‘ಕೆಜಿಎಫ್’ ಇಂದು ಕೇವಲ ಕನ್ನಡ ಸಿನಿಮಾವಾಗಿ ಮಾತ್ರ ಉಳಿದಿಲ್ಲ. ಈ ಚಿತ್ರ ಪ್ಯಾನ್ ಇಂಡಿಯಾ ಚಿತ್ರ ಆಗಿ ಬದಲಾಗಿದೆ. ಟಾಲಿವುಡ್, ಕಾಲಿವುಡ್ ಮಾತ್ರವಲ್ಲದೇ ಬಾಲಿವುಡ್ನಿಂದಲೂ ಚಿತ್ರಕ್ಕೆ ಉತ್ತಮ ಪ್ರತಿಕ್ರಿಯೆ ಕೇಳಿ ಬರುತ್ತಿದೆ. ಹಿಂದಿಯಲ್ಲಿ ಕಲೆಕ್ಷನ್ ದಿನೇ ದಿನೇ ಏರಿಕೆ ಆಗುತ್ತಿದೆ. ಹಿಂದಿ ಚಿತ್ರರಂಗದವರು ‘ಕೆಜಿಎಫ್’ಗೆ ಮನ ಸೋತಿದ್ದಾರೆ.
ಕೆಜಿಎಫ್ ಚಿತ್ರ ನೋಡಿದ ಪ್ರೇಕ್ಷಕರ ಪ್ರತಿಕ್ರಿಯೆಯ ವಿಡಿಯೋವನ್ನು‘ರಾಕಿಂಗ್ ಸ್ಟಾರ್’ ಯಶ್ ತಮ್ಮ ಫೇಸ್ಬುಕ್ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ. ಕೆಜಿಎಫ್ ವೀಕ್ಷಿಸಿದ ಪ್ರೇಕ್ಷಕರು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಕೆಲವರು ‘ನಾನು ಈ ರೀತಿ ಆ್ಯಕ್ಷನ್ ಚಿತ್ರವನ್ನು ಬಾಲಿವುಡ್ನಲ್ಲಿ ನೋಡೇ ಇಲ್ಲ’ ಎಂದರೆ, ಇನ್ನೂ ಕೆಲವರು ‘ಐದು ಅಂಕಕ್ಕೆ ಏಳು ಅಂಕ ಕೊಡುವುದಾಗಿ’ ಹೇಳಿದ್ದಾರೆ. ಈ ಮೂಲಕ ಕನ್ನಡ ಚಿತ್ರವನ್ನು ಮೆಚ್ಚಿಕೊಂಡಿರುವುದಾಗಿ ಹೇಳಿದ್ದಾರೆ. ವಿಶೇಷ ಎಂದರೆ ಕೆಲ ಯುವತಿಯರು ಚಿತ್ರಮಂದಿರದಲ್ಲೇ ಹೆಜ್ಜೆ ಹಾಕಿದ್ದಾರೆ.
‘ಕೆಜಿಎಫ್’ ಎರಡೇ ದಿನಕ್ಕೆ 50 ಕೋಟಿ ರೂ. ಗಳಿಸಿದೆ. ಇನ್ನು ಹಿಂದಿಯಲ್ಲಿ ‘ಕೆಜಿಎಫ್’ ಕಲೆಕ್ಷನ್ ದಿನೇ ದಿನೇ ಏರಿಕೆ ಆಗತ್ತಿದೆ. ಮೊದಲ ದಿನ 2 ಕೋಟಿ ರೂ. ಕಮಾಯಿ ಮಾಡಿದ್ದ ಈ ಸಿನಿಮಾ ಎರಡನೇ ದಿನಕ್ಕೆ 3 ಕೋಟಿ ರೂ. ಬಾಚಿಕೊಂಡಿತ್ತು. ಭಾನುವಾರದ ಗಳಿಕೆ 4 ಕೋಟಿ ರೂ. ತಲುಪುವ ಮೂಲಕ ಅಚ್ಚರಿ ಮೂಡಿಸಿದೆ. ಮೂರು ದಿನಗಳಲ್ಲಿ ‘ಕೆಜಿಎಫ್’ ಚಿತ್ರ ಹಿಂದಿಯಲ್ಲಿ 9.20 ಕೋಟಿ ರೂ. ತೆಕ್ಕೆಗೆ ಹಾಕಿಕೊಂಡಿದೆ.
ಪ್ರಶಾಂತ್ ನೀಲ್ ನಿರ್ದೇಶನದ’ಕೆಜಿಎಫ್’ ಚಿತ್ರ ಶುಕ್ರವಾರ ಐದು ಭಾಷೆಗಳಲ್ಲಿ ಬಿಡುಗಡೆ ಆಗಿದೆ. ಎಲ್ಲ ಕಡೆಗಳಿಂದ ಸಿನಿಮಾಗೆ ಮೆಚ್ಚುಗೆ ಕೇಳಿ ಬಂದಿದೆ. ಚಿತ್ರದಲ್ಲಿ ಛಾಯಾಗ್ರಹಣ, ಸಂಭಾಷಣೆ ಚಿತ್ರಕ್ಕೆ ಪ್ಲಸ್ ಪಾಯಿಂಟ್ ಆಗಿತ್ತು.
Comments are closed.