಪ್ರತಾಪವೇ ಹೆಚ್ಚಾಗಿ ಕಂಡುಬರುತ್ತದೆ. ಅದರ ಬದಲಿಗೆ ಅವರನ್ನು ಮಾತನಾಡಲು ಅವಕಾಶ ನೀಡಿ ಅರ್ಥ ಮಾಡಿಕೊಳ್ಳಲು ಪ್ರಯತ್ನ ಪಟ್ಟರೆ ಸಣ್ಣಪುಟ್ಟ ವ್ಯತ್ಯಾಸಗಳು ಮಾಯವಾಗಿ ಸ್ನೇಹ ಗಾಢವಾಗುವುದು.
ನಿಮ್ಮ ತಪ್ಪು ಒಪ್ಪಿಕೊಳ್ಳಿ: ತಪ್ಪು ಮಾಡಬಹುದು. ಅದು ಸಹಜ ಆದರೆ ತಪ್ಪು ಮಾಡಿದಾಗ ನಾನು ಗಂಡಸು ನನ್ನ ತಪ್ಪನ್ನು ಒಪ್ಪಿಕೊಳ್ಳುವುದಿಲ್ಲ ಎಂಬ ಅಹಂ ಒಳ್ಳೆಯದಲ್ಲ. ನಿಮ್ಮ ತಪ್ಪನ್ನು ನಿಮ್ಮ ಸಂಗಾತಿಗೆ ಹೇಳಿದರೆ ಕ್ಷ ಮಾಯಾಧರಿತ್ರಿ ಗುಣದ ಹುಡುಗಿಯರು ಖಂಡಿತವಾಗಿ ಕ್ಷ ಮಿಸುವರು ಆಗ ವಾಗ್ವಾದ ಜಗಳಕ್ಕೆ ಆಸ್ಪದವಿರುವುದಿಲ್ಲ .
ವಿಷಯ ಬದಲಿಸಿ: ಕೆಲವೊಮ್ಮೆ ನಮ್ಮ ಭಿನ್ನಾಭಿಪ್ರಾಯಗಳು ಒಂದು ಹಂತದಲ್ಲಿ ಜಗಳಕ್ಕೆ ಕಾರಣವಾಗುತ್ತದೆ ಎಂದು ಸೂಕ್ಷ ್ಮ ತಿಳಿದು ಆ ವಿಷಯವನ್ನು ಬಿಟ್ಟು ನಮ್ಮ ಮಾತನ್ನು ಬೇರೆ ವಿಷಯಗಳ ಕಡೆ ತಿರುಗಿಸಿದರೆ ಜಗಳಕ್ಕೆ ಜಾಗವಿರುವುದಿಲ್ಲ .
Comments are closed.