ಈಗ ಎಲ್ಲಿ ನೋಡಿದರೆ ಅಲ್ಲಿ ದೀಪ್ವೀರ್ ಮದುವೆ ಸದ್ದು. ದೂರದ ಇಟಲಿಯಲ್ಲಿ ಮದುವೆಯಾದ ಈ ಜೋಡಿ ಭಾನುವಾರ ತವರಿಗೆ ಆಗಮಿಸಿದ್ದಾರೆ. ಈ ದಂಪತಿಯ ಮದುವೆ ಫೋಟೊ ನೋಡಲು ಇವರ ಮದುವೆ ಕಥೆ ಕೇಳಲು ಅವರ ಸಾಮಾಜಿಕ ಜಾಲತಾಣದಲ್ಲಿ ಜನರು ಹುಡುಕಾಟ ನಡೆಸುತ್ತಲೆ ಇದ್ದಾರೆ. ಈ ನಡುವೆ ದೀಪಿಕಾ ರಣವೀರ್ ಅವರ ಲುಕ್ಗೆ ಕತ್ತರಿ ಹಾಕಿರುವ ವಿಡಿಯೋವೊಂದು ಸಾಮಾಜಿಕ ಜಾಲತಾಣದಲ್ಲಿ ಸಿಕ್ಕಿದ್ದು, ಸಿಕ್ಕಾಪಟ್ಟೆ ವೈರಲ್ ಆಗುತ್ತಿದೆ.
‘ರಾಮ್ ಲೀಲಾ’ ಚಿತ್ರದೊಂದಿಗೆ ಆರಂಭವಾದ ಇವರ ಪ್ರೀತಿ ಬಳಿಕ ‘ಬಾಜೀರಾವ್ ಮಸ್ತಾನಿ’ ಚಿತ್ರದ ಅಮರ ಪ್ರೇಮದ ಮೂಲಕ ಇವರ ಪ್ರೀತಿ ಇನ್ನಷ್ಟು ಗಟ್ಟಿಯಾಗಿತ್ತು. ಈ ಚಿತ್ರದಲ್ಲಿ ಡಿಫರೆಂಟ್ ಮೀಸೆ ಹೊಂದಿದ್ದ ರಣವೀರ್ ಲುಕ್ ಆತನ ಅಭಿಮಾನಿಗಳಿಗೆ ಸಿಕ್ಕಾಪಟ್ಟೆ ಇಷ್ಟವಾಗಿತ್ತು. ಆದರೆ, ಈ ಲುಕ್ ದೀಪಿಕಾಗೆ ಮಾತ್ರ ಹಿಡಿಸಿರಲಿಲ್ಲವಂತೆ. ಅದಕ್ಕಾಗಿ ಅವನ ಮೀಸೆಗೆ ಸ್ವತಃ ದೀಪಿಕಾನೇ ಕತ್ತರಿ ಹಾಕಿದ್ದರು. ಈ ಹಳೆ ವಿಡಿಯೋ ಈಗ ಮತ್ತೊಮ್ಮೆ ಸಿಕ್ಕಾಪಟ್ಟೆ ವೈರಲ್ ಆಗಿದೆ.
ಮದುವೆಯಾಗುತ್ತಿದ್ದಂತೆ ಹುಡುಗಿಯರು ಗಂಡನಿಗೆ ಹೇಗೆ ತಮ್ಮ ವರಸೆ ತೋರಿಸುತ್ತಾರೆ ಎಂಬ ಹೆಸರಿನಲ್ಲಿ ಈ ವಿಡಿಯೋ ಮತ್ತೆ ಜನಪ್ರಿಯವಾಗುತ್ತಿದೆ. ಮಹಿಳೆಯರು ಮದುವೆಯಾದ ಬಳಿಕ ಗಂಡ ಹೀಗೆ ಇರಬೇಕು. ಅವರ ಇಷ್ಟ-ಕಷ್ಟ ಇದೆ ಆಗಬೇಕು ಎಂದು ಬಯಸುತ್ತಾರೆ ಎಂಬುದಕ್ಕೆ ಈ ವಿಡಿಯೋ ಸಾಕ್ಷಿ ಎಂದು ಜನರು ಟ್ರೋಲ್ ಮಾಡುತ್ತಿದ್ದಾರೆ.
ಈ ಹಿಂದೆ ಈ ಸ್ಟೈಲ್ ಇಷ್ಟವಾಗಿಲ್ಲ ಎಂದು ರಣವೀರ್ ಸಿಂಗ್ ಮೀಸೆಗೆ ದೀಪಿಕಾ ಕತ್ತರಿ ಹಾಕಿದ್ದರು. ವಿಪರ್ಯಾಸ ಎನ್ನುವಂತೆ ದೀಪಿಕಾ ಜೊತೆ ಸಪ್ತಪದಿ ತುಳಿಯುವಾಗ ರಣಬೀರ್ ತಮ್ಮ ಅದೇ ಹಳೆ ಸ್ಟೈಲ್ನಲ್ಲಿ ರಾಜರಂತೆ ಚಿಗುರು ಮೀಸೆ ಬಿಟ್ಟಿದ್ದಾರೆ.
Comments are closed.