ಇದು ಕನ್ನಡ ಚಿತ್ರರಂಗದ ಬಹುನಿರೀಕ್ಷಿತ ರಾಬರ್ಟ್ ಚಿತ್ರದ ಥೀಮ್ ಪೋಸ್ಟರ್ ಝಲಕ್. ಚೌಕ ನಂತರ ಡಿ ಬಾಸ್ ದಚ್ಚು ಗೆಳೆಯ ತರುಣ್ ಕಿಶೋರ್ ಸುಧೀರ್, ಹೆಬ್ಬುಲಿ ಖ್ಯಾತಿಯ ಉಮಾಪತಿ ಶ್ರೀನಿವಾಸ್, ಸಿನಿಮಾಟೋಗ್ರಫರ್ ಸುಧಾಕರ್ ಕಾಂಬಿನೇಷನ್ನಲ್ಲಿ ತಯಾರಾಗ್ತಿರೋ ದಚ್ಚು 53ನೇ ಸಿನಿಮಾದ ಪೋಸ್ಟರ್. ರಾಬರ್ಟ್ ಅನ್ನೋ ಮಾಸ್ ಟೈಟಲ್ಗೆ ತಕ್ಕನಾಗಿ ಸಿನಿಮಾ ಕೂಡ ಡಬಲ್ ಸೌಂಡ್ ಮಾಡ್ತಿದೆ. ಸೆಟ್ಟೇರಿದ ದಿನದಿಂದ ನಯಾ ಖಬರ್ಗಳಿಂದ ಧೂಳೆಬ್ಬಿಸ್ತಿದ್ದ ರಾಬರ್ಟ್, ಸದ್ಯ ಥೀಮ್ ಪೋಸ್ಟರ್ ಲುಕ್ನಿಂದ ಎಕ್ಸ್ಪೆಕ್ಟೇಷನ್ಸ್ ದುಪ್ಪಟ್ಟು ಮಾಡಿದೆ.
ಮೊದಲೇ ಹೇಳಿದಂತೆ ರಾಬರ್ಟ್ ಟೀಂ ನಾನ್ಸ್ಟಾಪ್ ಶೂಟಿಂಗ್ ನಡೆಸ್ತಿದೆ. ಕಂಠೀರವ ಸ್ಟುಡಿಯೋದ ಬೃಹತ್ ಸೆಟ್ನಲ್ಲಿ ಶುರುವಾದ ಚಿತ್ರೀಕರಣ, ನಂತರ ಚೆನ್ನೈ ಹಾಗೂ ಪಾಂಡಿಚೆರಿ ಮೂಲಕ ಈಗಾಗ್ಲೇ ಶೇಕಡಾ 25ರಷ್ಟು ಶೂಟಿಂಗ್ ಕಂಪ್ಲೀಟ್ ಮಾಡಿದೆ. ಬರೋಬ್ಬರಿ 20ದಿನ ನಾನ್ಸ್ಟಾಪ್ ಶೂಟಿಂಗ್ನಿಂದ ಟೀಂ ರಾಬರ್ಟ್ D53ಗಾಗಿ ಡೇ ಅಂಡ್ ನೈಟ್ ಎಫರ್ಟ್ ಹಾಕ್ತಿದೆ.
ನವೆಂಬರ್ 6, 2018ರಂದು ರಾಬರ್ಟ್ ಸಿನಿಮಾದ ಮೊಟ್ಟ ಮೊದಲ ಥೀಮ್ ಪೋಸ್ಟರ್ ರಿವೀಲ್ ಮಾಡಿದರು ಡೈರೆಕ್ಟರ್ ತರುಣ್ ಸುಧೀರ್. ಆಗ ಸಿನಿಮಾಗೆ ರಾಬರ್ಟ್ ಅಂತ ನಾಮಕಾರಣ ಕೂಡ ಮಾಡಿರಲಿಲ್ಲ. ಡಿ53 ಹೆಸರಲ್ಲೇ ಮಗುವೊಂದರ ಕೈಹಿಡಿದಿದ್ದ ನಾಯಕನಟನ ಲುಕ್ ಜೊತೆ ‘ಈ ಕೈಗೆ ಶಬರಿ ಮುಂದೆ ಸೋಲೋದು ಗೊತ್ತು, ರಾವಣನ ಮುಂದೆ ಗೆಲ್ಲೋದು ಗೊತ್ತು ‘ ಅನ್ನೋ ಮಾಸ್ ಲೈನ್ಸ್ ಮೂಲಕ ಕಿಕ್ಕೇರಿಸಿತ್ತು ಟೀಂ ರಾಬರ್ಟ್.
