ಬೆಂಗಳೂರು: ನಟ ಸುದೀಪ್ ಶೂಟಿಂಗ್ ನಡುವೆ ಎಷ್ಟೇ ಬಿಜಿಯಿದ್ದರೂ, ಕುಟುಂಬಕ್ಕೆ ಪ್ರಾಮುಖ್ಯತೆ ನೀಡುವುದನ್ನು ಮರೆಯುವುದಿಲ್ಲ. ಕೆಲಸದ ನಡುವೆಯೂ ಕುಟುಂಬದವರಿಗೋಸ್ಕರ ಒಂದಷ್ಟು ಸಮಯ ತೆಗೆದಿಡುತ್ತಾರೆ. ಅದೇ ರೀತಿ ಇತ್ತೀಚೆಗೆ ಸಹೋದರಿ ಸುಜಾತಾ ಸಂಜೀವ್ ಪುತ್ರಿ ಶ್ರೇಯಾ ಹುಟ್ಟುಹಬ್ಬಕ್ಕೆ ಸುದೀಪ್ ಜೀಪ್ ಕಂಪಾಸ್ ಎಸ್ಯುುವಿ ಅನ್ನು ಉಡುಗೊರೆ ನೀಡಿದ್ದಾರೆ.
ಇತ್ತೀಚೆಗೆ ಯಶವಂತಪುರದಲ್ಲಿ ಕೆಎಚ್ಟಿ ಜೀಪ್ ಡೀಲರ್ಶಿಪ್ ಶೋ ರೂಂಗೆ ಭೇಟಿ ನೀಡಿದ ಅವರು, ಜೀಪ್ ಎಸ್ಯುುವಿ ಖರೀದಿಸಿ ಉಡುಗೊರೆ ನೀಡಿದ್ದಾರೆ. ಈ ವೇಳೆ ಮಾತನಾಡಿದ ಸುದೀಪ್, ‘ಶ್ರೇಯಾ ಜೀಪ್ ಕಂಪಾಸ್ ಇಷ್ಟಪಟ್ಟಳು. ಹಾಗಾಗಿ ಅವಳ ಹುಟ್ಟುಹಬ್ಬಕ್ಕೆ ಅದನ್ನು ಉಡುಗೊರೆಯಾಗಿ ನೀಡಿದೆ. ಕಾರು ಖರೀದಿಸಿ ಸ್ವಲ್ಪ ದಿನ ಬಳಿಸಿದ ಮೇಲೆ ಬೇಸರ ಬಂದು ಬಿಡುತ್ತದೆ. ಆದರೆ, ನಾನು ಇದನ್ನು ಚಲಾಯಿಸಿದ್ದೇನೆ. ನನಗೂ ಇಷ್ಟವಾಗಿದೆ. ಈ ಎಸ್ಯುುವಿ ಮೇಲೆ ಬೇಸರ ಮೂಡುವುದಿಲ್ಲ ಎಂಬುದು ನನ್ನ ಭಾವನೆ’ ಎಂದು ಅಭಿಪ್ರಾಯ ಹಂಚಿಕೊಂಡರು. ಇನ್ನು ಮಾವನಿಂದ ಉಡುಗೊರೆ ಪಡೆದ ಶ್ರೇಯಾ ಸಂತಸಪಟ್ಟರು.
Comments are closed.