ಕನ್ನಡದ ಖ್ಯಾತ ರಿಯಾಲಿಟಿ ಶೋ ಬಿಗ್ ಬಾಸ್-6 ವಿನ್ನರ್ ಆಗಿ ಶಶಿ ಕುಮಾರ್ ಹೊರ ಹೊಮ್ಮಿದ್ದಾರೆ. ತೀವ್ರ ಕುತೂಹಲಕ್ಕೆ ಕಾರಣವಾಗಿದ್ದ ಈ ಬಾರಿಯ ಸ್ಫರ್ಧೆಯಲ್ಲಿ ನವೀನ್ ಸಜ್ಜು ರನ್ನರ್ ಅಪ್ ಆಗಿದ್ದಾರೆ.
ಬೆಂಗಳೂರಿನ ಬಿಡದಿ ಬಳಿಯ ಇನ್ನೊವೇಟೀವ್‌ ಫಿಲಂ ಸಿಟಿಯಲ್ಲಿ ನಡೆದ ಗ್ರ್ಯಾಂಡ್‌ ಫಿನಾಲೆಯಲ್ಲಿ ನಟಿ ಕವಿತಾ ಅವರನ್ನು ಸೆಕೆಂಡ್ ರನ್ನರ್ ಅಪ್ ಆಗಿ ಘೋಷಿಸಲಾಯಿತು. ಈ ಮೂಲಕ ತ್ರಿಕೋನ ಸ್ಫರ್ಧೆಗೆ ಅಂತ್ಯವಾಡಿದ ಕಿಚ್ಚ, ಗಾಯಕ ನವೀನ್ ಸಜ್ಜು ಮತ್ತು ಶಶಿಕುಮಾರ್ ನಡುವೆ ಯಾರಾಗಲಿದ್ದಾರೆ ಬಿಗ್ಬಾಸ್ ಎಂಬ ಕುತೂಹಲವನ್ನು ಪ್ರೇಕ್ಷಕರಲ್ಲಿ ಹೆಚ್ಚಿಸಿದರು.
ಆದರೆ ಆರಂಭದಿಂದಲೂ ಮನರಂಜನೆ ಮತ್ತು ಗಾಯನದ ಮೂಲಕ ಪ್ರೇಕ್ಷಕರ ಹೃದಯ ಗೆದ್ದ ನವೀನ್ ಸಜ್ಜು ಈ ಬಾರಿಯ ಚಾಂಪಿಯನ್ ಆಗಿ ಆಯ್ಕೆಯಾಗಲಿದ್ದಾರೆ ಎಂಬ ಪ್ರೇಕ್ಷಕರಿಗೆ ನಿರಾಸೆಯಾಗಿದೆ ಎಂದು ಹೇಳಲಾಗಿದೆ. ಕಿಚ್ಚ ಸುದೀಪ್ ಶಶಿ ಅವರ ಕೈಯನ್ನು ಎತ್ತುತ್ತಿದ್ದಂತೆ ಅಭಿಮಾನಿಗಳ ಸಂಭ್ರಮ ಮುಗಿಲು ಮುಟ್ಟಿತು. ಇನ್ನು ಅತ್ಯುತ್ತಮ ಸ್ಫರ್ಧೆ ನೀಡಿದ ನವೀನ್ ಎರಡನೇ ಸ್ಥಾನ ಪಡೆದಿದ್ದಾರೆ.
ಕಿಚ್ಚ ಸುದೀಪ್ ಅವರ ನಿರೂಪಣೆಯಲ್ಲಿ ಮೂಡಿ ಬಂದಿದ್ದ ಬಿಗ್ ಬಾಸ್ ಈ ಬಾರಿ ಕೂಡ ಪ್ರೇಕ್ಷಕರನ್ನು ಮೋಡಿ ಮಾಡುವಲ್ಲಿ ಯಶಸ್ವಿಯಾಗಿದೆ. ಅಬ್ಬರದ ಫಿನಾಲೆಯಲ್ಲಿ ವಿನ್ನರ್ ಅನೌನ್ಸ್ ಮಾಡುವಲ್ಲಿ ಪ್ರೇಕ್ಷಕರ ನಾಡಿಮಿಡಿತವನ್ನು ಹೆಚ್ಚಿಸಿದ ಅಭಿನಯ ಚಕ್ರವರ್ತಿ, ಫೈನಲ್ ಕುತೂಹಲಕ್ಕೆ ಮತ್ತು ಬಿಗ್ಬಾಸ್ಗೆ ತೆರೆ ಎಳೆದಿದ್ದಾರೆ ಎಂದು ತಿಳಿದು ಬಂದಿದೆ.
ಈ ಹಿಂದಿನ ಬಿಗ್ ಬಾಸ್ಗಿಂತಲೂ ಈ ಬಾರಿ ಹೆಚ್ಚು ಸ್ಪರ್ಧಿಗಳು ಸಾಮಾನ್ಯ ನಾಗರಿಕರು ಎನ್ನುವುದೇ ವಿಶೇಷವಾಗಿತ್ತು. ಕೆಲವೇ ಸೆಲಬ್ರೆಟಿಗಳನ್ನು ಆರಿಸಿ, ಅದರಲ್ಲೂ ಯುವ ಸಮುದಾಯವನ್ನೇ ಈ ಬಾರಿ ಬಿಗ್ ಬಾಸ್ ಸ್ಪರ್ಧಿಗಳನ್ನಾಗಿ ಮಾಡಿದ್ದು ಸಾಕಷ್ಟು ಚರ್ಚೆಗೆ ಗ್ರಾಸವಾಗಿತ್ತು. ಆರಂಭದಲ್ಲಿ ಮಿಶ್ರ ಪ್ರತಿಕ್ರಿಯೆ ವ್ಯಕ್ತವಾಗಿದ್ದರೂ ನಂತರ ವಿಶೇಷ ಟಾಸ್ಕ್ಗಳ ಮೂಲಕ ಜನರನ್ನು ಸೆಳೆಯುವಲ್ಲಿ 6ನೇ ಬಿಗ್ಬಾಸ್ ಯಶಸ್ವಿಯಾಗಿದೆ.
ಇದುವರೆಗೆ ಬಿಗ್ ಬಾಸ್ ಕನ್ನಡ ಗೆದ್ದವರು
1. ಸೀಸನ್ -1 ವಿನ್ನರ್: ವಿಜಯ್ ರಾಘವೇಂದ್ರ (ನಟ)
2. ಸೀಸನ್-2 ವಿನ್ನರ್: ಅಕುಲ್ ಬಾಲಾಜಿ (ನಿರೂಪಕ)
3. ಸೀಸನ್-3 ವಿನ್ನರ್: ಶ್ರುತಿ (ನಟಿ)
4. ಸೀಸನ್-4 ವಿನ್ನರ್: ಪ್ರಥಮ್ (ನಿರ್ದೇಶಕ)
5. ಸೀಸನ್-5 ವಿನ್ನರ್: ಚಂದನ್ ಶೆಟ್ಟಿ (ಗಾಯಕ)
Comments are closed.