ಮನೋರಂಜನೆ

ತಾನು ನಟಿಸಿದ ಕನ್ನಡ ಸಿನಿಮಾವನ್ನು ನೆನಪಿಸಿಕೊಂಡ ಅನಿಲ್ ಕಪೂರ್!

Pinterest LinkedIn Tumblr


ಕೆಲವು ಸಂಗತಿಗಳು ನಮ್ಮ ಹಳೆಯ ದಿನಗಳನ್ನು ನೆನಪಿಸುತ್ತವೆ. ಸ್ನೇಹಿತರು, ಸಹೋದ್ಯೋಗಿಗಳು, ಭೇಟಿ ನೀಡಿದ ಜಾಗ, ಸವಿದ ಆಹಾರ ಎಲ್ಲವೂ ನೆನಪಾಗುತ್ತಿದೆ. ಇದನ್ನೆಲ್ಲ ಪಡೆಯಲು ನಾವು ಪುಣ್ಯ ಮಾಡಿದ್ದೆವು. ನನ್ನ ಮೊದಲ ಮತ್ತು ಏಕೈಕ ಕನ್ನಡ ಸಿನಿಮಾದ ಪಲ್ಲವಿ ಅನುಪಲ್ಲವಿ ಶೂಟಿಂಗ್ ದಿನಗಳು ನೆನಪಾಗುತ್ತಿವೆ
ವಿಜಯ ಕರ್ನಾಟಕ | Updated:Jun 1, 2019, 08:32PM IST
ಬಾಲಿವುಡ್ ನಟ ಎಂದೇ ಖ್ಯಾತಿ ಪಡೆದಿರುವ ಅನಿಲ್ ಕಪೂರ್ ಅವರು ಸಿನಿಮಾ ವೃತ್ತಿ ಶುರುಮಾಡಿದ್ದು ಕನ್ನಡದಲ್ಲಿ ಎಂಬುದು ಬಹಳಷ್ಟು ಜನರಿಗೆ ಗೊತ್ತಿರಲಿಕ್ಕಿಲ್ಲ. ಹೌದು, ನಟ ಅನಿಲ್ ಕಪೂರ್ ಅವರು 1983ರಲ್ಲಿ ಬಿಡುಗಡೆಯಾಗಿದ್ದ ಮಣಿರತ್ನಂ ನಿರ್ದೇಶನದ ‘ಪಲ್ಲವಿ ಅನುಪಲ್ಲವಿ’ ಚಿತ್ರದ ಮೂಲಕ ಸಿನಿಮಾರಂಗಕ್ಕೆ ಬಂದವರು. ಈ ಚಿತ್ರದಲ್ಲಿ ಅನಿಲ್ ಕಪೂರ್ ಅವರಿಗೆ ಜೋಡಿಯಾಗಿ ನಟಿ ಲಕ್ಷ್ಮೀ ನಟಿಸಿದ್ದರು. ಇಳಯರಾಜಾ ಸಂಗೀತದಲ್ಲಿ ಮೂಡಿ ಬಂದ ಹಾಡುಗಳು ಆ ಕಾಲದಲ್ಲಿ ಸೂಪರ್ ಹಿಟ್ ದಾಖಲಿಸಿದ್ದವು. ಈಗಲೂ ಸಹ ಈ ಚಿತ್ರದ ಹಾಡುಗಳನ್ನು ಕೇಳಿದವರು ತಲೆದೂಗುವುದು ಗ್ಯಾರಂಟಿ.

ಇದೀಗ, ಅನಿಲ್ ಕಪೂರ್ ಮತ್ತು ಪಲ್ಲವಿ ಅನುಪಲ್ಲವಿ ಸಿನಿಮಾ ಸಂಗತಿ ನೆನಪಾಗಲು ಕಾರಣ ಸ್ವತಃ ನಟ ಅನಿಲ್ ಕಪೂರ್. ಇತ್ತೀಚೆಗೆ ‘ಫಿಲಂ ಆರ್ಕೈವ್ ಆಫ್ ಇಂಡಿಯಾ’ ಪಲ್ಲವಿ ಅನುಪಲ್ಲವಿ ಸಿನಿಮಾ ಬಗ್ಗೆ ಸೋಷಿಯಲ್ ಮೀಡಿಯಾದಲ್ಲಿ ಮಾಹಿತಿ ಹಂಚಿಕೊಂಡಿತ್ತು. ಅದನ್ನು ನೋಡಿದ ನಟ ಅನಿಲ್ ಕಪೂರ್ ಅವರು ಭಾವುಕರಾಗಿ ಟ್ವೀಟ್ ಮಾಡಿದ್ದಾರೆ.

ಕೆಲವು ಸಂಗತಿಗಳು ನಮ್ಮ ಹಳೆಯ ದಿನಗಳನ್ನು ನೆನಪಿಸುತ್ತವೆ. ಸ್ನೇಹಿತರು, ಸಹೋದ್ಯೋಗಿಗಳು, ಭೇಟಿ ನೀಡಿದ ಜಾಗ, ಸವಿದ ಆಹಾರ ಎಲ್ಲವೂ ನೆನಪಾಗುತ್ತಿದೆ. ಇದನ್ನೆಲ್ಲ ಪಡೆಯಲು ನಾವು ಪುಣ್ಯ ಮಾಡಿದ್ದೆವು. ನನ್ನ ಮೊದಲ ಮತ್ತು ಏಕೈಕ ಕನ್ನಡ ಸಿನಿಮಾದ ಪಲ್ಲವಿ ಅನುಪಲ್ಲವಿ ಶೂಟಿಂಗ್ ದಿನಗಳು ನೆನಪಾಗುತ್ತಿವೆ” ಎಂದು ನಟ ಅನಿಲ್ ಕಪೂರ್ ಅವರು ತಮ್ಮ ಟ್ವೀಟರ್‌ ಪೇಜ್‌ನಲ್ಲಿ ಬರೆದುಕೊಂಡಿದ್ದಾರೆ. `

ಒಟ್ಟಿನಲ್ಲಿ, ಕನ್ನಡದಲ್ಲಿ ನಟಿಸಿದ್ದ ಬಾಲಿವುಡ್ ನಟ ಖ್ಯಾತಿಯ ಅನಿಲ್ ಕಪೂರ್ ಅವರು ಕನ್ನಡವನ್ನು, ಕನ್ನಡ ಸಿನಿಮಾವನ್ನು, ಕನ್ನಡಿಗರ್ನು ನೆನೆಸಿಕೊಂಡು ಟ್ವೀಟ್ ಮಾಡಿದ್ದಾರೆ. ಅದಕ್ಕೆ ಕಾರಣವಾಗಿದ್ದು ಅವರ ಅಭಿನಯದ ಮೊಟ್ಟಮೊದಲ ಕನ್ನಡ ಸಿನಿಮಾ ಪಲ್ಲವಿ ಅನುಪಲ್ಲವಿ.

Comments are closed.