ಲಾಕ್ ಡೌನ್ ಆದಾಗಿನಿಂದ ಸಾಕಷ್ಟು ತೊಂದರೆಗಳಾಗುತ್ತಿವೆ. ಇದರಿಂದ ಆರ್ಥಿಕ ಸಮಸ್ಯೆಯಂತೂ ವಿವರಿಸಲು ಸಾಧ್ಯವಿಲ್ಲ. ಅವಕಾಶಗಳಿಲ್ಲದೆ, ದುಡಿಮೆಯಿಲ್ಲದೆ ಮಾನಸಿಕವಾಗಿ ಕುಂದಿದ ಸೆಲೆಬ್ರಿಟಿಗಳೂ ಕೂಡ ಇತ್ತೀಚೆಗೆ ಆತ್ಮಹತ್ಯೆ ಮಾಡಿಕೊಂಡಿದ್ದರು. ಈ ವಿಚಾರವಾಗಿ ಇಟೈಮ್ಸ್ ಜೊತೆಗಿನ ಸಂದರ್ಶನದಲ್ಲಿ ‘ರೂಪ್ ಮರ್ದ ಕಾ ನಯಾ ಸ್ವರೂಪ್’ ಧಾರಾವಾಹಿ ನಟಿ ಡೊನಾಲ್ ಮಾತನಾಡಿ ಹಲವು ವಿಚಾರಗಳನ್ನು ಹೇಳಿದ್ದಾರೆ.
ತೊಂದರೆಯಲ್ಲಿದ್ದವರಿಗೆ ಸಹಾಯ ಮಾಡುತ್ತೇನೆ: ಡೊನಾಲ್
‘ಎಷ್ಟೋ ಜನರು ನನ್ನ ಹಾಗೆ ಏಕಾಂಗಿಯಾಗಿರುತ್ತಾರೆ, ಯಾರ ಜೊತೆ ಮಾತನಾಡಬೇಕು, ಹೇಗಿರಬೇಕು ಎಂದು ತಿಳಿಯದೆ ಹತಾಶರಾಗಿರುತ್ತಾರೆ. ಹೀಗಾಗಿ ನಾನು ಅಭಿಮಾನಿಗಳ ಜೊತೆ ಸಂವಹನ ನಡೆಸಿದೆ. ಇದರಿಂದಾಗಿ ಸಾಕಷ್ಟು ಜನರು ನಿಜವಾಗಿಯೂ ತೊಂದರೆ ಅನುಭವಿಸುತ್ತಿದ್ದಾರೆ ಎಂದು ತಿಳಿಯಿತು. ನಾನು ಕೂಡ ಅವರಿಗೆ ಸಹಾಯ ಮಾಡಲು ಇಷ್ಟಪಡುತ್ತೇನೆ. ಅದರ ಜೊತೆಗೆ ನೀವು ಕೂಡ ಸಹಾಯ ಮಾಡಬಹುದು’ ಎನ್ನುತ್ತಾರೆ ಡೊನಾಲ್
ಜೀವನದಲ್ಲಿ ಕೊಡೋದು, ತಗೊಳೋದು ಸಹಜ
‘ಎಷ್ಟೋ ಜನರು ನನಗೆ ಕಾಲ್ ಮಾಡಿ ಆರಾಮಾಗಿದ್ದೀಯಾ ಅಂತ ಕೇಳುತ್ತಾರೆ. ನಮಗೆ ನಮ್ಮ ಪಾಲಕರ ಜೊತೆ ಮಾತನಾಡಲಾಗೋದಿಲ್ಲ. ಒಮ್ಮೊಮ್ಮೆ ಯಾವ ವ್ಯಕ್ತಿಗೆ ಸಮಸ್ಯೆಯಿರುತ್ತದೆಯೋ ಆ ವ್ಯಕ್ತಿಗೆ ಸಮಸ್ಯೆ ಇದೆ, ಟೆನ್ಶನ್ ಆಗುತ್ತಿದೆ ಎಂದು ಹೇಳಿ ಸುಮ್ಮನಾಗೋರೇ ಜಾಸ್ತಿ. ಆದರೆ ಅವರ ಸಹಾಯಕ್ಕೆ ಮಾತ್ರ ಧಾವಿಸೋದಿಲ್ಲ. ಜೀವನದಲ್ಲಿ ಕೊಡೋದು, ತಗೊಳೋದು ಇರುತ್ತದೆ’ ಎಂದು ಹೇಳಿದ್ದಾರೆ ಡೊನಾಲ್
ದೇಹ ಪ್ರದರ್ಶನ ಇಷ್ಟ ಇಲ್ಲ; ಡೊನಾಲ್
‘ಎಷ್ಟೋ ಜನರು ಇಂಡಸ್ಟ್ರಿಗೆ ಬರುವವರು ಸ್ವಲ್ಪ ದುಡ್ಡು ಇಟ್ಟುಕೊಂಡು ಬನ್ನಿ. ಆರಂಭದ ನಟನೆ ದಿನಗಳಲ್ಲಿ ನನಗೂ ಕೂಡ 3-4 ತಿಂಗಳು ಹಣ ಸಿಕ್ಕಿರಲಿಲ್ಲ. ಯಾವುದೇ ಇತರ ಆದಾಯ ಇಲ್ಲದೆ ಬದುಕೋದು ತುಂಬ ಕಷ್ಟ. ತಾಳ್ಮೆಯನ್ನು ಕಳೆದುಕೊಂಡು ಜನರು ಅವರ ಜೀವವನ್ನೇ ಅವರೇ ಬಲಿಕೊಡುತ್ತಿದ್ದಾರೆ. ನಟಿಯಾಗಿ ಜನರು ನನ್ನನ್ನು ಮರೆತರೆ ನನಗೆ ಅದು ಇಷ್ಟ ಆಗೋದಿಲ್ಲ. ವೆಬ್‌ ಸಿರೀಸ್‌ನಲ್ಲಿ ನನ್ನ ದೇಹ ಪ್ರದರ್ಶನ ಮಾಡಲು ಇಷ್ಟವಾಗೋದಿಲ್ಲ. ಸಿನಿಮಾ ರಂಗದಲ್ಲಿ ನನಗೆ ಗಾಡ್ ಫಾದರ್ ಇಲ್ಲ. ಎಷ್ಟೋ ಶೋಗಳಲ್ಲಿ ನಗ್ನತೆ, ಅಶ್ಲೀಲತೆ ಇರುತ್ತದೆ. ಅದನ್ನೆಲ್ಲ ಮಾಡಲು ನಾನು ತಯಾರಿಲ್ಲ. ಅವು ನನಗೆ ಅಲ್ಲವೂ ಅಲ್ಲ. ಅರ್ಥಪೂರ್ಣ ಪಾತ್ರಗಳನ್ನು ಮಾತ್ರ ಮಾಡುತ್ತೇನೆ’ ಎನ್ನುತ್ತಾರೆ ಡೊನಾಲ್
Comments are closed.