ಪೋರ್‌ಬಂದರ್‌: ಯಾರಿಗೆ ತಾನೇ ಹಿಂದಿ ಕೌನ್ ಬನೇಗಾ ಕರೋಡ್‌ಪತಿ ಗೊತ್ತಿಲ್ಲ ಹೇಳಿ. ಫ್ಯಾಮಿಲಿ ಜೊತೆ ಕುಳಿತುಕೊಂಡು ಆಲ್‌ಮೋಸ್ಟ್‌ ಅಮಿತಾ ಬಚ್ಚನ್‌ ಅವರ ಸಖತ್‌ ವಾಯ್ಸ್‌ ಶೋ ನೋಡೆ ಇರುತ್ತಾರೆ. ಆದ್ರೆ ಇದೇ ಶೋನಲ್ಲಿ ಹಲವು ವರ್ಷಗಳ ಹಿಂದೆ ನಡೆದ ಒಂದು ಇಂಟ್ರೆಸ್ಟಿಂಗ್‌ ಸ್ಟೋರಿ ಇದೀಗ ಭಾರೀ ಸುದ್ದಿಯಾಗುತ್ತಿದೆ.
2011ರಲ್ಲಿ ಕೆಬಿಸಿ ಜೂನಿಯರ್‌ನಲ್ಲಿ ಒಬ್ಬ ಯುವಕ ಸಖತ್‌ ಆಗಿ ಮಾತನಾಡುತ್ತಿದ್ದ. ಉತ್ತರ ಕೂಡ ಫಟಾಫಟ್‌ ಆಗಿ ನೀಡುತ್ತಿದ್ದ. ಆತನ ಮಾತಿನ ಶೈಲಿಗೆ ನೆರೆದಿದ್ದ ಪ್ರೇಕ್ಷಕರು ಮಾತ್ರವಲ್ಲದೇ ಸ್ವತಃ ಅಮಿತಾಬ್‌ ಬಚ್ಚನ್‌ ಅವರೇ ಫಿದಾ ಆಗಿದ್ದರು. ನೋಡ ನೋಡುತ್ತಿದ್ದಂತೆ, 15 ಪ್ರಶ್ನೆಗಳಿಗೆ 15 ಉತ್ತರ ನೀಡಿದ ಯುವಕ ಅಂದು ಒಂದು ಕೋಟಿ ಗೆದ್ದು ಸಂಚಲನ ಸೃಷ್ಟಿಸಿದ್ದ. ಇದೀಗ ಆದೆ ಯುವಕ ಐಪಿಎಸ್‌ ಅಧಿಕಾರಿಯಾಗುವ ಮೂಲಕ ಸಾಧನೆ ಮಾಡಿದ್ದಾನೆ.
ರೋಹನ್‌ ಮೋಹನ್‌ ಸೈನಿ ಎಂಬವರು ಸದ್ಯ ಗುಜರಾತ್‌ನ ಪೋರಬಂದರ್‌ನಲ್ಲಿ ಎಸ್‌ಪಿಯಾಗಿ ಕಾರ್ಯನಿರ್ವಹಿಸುತ್ತಿದ್ದಾರೆ. ಇವರು 10 ನೇ ತರಗತಿ ಓದುತ್ತಿರುವಾಗ ಕೆಬಿಸಿಯಲ್ಲಿ ಸ್ಪರ್ಧಿಸಿ 1 ಕೋಟಿ ರೂ. ಗೆದ್ದಿದ್ದರು. ನಂತರ ಎಂಬಿಬಿಎಸ್‌ ಮಾಡಿದ ರೋಹನ್‌ ಇದೆ ವೇಳೆ ಯುಪಿಎಸ್‌ಸಿ ಪರೀಕ್ಷೆ ಬರೆದು ಗುಜರಾತ್‌ನಲ್ಲಿ ಸರ್ಕಾರಿ ಕೆಲಸಕ್ಕೆ ನಿಯೋಜನೆಗೊಂಡಿದ್ದಾರೆ.
ತಂದೆ ನೇವಿ ಆಫೀಸರ್‌ ಆಗಿದ್ದು ನಾನು ಪೊಲೀಸ್ ಇಲಾಖೆ ಸೇರಿದೆ. ನನ್ನ ತಂದೆಯೇ ನನಗೆ ಸ್ಪೂರ್ತಿ ಎಂದು ರೂಹನ್‌ ಮೋಹನ್‌ ಸೈನಿ ತಿಳಿಸಿದ್ದಾರೆ. ಚಿಕ್ಕ ವಯಸ್ಸಿನಲ್ಲೇ ಸ್ಮಾರ್ಟ್‌ ಆಗಿದ್ದ ರೋಹನ್‌ ಇದೀಗ ಪೊಲೀಸ್ ಆಗುವ ಮೂಲಕ ಎಲ್ಲರಿಗೂ ಮಾದರಿಯಾಗಿದ್ದಾರೆ.
Comments are closed.