ಸ್ಯಾಂಡಲ್ವುಡ್, ಬಾಲಿವುಡ್, ಕಾಲಿವುಡ್, ಟಾಲಿವುಡ್ನಲ್ಲಿ ಆಗಾಗ ತಾರೆಯರ ಅಭಿಮಾನಿಗಳ ನಡುವೆ ಸಾಮಾಜಿಕ ಜಾಲತಾಣಗಳಲ್ಲಿ ಡೈಲಾಗ್ ವಾರ್ ನಡೆಯೋದು ಸಹಜ. ಇವು ಪರಿಸ್ಥಿತಿಗಳಿಗೆ ತಕ್ಕಂತೆ ಉದ್ಭವಿಸಿ, ನಂತರ ತಣ್ಣಗಾಗುತ್ತವೆ. ಆದರೆ ಈ ಸಲ ಬಾಲಿವುಡ್ ನಟರೊಬ್ಬರ ಅಭಿಮಾನಿಗಳು ಹಾಗೂ ಟಾಲಿವುಡ್ ನಟರೊಬ್ಬರ ಅಭಿಮಾನಿಗಳ ನಡುವೆ ಸೋಶಿಯಲ್ ಮೀಡಿಯಾ ವಾರ್ ಆರಂಭವಾಗಿದೆ.
ಹೌದು, ತೆಲುಗಿನಲ್ಲಿ ರೌಡಿ ಎಂದೇ ಖ್ಯಾತರಾಗಿರುವ ‘ಅರ್ಜುನ್ ರೆಡ್ಡಿ’ ಖ್ಯಾತಿಯ ನಟ ವಿಜಯ್ ದೇವರಕೊಂಡ ಹಾಗೂ ಬಾಲಿವುಡ್ ನಟ ಶಾಹಿದ್ ಕಪೂರ್ ಅಭಿಮಾನಿಗಳ ನಡುವೆ ಸಾಮಾಜಿಕ ಜಾಲತಾಣದಲ್ಲಿ ವಾರ್ ನಡೆಯುತ್ತಿದೆ. ನಿನ್ನೆಯಷ್ಟೆ ‘ಅರ್ಜುನ್ ರೆಡ್ಡಿ’ಯ ಹಿಂದಿ ರಿಮೇಕ್ ‘ಕಬೀರ್ ಸಿಂಗ್’ ಟೀಸರ್ ಬಿಡುಗಡೆಯಾಗಿದ್ದು, ಎಲ್ಲೆಡೆಯಿಂದ ಉತ್ತಮ ಪ್ರತಿಕ್ರಿಯೆ ಪಡೆದುಕೊಳ್ಳುತ್ತಿದೆ.
ಶಾಹಿದ್ ಅಭಿಮಾನಿಗಳು ಅವರ ಅಭಿನಯಕ್ಕೆ ಮನಸೋತು ಮೆಚ್ಚುಗೆಯ ಸಂದೇಶಗಳನ್ನು ಕಳುಹಿಸುತ್ತಿದ್ದಾರೆ. ಶಾಹಿದ್ ಅಭಿನಯಕ್ಕೆ ವಿಜಯ್ ದೇವರಕೊಂಡ ಸಹ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.
ಆದರೆ ಶಾಹಿದ್ ಅಭಿಮಾನಿಯೊಬ್ಬರು ಈ ಟೀಸರ್ ನೋಡಿ, ನಮ್ಮ ಶಾಹಿದ್ ಅಷ್ಟು ಪ್ರತಿಭಾವಂತ ಅಲ್ಲ ನಿಮ್ಮ ಹೀರೋ ಎಂದು ವಿಜಯ್ ದೇವರಕೊಂಡ ಅವರ ಬಗ್ಗೆ ಬರೆದುಕೊಂಡಿದ್ದಾರೆ. ಇದಕ್ಕೆ ಪ್ರತಿಕ್ರಿಯಿಸುತ್ತಿರುವ ವಿಜಯ್ ಅಭಿಮಾನಿಗಳು ಸಿಟ್ಟಿಗೆದ್ದಿದ್ದು, ಒರಿಜಿನಲ್ ಸಿನಿಮಾವನ್ನು ನಿಮ್ಮ ಶಾಹಿದ್ ಹಳ್ಳ ಹಿಡಿಸುತ್ತಿದ್ದಾರೆ. ವಿಜಯ್ ಅಭಿನಯದ ಮುಂದೆ ಶಾಹಿದ್ ಏನೂ ಅಲ್ಲ ಎಂದೆಲ್ಲ ಕಮೆಂಟ್ ಮಾಡುತ್ತಿದ್ದಾರೆ.
ಕೇವಲ ಆಯಾ ಭಾಷೆಯ ಸಿನಿರಂಗಕ್ಕೆ ಸೀಮಿತವಾಗಿದ್ದ ಸ್ಟಾರ್ ವಾರ್ ಈಗ ಬೇರೆ ಮಟ್ಟಕ್ಕೆ ಹೋಗುತ್ತಿದೆ. ಇಲ್ಲೂ ಸಹ ವಿಜಯ್ ದೇವರಕೊಂಡ ಹಾಗೂ ಕಬೀರ್ ಖಾನ್ ಸಿನಿಮಾದಲ್ಲಿ ಅಭಿನಯಿಸಿರುವ ಶಾಹಿದ್ ಈ ಬಗ್ಗೆ ಎಲ್ಲೂ ಏನೂ ಮಾತನಾಡುತ್ತಿ್ಲ ಬದಲಾಗಿ ಇಬ್ಬರೂ ಚೆನ್ನಾಗಿಯೇ ಇದ್ದಾರೆ. ಹೀಗಿರುವಾಗ ಅವರ ಅಭಿಮಾನಿಗಳು ಮಾತ್ರ ಸಾಮಾಜಿಕ ಜಾಲತಾಣದಲ್ಲಿ ಒಬ್ಬರ ಮೇಲೆ ಒಬ್ಬರು ಕೆಸರೆರಚಾಡುತ್ತಿದ್ದಾರೆ.
Comments are closed.