ಅದಾದ ಬಳಿಕ ಡಿಸೆಂಬರ್ 25, 2018ರಂದು ಕ್ರಿಸ್ಮಸ್ ವಿಶೇಷ ರಾಬರ್ಟ್ ಟೈಟಲ್ ಫೋಸ್ಟರ್ ಲಾಂಚ್ ಮಾಡಿದ್ರು. ಅದ್ರಲ್ಲಿ ಹನುಮನ ಭುಜವೇರಿ ಬಿಲ್ಲು ಬಾಣ ಹಿಡಿದು ಬರೋ ರಾಮನ ಗ್ರಾಫಿಕ್ ಫೋಟೋ ಹತ್ತು ಹಲವು ಕಥೆಗಳನ್ನು ಹೇಳ್ತಿತ್ತು. ಅಲ್ಲಿಗೆ ಲೋಕ ಕಲ್ಯಾಣಕ್ಕಾಗಿ ರಾಮ ರಾಬರ್ಟ್ ಅವತಾರದಲ್ಲಿ ಲಂಕೆಯಲ್ಲಿರೋ ರಾವಣನನ್ನು ಸಂಹರಿಸೋ ಹಾಗೆ, ದುಷ್ಟರ ವಿರುದ್ಧ ನಿಲ್ತಾರೆ ಅನ್ನೋದು ಪಕ್ಕಾ ಆಗಿತ್ತು.
ಸದ್ಯ ರಿಲೀಸ್ ಆಗಿರೋ ಫಸ್ಟ್ ಲುಕ್ ಥೀಮ್ ಪೋಸ್ಟರ್ ಸಾಮಾಜಿಕ ಜಾಲತಾಣದಲ್ಲಿ ಧೂಳೆಬ್ಬಿಸ್ತಿದೆ. ಇಡೀ ಡಿ ಖಾಂದಾನ್ ಜೊತೆ ಸೌತ್ ಸಿನಿದುನಿಯಾನೇ ರಾಬರ್ಟ್ ಲುಕ್ ನೋಡಿ ದಂಗಾಗಿದೆ. ಇಲ್ಲಿ ದಚ್ಚು ಫೇಸ್ ರಿವೀಲ್ ಆಗಲಿಲ್ಲವಾದರು ರಾಬರ್ಟ್ ಗತ್ತು ಗೈರತ್ತು ಎಂಥದ್ದು ಅನ್ನೋದರ ಹಿಂಟ್ ಬಿಟ್ಟುಕೊಟ್ಟಿದೆ ಚಿತ್ರತಂಡ.
