ಹರೀಶ್ ರಾಜ್ ಬಿಗ್ಬಾಸ್ ಮನೆಯ ಫಿನಾಲೆ ಕಂಟೆಸ್ಟೆಂಟ್ ಅಂತಾನೇ ಹೇಳಲಾಗ್ತಿದೆ. ಅವರ ಸ್ಮಾರ್ಟ್ ಗೇಮ್ ಮತ್ತು ವ್ಯಕ್ತಿತ್ವವನ್ನ ಬಹುತೇಕರು ಇಷ್ಟಪಡ್ತಾರೆ. ಅಷ್ಟೇ ಅಲ್ಲ, ಅವರ ಮಿಮಿಕ್ರಿ ಟ್ಯಾಲೆಂಟ್ಗೂ ಸಿಕ್ಕಾಪಟ್ಟೆ ಜನ ಫಿದಾ ಆಗಿದ್ದಾರೆ. ಸ್ಯಾಂಡಲ್ವುಡ್ನಲ್ಲಿ ಸ್ಟಾರ್ ಲೆವೆಲ್ನಲ್ಲಿ ಬೆಳೆಯದಿದ್ದರೂ ಓರ್ವ ನಟನಾಗಿ, ನಿರ್ದೇಶಕನಾಗಿ ಹರೀಶ್ ರಾಜ್ ಗುರುತಿಸಿಕೊಂಡಿದ್ದಾರೆ. ಸೀರಿಯಲ್ನಿಂದ ಶುರುವಾದ ಅವರು ಜರ್ನಿ ಸಿನಿಮಾವರೆಗೂ ಬಂದು ನಿಂತಿದೆ. ಕಾಂಟ್ರೋವರ್ಸಿಗಳನ್ನು ಮಾಡಿಕೊಂಡಿರೋ ಹರೀಶ್ ರಾಜ್ ತಮ್ಮ ಬದುಕಿನ ಕುತೂಹಲಕಾರಿ ಹಾಗೂ ಯಾರಿಗೂ ತಿಳಿಯದ ಸತ್ಯವೊಂದನ್ನ ಬಾಯ್ಬಿಟ್ಟಿದ್ದಾರೆ. ಅದು ಅವರ ಮದುವೆಯ ಬಗ್ಗೆ. ಸ್ಮಾರ್ಟ್ ಆಗಿರೋ ಹರೀಶ್ ರಾಜ್
ಮದುವೆಯಾಗಿದ್ದು 38ನೇ ವಯಸ್ಸಿನಲ್ಲಂತೆ. ಅದು ಏಕೆ ..?
ಸುಜಾತಾ, ಪೃಥ್ವಿ ಜೊತೆ ಮಾತನಾಡುತ್ತಿದ್ದ ಹರೀಶ್ ರಾಜ್ ‘ನನ್ನದು ಲೇಟ್ ಮ್ಯಾರೇಜ್. 38ನೇ ವಯಸ್ಸಿಗೆ ನಾನು ಮದುವೆಯಾದೆ. ಮ್ಯಾಟ್ರಿಮೋನಿಯಲ್ಲಿ ನನ್ನ ಹೆಂಡತಿಯ ಪರಿಚಯವಾಯ್ತು. ನಮ್ಮದು ಅರೇಂಜ್ಡ್ ಕಮ್ ಲವ್ ಮ್ಯಾರೇಜ್. ಆ ವಯಸ್ಸಿನಲ್ಲೂ ನಾನು ಮದುವೆಯಾಗ್ತಿರಲಿಲ್ಲ. ಆದ್ರೆ, ನಮ್ಮ ಮನೆಯಲ್ಲಿ ಅಮ್ಮ ಮತ್ತು ಅಕ್ಕ ಒತ್ತಡ ಹಾಕುತ್ತಿದ್ರು. ಪ್ರತಿಯೊಂದಕ್ಕೂ ಚುಚ್ಚಿ ಚುಚ್ಚಿ ಮಾತನಾಡ್ತಿದ್ರು.
ತಿಂಡಿ ಏನು ಅಂತಾ ಕೇಳಿದ್ರೆ, ನಿಮ್ಮ ಹೆಂಡತಿನಾ ಹೋಗಿ ಕೇಳು ಅಂತೆಲ್ಲಾ ಹೇಳ್ತಿದ್ರು. ಕೊನೆಗೂ 38ನೇ ವಯಸ್ಸಿಗೆ ಮದುವೆಯಾದೆ ಎಂದರು. ಇದಕ್ಕೆ ಸುಜಾತಾ ಯಾಕಷ್ಟು ಲೇಟ್ ಅಂದಾಗ ‘ ನಾನು ಪ್ರೊಫೆಷನ್ನಲ್ಲಿ ಮುಳುಗಿದ್ದೆ. ಮದುವೆಯಾಗ್ಬೇಕು ಅಂತಾ ಡಿಸೈಡ್ ಮಾಡಿದಾಗ ಸರಿಯಾದ ಜೋಡಿ ಸಿಕ್ಕಿರಲಿಲ್ಲ. ಹಾಗಾಗಿ ಲೇಟಾಯ್ತು ಅಂತಾ’ ಹೇಳಿದ್ರು.
Comments are closed.