https://youtu.be/9m81oGBZ544
ಭಾನುವಾರ ಚಿನ್ನಸ್ವಾಮಿ ಮೈದಾನದಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಹಾಗು ಸನ್ರೈಸರ್ಸ್ ಹೈದರಾಬಾದ್ ಮಧ್ಯೆ ನಡೆದ ಐಪಿಎಲ್ ಫೈನಲ್ ಪಂದ್ಯವನ್ನು ವಿಜಯ ಮಲ್ಯ ತನ್ನ ಮಗ ಸಿದ್ದಾರ್ಥ ಮಲ್ಯನೊಂದಿಗೆ ಲಂಡನ್ ನ ಅಜ್ಞಾತ ಸ್ಥಳವೊಂದರಲ್ಲಿ ಕೂತು ಆರಾಮದಲ್ಲಿ ವೀಕ್ಷಿಸುತ್ತಿರುವ ವೀಡಿಯೋವೊಂದು ಈಗ ವೈರಲ್ ಆಗಿದೆ.
ಸಾಲದ ಸುಳಿಯಲ್ಲಿ ಸಿಲುಕಿ ದೇಶವನ್ನು ಬಿಟ್ಟು ಪಲಾಯನ ಮಾಡಿರುವ ವಿಜಯ್ ಮಲ್ಯ ಅವರು ಇತ್ತೀಚೆಗೆ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದ ಮಾಲೀಕತ್ವಕ್ಕೆ ರಾಜೀನಾಮೆಯನ್ನು ನೀಡಿದ್ದರೂ, ಆರ್ಸಿಬಿಯನ್ನು ಬೆಂಬಲಿಸುತ್ತಲೇ ಬಂದಿದ್ದಾರೆ.
ಆರ್ಸಿಬಿ-ಸನ್ರೈಸರ್ಸ್ ನಡುವಿನ ಫೈನಲ್ ಪಂದ್ಯವನ್ನು ಲಂಡನ್ ನ ಅಜ್ಞಾತ ಸ್ಥಳವೊಂದರಲ್ಲಿ ಐಶಾರಾಮವಾಗಿ ಕೂತು ದೊಡ್ಡ ಪರದೆಯ ಮೇಲೆ ಇತರರೊಂದಿಗೆ ವಿಜಯ ಮಲ್ಯ ವೀಕ್ಷಿಸುವ ವೀಡಿಯೋವನ್ನು ಪುತ್ರ ವಿಜಯ್ ಮಲ್ಯ ಚಿತ್ರೀಕರಿಸಿದ್ದು, ಆರ್ಸಿಬಿ ಗೆಲುವಿಗೆ ಶುಭ ಹಾರೈಸಿರುದು ಇದೀಗ ವೈರಲ್ ಆಗಿದೆ. ಭಾರತದಲ್ಲಿ ಕೋಟಿಗಟ್ಟಲೆ ಸಾಲ ಮಾಡಿರುವ ವಿಜಯ ಮಲ್ಯ ಲಂಡನ್ ನಲ್ಲಿ ಕೂತು ಐಶಾರಾಮದ ಜೀವನ ನಡೆಸುತ್ತಿರುವುದು ಇದರಿಂದ ಬಹಿರಂಗವಾಗಿದೆ.
Comments are closed.