ನವದೆಹಲಿ: ವಾಹನ ಚಲಾಯಿಸುವಾಗ ಟ್ರಾಫಿಕ್ ಪೊಲೀಸ್ ನಿಲ್ಲಿಸಿ ದಾಖಲೆ ಪರೀಕ್ಷಿಸುವುದು ಸಹಜ. ಆದರೆ ಹೀಗೆ ದಾಖಲೆ ಪರಿಕ್ಷಿಸಲು ಬಂದ ಪೊಲೀಸ್ನನ್ನೇ 2 ಕಿ.ಮೀ. ಹೊತ್ತೊಯ್ದ ಘಟನೆ ದೆಹಲಿಯಲ್ಲಿ ನಡೆದಿದೆ.
ಪೊಲೀಸ್ ಕಾರಿನ ಮುಂದೆ ನಿಂತು ದಾಖಲೆ ಕೇಳಿದ್ದಾರೆ. ಆದರೆ ಈತ ಕಾರು ಚಲಾಯಿಸಿದ್ದಾನೆ. ತಕ್ಷಣ ಪೊಲೀಸ್ ಕಾರಿನ ಬಾಯ್ನೆಟ್ ಮೇಲೆ ಹತ್ತಿದ್ದಾರೆ. ಹೀಗೆಯೇ ಕಾರನ್ನು ಚಲಾಯಿಸಿದ್ದಾನೆ ಈ ಭೂಪ.
ಈ ಅವಘಡ ನವೆಂಬರ್ನಲ್ಲಿ ನಡೆದಿದ್ದು, ಈಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ದೆಹಲಿ ಹೊರ ವಲಯದಲ್ಲಿ ಈ ಘಟನೆ ನಡೆದಿದ್ದು ಸುನಿಲ್ ಎಂಬ ಪೊಲೀಸ್ ಪೇದೆ ಗಾಯಗೊಂಡಿದ್ದಾರೆ.
ನಂಗ್ಲೊಯಿ ಎಂಬಲ್ಲಿ ಪೊಲೀಸ್ ತಪಾಸಣೆ ನಡೆಸಲಾಗುತ್ತಿತ್ತು. ಆ ಸಂದರ್ಭದಲ್ಲಿ ಬಂದ ಈ ಕಾರನ್ನು ಪೊಲೀಸರು ತಡೆದಿದ್ದಾರೆ. ಆದರೆ ಕಾರು ಚಾಲಕ ಕಾರನ್ನು ನಿಲ್ಲಿಸಿದಂತೆ ಮಾಡಿ ತಪ್ಪಿಸಿಕೊಳ್ಳಲು ಯತ್ನಿಸಿದ್ದಾನೆ. ಆಗ ಕಾರನ್ನು ತಡೆಯಲು ಪೊಲೀಸ್ ಸುನಿಲ್ ಕಾರಿನ ಬಾಯ್ನೆಟ್ ಮೇಲೆ ಹತ್ತಿದ್ದಾರೆ. ಕಾರನ್ನು ಹಾಗೆಯೇ ಚಲಾಯಿಸಿಕೊಂಡು 2 ಕಿ.ಮೀ. ಸಾಗಿದ್ದಾನೆ ಚಾಲಕ.
ಕಾರಿನಲ್ಲಿ ಕುಳಿತಿದ್ದ ಇನ್ನೊಬ್ಬ ವ್ಯಕ್ತಿ ಈ ಘಟನೆಯನ್ನು ಮೊಬೈಲ್ನಲ್ಲಿ ವೀಡಿಯೋ ಮಾಡಿದ್ದಾನೆ. ಪೊಲೀಸ್ ಪೇದೆ ಕಾರು ನಿಲ್ಲಿಸಲು ಹೇಳಿದಾಗ ಪೊಲೀಸ್ ಇಳಿಯಲು ಅನುಕೂಲವಾಗುವಂತೆ ನಿಧಾನಗೊಳಿಸಿ, ಪೊಲೀಸ್ ಇಳಿದ ಮೇಲೆ ಪರಾರಿಯಾಗಿದ್ದಾನೆ.
ಈ ವಿಡಿಯೋಗೆ ನೆಟ್ಟಿಗರು ವಿವಿಧ ರೀತಿ ಪ್ರತಿಕ್ರಿಯಿಸಿದ್ದಾರೆ. ಕೆಲವರು ಪೊಲೀಸರ ಕಾರ್ಯವನ್ನು ಶ್ಲಾಘಿಸಿದ್ದಾರೆ. ಇನ್ನು ಕೆಲವರು ಚಾಲಕನ ವಿರುದ್ಧ ಗುಡುಗಿದ್ದಾರೆ.
Comments are closed.