ಬೆಂಗಳೂರು: ನಟ ದುನಿಯ ವಿಜಯ್ ಮತ್ತೊಮ್ಮೆ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದಾರೆ. ಜಸ್ಟ್ ಮಾತ್ ಮಾತಲ್ಲಿ ಚಿತ್ರದಲ್ಲಿ ಅಭಿನಯಿಸಿರುವ ನಟಿ ಕೀರ್ತಿ ಪಟಾಡಿ ಅವರೊಂದಿಗೆ ವಿಜಯ್ 2ನೇ ಮದುವೆಯಾಗಿದ್ದು, ಅವರ ಮನೆಯವರಿಗೆಲ್ಲಾ ಇಷ್ಟ ಕೂಡ ಆಗಿದೆ ಎಂದು ಹೇಳಲಾಗಿದೆ.
ವಿಜಯ್ ಹಾಗೂ ಕೀರ್ತಿ ಅವರು ಕೆಲ ವರ್ಷಗಳಿಂದ ಪ್ರೀತಿಸಿದ್ದು, ಮನೆಯವರ ಒಪ್ಪಿಗೆ ಪಡೆದುಕೊಂಡೇ ಮದುವೆಯಾಗಿದ್ದಾರೆ ಎನ್ನಲಾಗಿದೆ. ವಿಜಯ್ ಹೊಸ ಪತ್ನಿ ಕೀರ್ತಿ ಅವರೊಂದಿಗೆ ಒಂದೂವರೆ ವರ್ಷದಿಂದಲೂ ಜೀವನ ನಡೆಸುತ್ತಿದ್ದಾರೆ. ಈಗಷ್ಟೇ ವಿಷಯ ಬೆಳಕಿಗೆ ಬಂದಿದೆ.
ನಾಗರತ್ನ ಅವರನ್ನು ಮದುವೆಯಾಗಿದ್ದ ವಿಜಯ್ ಅವರಿಗೆ ಮೂವರು ಮಕ್ಕಳಿದ್ದಾರೆ. ಕೌಟುಂಬಿಕ ಕಲಹದ ಹಿನ್ನೆಲೆಯಲ್ಲಿ ಪೊಲೀಸ್ ಠಾಣೆ, ನ್ಯಾಯಾಲಯದ ಮೆಟ್ಟಿಲೇರಿ ಕೊನೆಗೆ ತನ್ನ ಸಂಸಾರವನ್ನು ಸರಿ ಮಾಡಿಕೊಂಡ ನಂತರ ನಾಗರತ್ನ ಹಾಗೂ ವಿಜಯ್ ದಂಪತಿ ಒಂದಾಗಿದ್ದರು. ನಾಗರತ್ನ ಅವರ ಒಪ್ಪಿಗೆಯನ್ನು ಪಡೆದುಕೊಂಡೇ ವಿಜಯ್ 2ನೇ ಮದುವೆಯಾಗಿದ್ದಾರೆ.
ಅಂದಹಾಗೇ ಒಂದೂವರೆ ವರ್ಷದ ಹಿಂದೆಯೇ ವಿಜಿ ಮತ್ತು ಕೀರ್ತಿ ಮದುವೆಯಾಗಿದ್ದು, ಈಗಾಗಲೇ ಅವರಿಗೆ ಒಂದು ಮಗು ಕೂಡ ಇದೆ. ವಿಜಯ್ ಬಳಗದವರಿಗೆ ಹಿಂದೆಯೇ ವಿಷಯ ಗೊತ್ತಿತ್ತು ಎನ್ನಲಾಗಿದೆ. ತನ್ನ 2ನೇ ಪತ್ನಿ ಹಾಗೂ ಮಗುವಿನ ಜೊತೆ ಇರುವ ಫೋಟೋಗಳು ವೆಬ್‌ಸೈಟ್‌ನಲ್ಲಿ ಹರಿದಾಡುತ್ತಿವೆ.
ಈ ಬಗ್ಗೆ ಮಾಧ್ಯಮವೊಂದಕ್ಕೆ ಪ್ರತಿಕ್ರಿಯೆ ನೀಡಿರುವ ವಿಜಯ್ ಮದುವೆ ಆಗಿರುವುದು ನಿಜ. ಪರಸ್ಪರ ಸಮ್ಮತಿ ಮೇರೆಗೆ ಮದುವೆ ಆಗಿದ್ದೇವೆ. ಎಲ್ಲರೂ ಚೆನ್ನಾಗಿದ್ದೀವಿ. ಒಂದೂವರೆ ವರ್ಷದ ಹಿಂದೆ ನಾನು-ಕೀರ್ತಿ ಮದುವೆ ಆಗಿದ್ದು. ಗಂಡು ಮಗು ಇದೆ ಯಾರಿಗೂ ಬೇಸರ ಆಗಿಲ್ಲ. ಯಾರನ್ನೂ ನೋಯಿಸಿಲ್ಲ. ಎಲ್ಲರೂ ಖುಷಿ ಆಗಿದ್ದೀವಿ. ನನಗೆ ನಾಗರತ್ನ ಮೇಲೆ ಅಪಾರ ಗೌರವ ಇದೆ. ಅವರ ಒಪ್ಪಿಗೆ ಪಡೆದ ಬಳಿಕವಷ್ಟೇ ಮದುವೆ ಆಗಿದ್ದು ಅಂತ ಮದುವೆ ವಿಚಾರ ಖಚಿತ ಪಡಿಸಿದ್ದಾರೆ.
Comments are closed.