ಪ್ರವಾಸಿ ತಾಣಕ್ಕೆ ಭೇಟಿ ನೀಡಿದಾಗ ಅಲ್ಲಿನ ಅಪಾಯಗಳ ಕುರಿತು ಜಾಗ್ರತೆ ಹೊಂದಿರಬೇಕು. ಅದರಲ್ಲೂ ದಂಡೆಗೆ ರಭಸವಾಗಿ ಅಲೆಗಳು ಅಪ್ಪಳಿಸುವ ಕಡಲ ತೀರದಲ್ಲಿ, ರಭಸವಾಗಿ ಧುಮುಕುವ ಜಲಪಾತದಲ್ಲಿ, ಬೃಹತ್‌ ಆಳದ ಕಂದಕದ ಸಮೀಪ ಹೀಗೆ ಇಂತಹ ಸ್ಥಳಗಳಲ್ಲಿ ಸಾಕಷ್ಟು ಜಾಗ್ರತೆಯಿಂದಿರಬೇಕು. ಮೈಮರೆತರೆ ಪ್ರಾಣಕ್ಕೆ ಅಪಾಯ.
https://youtu.be/PLAPe4Bs6kI
ಇಂಡೋನೇಷ್ಯಾದ ಬಾಲಿಯ ಪ್ರಸಿದ್ಧ ಪ್ರವಾಸಿ ತಾಣ ಡೆವಿಲ್ಸ್‌ ಟೀರ್‌ನಲ್ಲಿ ಪ್ರವಾಸಿಗರೊಬ್ಬರು ಮೈಮರೆತು ಫೋಟೋಗೆ ಪೋಸ್‌ ನೀಡುತ್ತಿದ್ದಾಗ ಧೈತ್ಯ ಅಲೆಯೊಂದು ಆಕೆಯನ್ನು ಕೊಚ್ಚಿಕೊಂಡು ಹೋಗಿದೆ. ಈ ವೀಡಿಯೋ ಇದೀಗ ಸಾಮಾಜಿಕ ತಾಣಗಳಲ್ಲಿ ವೈರಲ್‌ ಆಗಿದೆ. ಸಮುದ್ರದಿಂದ ಉಕ್ಕಿ ಬಂದ ಬೃಹತ್‌ ಅಲೆ ಕಲ್ಲಿನ ತುದಿಯಲ್ಲಿ ಮೈಮರೆತು ನಿಂತಿದ್ದ ಯುವತಿಯನ್ನು ಎತ್ತಿ ಎಸೆದಿದೆ.
ಆದರೆ ಅದೃಷ್ಟವಶಾತ್‌ ಪ್ರಾಣಾಪಾಯದಿಂದ ಯುವತಿ ತಪ್ಪಿಸಿಕೊಂಡಿದ್ದಾಳೆ. ಅಲೆಯ ಹೊಡೆತದ ಶಾಕ್‌ಗೆ ಒಳಗಾಗಿರುವ ಯುವತಿಗೆ ಸಣ್ಣಪುಟ್ಟ ಗಾಯಗಳಾಗಿದ್ದು ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾಳೆ. ಕಳೆದ ವಾರ ಚೀನಾದ ಸಾಮಾಜಿಕ ತಾಣಗಳಲ್ಲಿ ಈ ವೀಡಿಯೋ ಅಪ್‌ಲೋಡ್‌ ಮಾಡಲಾಗಿದ್ದು ಭಾರಿ ವೈರಲ್‌ ಆಗಿದೆ. ಪ್ರವಾಸಿ ಸ್ಥಳಗಳಲ್ಲಿ ಹೇಗೆ ಇರಬಾರದು ಎಂಬುದಕ್ಕೆ ಉತ್ತಮ ಉದಾಹರಣೆ ಎಂದು ನೆಟ್ಟಿಗರು ಕಮೆಂಟ್‌ ಮಾಡುತ್ತಿದ್ದಾರೆ. ಪ್ರವಾಸಿ ಸ್ಥಳಗಳಲ್ಲಿ ಹುಚ್ಚಾಟದಿಂದ ವರ್ತಿಸುವ ಸ್ನೇಹಿತರಿಗೆ ವೀಡಿಯೋ ಟ್ಯಾಗ್‌ ಮಾಡಿ ಎಚ್ಚರಿಸುತ್ತಿದ್ದಾರೆ.
Comments are closed.