ದುಬಾರಿ ಬೈಕ್ವೊಂದನ್ನು ಏರಿ ರಾಬರ್ಟ್ ಅವತಾರದಲ್ಲಿ ಕೂತಿರೋ ಡಿಬಾಸ್ ಬೈಕ್ ರಿಜಿಸ್ಟ್ರೇಷನ್ ಮಂಗಳೂರಿನದ್ದು. ನಂಬರ್ ಪ್ಲೇಟ್ ಮೇಲೆ ಕೆಎ 19 ಅಂತಿದ್ದು, D 8055 ನಂಬರ್ ಮೂಲಕ ಡಿ ಬಾಸ್ ಅನ್ನೋ ಬ್ರ್ಯಾಂಡ್ ವಿಜೃಂಭಿಸ್ತಿದೆ. ಇನ್ನು ಒಂಟಿಸಲಗದಂತೆ ಬೈಕೇರಿ ಕೂತಿರೋ ರಾಬರ್ಟ್ ಜಾಕೆಟ್ನ ಬೆನ್ನಿನಲ್ಲಿ ಐರಾವತ ಇಮೇಜ್ ನಾಯಕನಟನ ರೇಂಜ್ ಹೇಳ್ತಿದೆ. ಇದರ ಜೊತೆಗೆ ರೌಡಿ ಬಳಗ ವಾನರ ಸೈನ್ಯದಂತೆ ದೊಡ್ಡ ಮಟ್ಟದಲ್ಲಿ ರಾಬರ್ಟ್ ಬೈಕ್ ಮುಂದೆ ಮುಖಾಮುಖಿ ಆಗಿರೋದು ಚಿತ್ರದ ಸ್ಟೋರಿಲೈನ್ ಕುರಿತು ಸಖತ್ ಕ್ಯೂರಿಯಾಸಿಟಿ ಹುಟ್ಟಿಸ್ತಿದೆ.
ಇನ್ನು ಇಂದು ಮುಸ್ಲೀಂ ಬಾಂಧವರ ಪವಿತ್ರವಾದ ರಂಜಾನ್ ಹಬ್ಬ. ಹಿಂದೂ ಧರ್ಮದ ಡಿಬಾಸ್ ದರ್ಶನ್, ಕ್ರೈಸ್ತ ರಾಬರ್ಟ್ ಹೆಸರಿನ ಚಿತ್ರದ ಫಸ್ಟ್ ಲುಕ್ನ ರಂಜಾನ್ ಹಬ್ಬಕ್ಕೆ ಲಾಂಚ್ ಮಾಡಿರೋದು ನಿಜಕ್ಕೂ ಮೆಚ್ಚಲೇಬೇಕು. ಇಲ್ಲಿ ಸರ್ವಧರ್ಮ ಸಾಮರಸ್ಯ ಸಾರುವಂತಹ ಎಲ್ಲಾ ಲಕ್ಷಣಗಳು ಎದ್ದು ಕಾಣ್ತಿವೆ. ಹಾಗಾಗಿಯೇ ದಾಸ ದರ್ಶನ್ ಕೋಟ್ಯಾಂತರ ಹೃದಯಗಳ ಬಾಸ್ ಆಗಿ ರಾರಾಜಿಸ್ತಿದ್ದಾರೆ.
ತೂಗುದೀಪ ಶ್ರೀನಿವಾಸ್ ರಾಬರ್ಟ್ ಅನ್ನೋ ಹೆಸ್ರಲ್ಲಿ ಸಾಕಷ್ಟು ಸಿನಿಮಾಗಳ ಪಾತ್ರಧಾರಿ ಆಗಿದರು. ದರ್ಶನ್ಗೂ ಕೂಡ ಅಪ್ಪನ ನೆಚ್ಚಿನ ಹೆಸರನ್ನು ಚೌಕ ಚಿತ್ರದ ಪಾತ್ರಕ್ಕೆ ಅವಳಡಿಸಿದ್ರು ಡೈರೆಕ್ಟರ್ ತರುಣ್ ಸುಧೀರ್. ಇದೀಗ ರಾಬರ್ಟ್ ಹೆಸ್ರಲ್ಲೇ ಸಿನಿಮಾ ಮಾಡ್ತಿರೋದು ಇಡೀ ತೂಗುದೀಪ ಡೈನಷ್ಟಿ ಹಾಗೂ ಕನ್ನಡ ಸಿನಿಪ್ರಿಯರು ಹಾಗೂ ಚಿತ್ರರಂಗಕ್ಕೆ ಸರ್ಪ್ರೈಸಿಂಗ್ ಆಗಿದೆ.
Comments are closed.