ಆರೋಗ್ಯ

ನಿಮಗೆ ಹೊಟ್ಟೆ ಉಬ್ಬುವ ಸಮಸ್ಯೆ ಇದ್ದರೆ ಪರಿಹಾರಕ್ಕೆ ಇಲ್ಲಿದೆ ಸರಳ ಉಪಾಯ !

Pinterest LinkedIn Tumblr

ಊಟವಾದ ಬಳಿಕ ಹೊಟ್ಟೆ ಉಬ್ಬುವ ಸಮಸ್ಯೆ ಕಂಡು ಬರುತ್ತಿದೆಯೇ? ಹೊಟ್ಟೆಯಲ್ಲಿ ಗ್ಯಾಸ್ಟ್ರಿಕ್‌ ಟ್ರಬಲ್‌ ಹೆಚ್ಚಾದಾಗ ಈ ಸಮಸ್ಯೆ ಕಂಡು ಬರುವುದು ಸಾಮಾನ್ಯ. ಹೊಟ್ಟೆ ಉಬ್ಬಿದರೆ ಹೊಟ್ಟೆ ನೋವು, ಏನೋ ಸಂಕಟ ಉಂಟಾಗುವುದು. ಹೊಟ್ಟೆ ಉಬ್ಬುವ ಸಮಸ್ಯೆಯನ್ನು ಈ ಪಾನೀಯ ಕುಡಿದು ತಡೆಗಟ್ಟಬಹುದು.

ಕೆಲವೊಮ್ಮೆ ಊಟವಾದ ಬಳಿಕ ಹೊಟ್ಟೆ ಉಬ್ಬುವ ಸಮಸ್ಯೆ ಕಂಡು ಬರುತ್ತದೆ. ಹೊಟ್ಟೆ ಉಬ್ಬುವುದರಿಂದ ಯಾವುದೇ ಕೆಲಸ ಕಾರ್ಯಗಳಲ್ಲಿ ಗಮನ ಕೊಡಲು ಸಾಧ್ಯವಾಗುವುದಿಲ್ಲ, ಏನೋ ಸಂಕಟ ಕಾಡಲಾರಂಭಿಸುತ್ತದೆ.

ಏಕೆ ಹೀಗಾಗುತ್ತದೆ?
ಅತ್ಯಧಿಕ ಗ್ಯಾಸ್‌ ಉತ್ಪತ್ತಿಯಾಗುವುದರಿಂದ ಹಾಗೂ ಜೀರ್ಣಕ್ರಿಯೆ ಅಂಗದಲ್ಲಿರುವ ಸ್ನಾಯುಗಳ ಕ್ರಿಯೆಯಲ್ಲಿ ವ್ಯತ್ಯಾಸ ಉಂಟಾದಾಗ ಹೊಟ್ಟೆ ಉಬ್ಬುವ ಸಮಸ್ಯೆ ಕಂಡು ಬರುವುದು. ಹೊಟ್ಟೆ ಉಬ್ಬುವಿಕೆ ಬಂದಾಗ ಹೊಟ್ಟೆ ನೋವು, ಏನೋ ಸಂಕಟ ಉಂಟಾಗುವುದು.

ಹೊಟ್ಟೆ ಉಬ್ಬುವ ಸಮಸ್ಯೆ ತಡೆಗಟ್ಟಲು ಈ ಮನೆಮದ್ದು ಮಾಡಿ. ನ್ಯೂಟ್ರಿಷಿಯನಿಸ್ಟ್ ಲುಕೆ ಕೌಂಟಿನೋ ಈ ಔಷಧೀಯ ನೀರನ್ನು ವಾರದಲ್ಲಿ 3 ಬಾರಿ ಕುಡಿಯುವುದರಿಂದ ಆಗಾಗ ಕಾಡುವ ಈ ಸಮಸ್ಯೆಯಿಂದ ಮುಕ್ತಿ ಪಡೆಯಬಹುದು ಎಂದಿದ್ದಾರೆ.

ಆ ಔಷಧೀಯ ಪಾನೀಯ ತಯಾರಿಸುವುದು ಹೇಗೆ?
ಬೇಕಾಗುವ ಸಾಮಗ್ರಿ
1 ಚಮಚ ಇಸಬ್‌ಗೋಲ್
1 ಲೋಟ ನೀರು
2 ಚಮಚ ಆ್ಯಪಲ್ ಸಿಡರ್‌ ವಿನಿಗರ್

ಒಂದು ಲೋಟ ನೀರಿಗೆ ಇಸಬ್‌ಗೋಲ್, ಆ್ಯಪಲ್ ಸಿಡರ್‌ ವಿನಿಗರ್ ಹಾಕಿ ಚೆನ್ನಾಗಿ ಮಿಕ್ಸ್ ಮಾಡಿ ಇಡಿ. ಆ್ಯಪಲ್ ಸಿಡರ್‌ ವಿನಿಗರ್ ಟೇಸ್ಟ್ ತುಂಬಾ ಇದೆ ಅನಿಸಿದರೆ 2 ಚಮಚ ಬದಲು 1 ಚಮಚ ಬಳಸಿ.
ಇನ್ನು ನೀರಿಗೆ ಬರೀ ಇಸಬ್‌ಗೋಲ್‌ ಕೂಡ ಬಳಸಬಹುದು.

ಈ ನೀರನ್ನು ಊಟಕ್ಕಿಂತ ಅರ್ಧ ಗಂಟೆ ಮುಂಚೆ ಕುಡಿಯಿರಿ.

ಹೇಗೆ ಕೆಲಸ ಮಾಡುತ್ತದೆ?
ಈ ನೀರನ್ನು ಕುಡಿದು ಅರ್ಧ ಗಂಟೆಯ ಬಳಿಕ ಊಟ ಮಾಡಿದರೆ ಗ್ಯಾಸ್‌ ಟ್ರಬಲ್‌, ಹೊಟ್ಟೆ ಉಬ್ಬುವ ಸಮಸ್ಯೆ ಉಂಟಾಗುವುದಿಲ್ಲ. ಈ ನೀರು ನಾವು ತಿನ್ನುವ ಆಹಾರದಲ್ಲಿನ ಬ್ಯಾಕ್ಟೀರಿಯಾಗಳನ್ನು ವಿಭಜಿಸುವುದರಿಂದ ಹೊಟ್ಟೆ ಉಬ್ಬುವ ಸಮಸ್ಯೆ ಇರುವುದಿಲ್ಲ.

ಈ ನೀರಿಗೆ ಬೇಕಿದ್ದರೆ ಒಂದು ಚಿಟಕೆಯಷ್ಟು ಚಕ್ಕೆ ಪುಡಿ ಹಾಕಿ, ಇದು ದೇಹದಲ್ಲಿ ಸಕ್ಕರೆಯಂಶ ಹೆಚ್ಚಾಗುವುದನ್ನು ತಡೆಯುತ್ತದೆ. ಇದರ ಪ್ರಯೋಜನ ಪಡೆಯಲು ವಾರದಲ್ಲಿ 2-3 ಬಾರಿ ಕುಡಿಯಲು ಮರೆಯದಿರಿ.

Comments are closed.