ಪ್ರತಿಷ್ಠಿತ ಬೃಹತ್ ಬಟ್ಟೆ ಮಳಿಗೆಯನ್ನೇ ಮುಚ್ಚಿಸಲು ಕಾರಣವಾದ ವೀಡಿಯೋ !

ಚೆನ್ನೈ : ವ್ಯಕ್ತಿಯೊಬ್ಬರು ಕುತೂಹಲಕ್ಕಾಗಿ ತೆಗೆದ ವೀಡಿಯೋ ಒಂದು ಪ್ರತಿಷ್ಠಿತ ಬಟ್ಟೆ ಮಳಿಗೆಯನ್ನೇ ಮುಚ್ಚಿಸಿದ ಘಟನೆ ಚೆನ್ನೈನಲ್ಲಿ ನಡೆದಿದೆ.

Kumaran Silks in Chennai sealed after video of crowding and lack of physical distancing emerges. @chennaicorp @thenewsminute pic.twitter.com/qIM9HyUxSv

— priyankathirumurthy (@priyankathiru) October 20, 2020

ಚೆನ್ನೈನ ಪ್ರತಿಷ್ಠಿತ ಬಟ್ಟೆ ಅಂಗಡಿಯೊಂದರಲ್ಲಿ ಬಟ್ಟೆ ಖರೀದಿಸಲು ಸಾಕಷ್ಟು ಜನ ಸಂದಣಿ ಸೇರಿತ್ತು. ಈ ಮಳಿಗೆಯಲ್ಲಿ ಜನಸಂದಣಿ ಹೇಗಿದೆ ಎಂದು ತೋರಿಸಲು ವ್ಯಕ್ತಿಯೊಬ್ಬರು ಇದನ್ನು ವೀಡಿಯೋ ಮಾಡಿ ಸೋಷಿಯಲ್ ಮೀಡಿಯಾದಲ್ಲಿ ಹಾಕಿದ್ದರು.

ಆದರೆ ಈ ವೀಡಿಯೋದಿಂದ ಬಟ್ಟೆ ಮಳಿಗೆಯೇ ಮುಚ್ಚುವಂತಹ ಸ್ಥಿತಿಗೆ ಬರಬಹುದು ಎಂದು ಯಾರೂ ಉಹಿಸಿರಲಿಲ್ಲ. ಆದರೆ ಹಾಗಿದ್ದು ಅದೆ. ಈ ವೀಡಿಯೋ ಜಲತಾಣಗಳಲ್ಲಿ ವೈರಲ್ ಆಗಿತ್ತು. ಕೊರೋನಾ ಸೋಂಕು ಭೀತಿ ಇರುವ ಈ ಸಂದರ್ಭದಲ್ಲಿ ಬಟ್ಟೆ ಮಳಿಯ ಮಾಲಕರು ಮುಂಜಾಗೃತ ಕ್ರಮ ವಹಿಸದೇ ಇರುವುದನ್ನು ನೋಡಿದ ನೆಟ್ಟಿಗರು ಬಟ್ಟೆ ಅಂಗಡಿಯ ವಿರುದ್ಧ ವ್ಯಾಪಕ ಆಕ್ರೋಶ ಹೊರಹಾಕಿದ್ದಾರೆ. ಮಾತ್ರವಲ್ಲದೇ ಈ ಬಟ್ಟೆ ಮಳಿಗೆ ವಿರುದ್ಧ ಕ್ರಮ ಕೈಗೊಳ್ಳುವಂತೆ ಒತ್ತಾಯಿಸಿದ್ದಾರೆ.

ಇದೇ ವೇಳೆ ಈ ವೀಡಿಯೋ ವೀಕ್ಷಿಸಿದಂತ ಅಧಿಕಾರಿಗಳೂ ಕೂಡಲೇ ಎಚ್ಚೆತ್ತುಕೊಂಡು, ಬಹುದೊಡ್ಡ ಬಟ್ಟೆ ಅಂಗಡಿಯನ್ನೇ ಬಂದ್ ಮಾಡಿ ಸೀಲ್ ಮಾಡಿದ್ದಾರೆ. ಈ ಬಟ್ಟೆ ಅಂಗಡಿಯಲ್ಲಿ ಸಾಮಾಜಿಕ ಅಂತರವೂ ಇಲ್ಲ. ಬಟ್ಟೆ ಖರೀದಿಸಲು ನೆರೆದಿರುವಂತ ಜನರು ಮಾಸ್ಕ್ ಕೂಡ ಧರಿಸಿಲ್ಲ. ಕೊರೋನಾ ಸೋಂಕಿನ ಮುಂಜಾಗ್ರತಾ ಕ್ರಮವನ್ನು ಈ ಬಟ್ಟೆ ಅಂಗಡಿ ಗಾಳಿಗೆ ತೂರಿದೆ ಎಂದು ಅಧಿಕಾರಿಗಳು ಆರೋಪಿಸಿದ್ದಾರೆ.

ಈ ಘಟನೆ ಚೈನೈನಲ್ಲಿ ನಡೆದಿದ್ದು, ಚೆನ್ನೈನ ಕಾರ್ಪೋರೇಷನ್ ಅಧಿಕಾರಿಗಳು ಸೀಲ್ ಮಾಡಿರುವ ಬೃಹತ್ ಬಟ್ಟೆ ಮಳಿಗೆಯ ಹೆಸರು ಕುಮಾರನ್ ಸಿಲ್ಕ್. ಇದು ಚೈನೈ ಸೇರಿದಂತೆ ವಿವಿದೆಡೆಗಳಲ್ಲಿ ಪ್ರತಿಷ್ಠಿತ ಬಟ್ಟೆ ಮಳಿಗೆಯಾಗಿದೆ.

ಘಟನೆ ನಡೆದಿದ್ದು ನಿನ್ನೆ ಅಂದರೆ ಅಕ್ಟೋಬರ್ 19ರಂದು. ಪ್ರಿಯಾಂಕ ಎಂಬುವರು ಚೆನ್ನೈನ ಈ ಪ್ರಸಿದ್ಧ ಬಟ್ಟೆ ಅಂಗಡಿಯಲ್ಲಿ ಜನಸಂದಣಿ ಸೇರಿರುವ ಬಗ್ಗೆ ವೀಡಿಯೋ ಮಾಡಿ ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದರು.

ಈ ವೀಡಿಯೋ ಸೋಷಿಯಲ್ ಮೀಡಿಯಾಗಳಲ್ಲಿ ವೈರಲ್ ಆಗಿತ್ತು. ಜೊತೆಗೆ ಅಂಗಡಿಯ ವಿರುದ್ಧ ಶಿಸ್ತು ಕ್ರಮ ಕೈಗೊಳ್ಳುವಂತೆ ಆಗ್ರಹ ಕೇಳಿ ಬಂದಿತ್ತು. ಇದೀಗ ಕುಮಾರನ್ ಸಿಲ್ಕ್ ಬಟ್ಟೆ ಅಂಗಡಿಯನ್ನು ಕೊರೋನಾ ಸೋಂಕಿನ ಮುಂಜಾಗ್ರತಾ ಕ್ರಮ ಕೈಗೊಳ್ಳದ ಕಾರಣ ನೀಡಿ ಅಧಿಕಾರಿಗಳು ಸೀಲ್ ಮಾಡಿದ್ದಾರೆ.