ಆರೋಗ್ಯ

ನಿಮಗೆ ಗೊರಕೆ ಸಮಸ್ಯೆ ಇದ್ದರೆ ಇಲ್ಲಿದೆ ಮನೆಮದ್ದು…

Pinterest LinkedIn Tumblr

-ಗಂಟಲ ಮೇಲ್ಭಾಗ ಮತ್ತು ಮೂಗಿನ ಹಿಂದೆ ಕಟ್ಟಿಕೊಂಡಿರುವ ಕಫದಿಂದ ಗೊರಕೆ ಶಬ್ದ ಕೇಳಿ ಬರುತ್ತದೆ. ಇದನ್ನು ನಿವಾರಿಸಲು ಒಂದು ಲೋಟ ಬಿಸಿ ಹಾಲಿಗೆ ಒಂದು ಚಿಕ್ಕ ಚಮಚ ಅರಿಶಿನ ಪುಡಿ ಹಾಕಿ ರಾತ್ರಿ ಮಲಗುವುದಕ್ಕೂ ಮುನ್ನ ಕುಡಿಯಬೇಕು. ನಿಧಾನವಾಗಿ ಮೂಗು ಕಟ್ಟಿಕೊಂಡಿದ್ದು ತೆರೆದು ಗೊರಕೆ ಕಡಿಮೆಯಾಗುತ್ತಾ ಹೋಗುತ್ತದೆ.

– ಜೇನುತುಪ್ಪ ಗಂಟಲ ಒಳಭಾಗದಲ್ಲಿ ಕಟ್ಟಿಕೊಂಡಿರುವ ಕಫವನ್ನು ನಿವಾರಿಸಲು ಮತ್ತು ಊತವನ್ನು ಕಡಿಮೆಗೊಳಿಸಲು ನೆರವಾಗುತ್ತದೆ. ಇದು ಗೊರಕೆಯನ್ನು ಕಡಿಮೆ ಮಾಡಲು ಹೆಚ್ಚಿನ ನೆರವು ನೀಡುತ್ತದೆ. ಒಂದು ಲೋಟ ನೀರಿಗೆ ಒಂದು ದೊಡ್ಡ ಚಮಚ ಜೇನತುಪ್ಪವನ್ನು ಸೇರಿಸಿ ಮಲಗುವ ಮುನ್ನ ಕುಡಿಯಬೇಕು.

– ಬೆನ್ನನ್ನು ಕೆಳ ಭಾಗ ಮಾಡಿಕೊಂಡು ಮಲಗಿದರೆ ಗಂಟಲಿನ ಮಾಂಸಖಂಡಗಳಿಗೆ ವಿಶ್ರಾಂತಿ ಸಿಗುತ್ತದೆ. ಗೊರಕೆ ಕೂಡ ನಿಲ್ಲುತ್ತದೆ.

-ಗಂಟಲ ಹಿಂಬದಿಯಲ್ಲಿರುವ ಗಾಳಿ ರವಾನೆಯಾಗುವ ಸ್ಥಳವು ಕಿರಿದಾಗುವುದರಿಂದ ಗೊರಕೆ ಉಂಟಾಗುವುದು. ಕತ್ತಿನ ಭಾಗದಲ್ಲಿ ಅತಿ ಬೊಜ್ಜು ಇರುವವರಲ್ಲಿ ಇದು ಹೆಚ್ಚೆಂದು ಹೇಳಬಹುದು. ಹಾಗಾಗಿ ದೇಹದ ತೂಕವನ್ನು ಆದಷ್ಟು ಕಡಿಮೆ ಮಾಡಿಕೊಂಡರೆ ಗೊರಕೆಯಿಂದ ಮುಕ್ತಿ ಹೊಂದಬಹುದು.

-ಏಲಕ್ಕಿಯು ಕಟ್ಟಿಕೊಂಡಿರುವ ಮೂಗಿನ ಹೊಳ್ಳೆಯನ್ನು ಸರಿಪಡಿಸಿ ಉಸಿರಾಟವನ್ನು ಸರಾಗವಾಗಿಸುತ್ತದೆ. ಅರ್ಧ ಚಮಚ ಏಲಕ್ಕಿ ಪುಡಿಯನ್ನು ಒಂದು ಲೋಟ ನೀರಿಗೆ ಹಾಕಿ ಚೆನ್ನಾಗಿ ಕುದಿಸಿ ತಣಿಸಬೇಕು. ರಾತ್ರಿ ಮಲಗುವ ಮುನ್ನ ಈ ಕಷಾಯವನ್ನು ಕುಡಿಯಬೇಕು.

-ಮೂಗಿನ ಒಳ ಭಾಗವನ್ನು ಸ್ವಚ್ಛವಾಗಿಡಲು ಪ್ರಯತ್ನಿಸಬೇಕು. ಹೀಗೆ ಮಾಡುವುದರಿಂದ ಬಾಯಲ್ಲಿ ಉಸಿರಾಡುವ ಬದಲು ಮೂಗಿನ ಮೂಲಕವೇ ಉಸಿರಾಡಲು ಅವಕಾಶವಿರುತ್ತದೆ. ಮಲಗುವ ಕೋಣೆಯಲ್ಲಿ ಧೂಳು, ಸಾಕು ಪ್ರಾಣಿಗಳ ವಾಸ ಇರದಂತೆ ನೋಡಿಕೊಳ್ಳಬೇಕು. ಹಾಸಿಗೆಯು ಸ್ವಚ್ಛವಾಗಿರುವಂತೆ ನೋಡಿಕೊಳ್ಳಬೇಕು. ಈ ರೀತಿ ಮಾಡುವುದರ ಮೂಲಕವೂ ಗೊರಕೆಯನ್ನು ತಡೆಯಬಹುದು.

Comments are closed.