ನಟಿ ನಿಖಿತಾ ತುಕ್ರಲ್ ತನ್ನ ಮುದ್ದಾದ ಮಗುವಿನ ಫೋಟೋವನ್ನು ಸಾಮಾಜಿಕ ಮಾಧ್ಯಮಗಳಲ್ಲಿ ಹಂಚಿಕೊಂಡಿದ್ದಾರೆ. ತನ್ನ ಮಗಳಿಗೆ ಜಸ್ಮಿರಾ ಎಂದು ಹೆಸರಿಟ್ಟಿದ್ದು ಈಗ ಆರು ತಿಂಗಳು. 2016ರಲ್ಲಿ ದಾಂಪತ್ಯಕ್ಕೆ ಅಡಿಯಿಟ್ಟ ಬಳಿಕ ಅವರು ಚಿತ್ರವೊಂದನ್ನು ಒಪ್ಪಿಕೊಂಡಿದ್ದರು.
ಅನಿರುದ್ಧ್ ನಾಯಕ ನಟನಾಗಿ ಅಭಿನಯಿಸಿರುವ ‘ರಾಜಸಿಂಹ’ ಚಿತ್ರದಲ್ಲಿ ಬಣ್ಣಹಚ್ಚಿದ್ದರು. ‘ಆ ಚಿತ್ರದ ಕೊನೆಯ ಹಾಡು ಚಿತ್ರೀಕರಿಸಬೇಕಾದರೆ ತಾನಾಗ ಏಳು ತಿಂಗಳ ಗರ್ಭಿಣಿ. ಚಿತ್ರತಂಡಕ್ಕೆ ನನ್ನ ಪರಿಸ್ಥಿತಿ ಗೊತ್ತಿತ್ತು. ಹಾಗಾಗಿ ಅವರು ಅರ್ಥ ಮಾಡಿಕೊಂಡು ನನ್ನ ಬಗ್ಗೆ ತುಂಬಾ ಕಾಳಜಿ ವಹಿಸಿದರು. ಆ ಹಾಡಿನಲ್ಲಿ ನನ್ನನ್ನು ಹೆಚ್ಚಿಗೆ ತೋರಿಸದಂತೆ ಮಾಡಿದ್ದೇ ಅವರು ನನಗೆ ಮಾಡಿದ ಮಹದುಪಕಾರ’ ಎಂದಿದ್ದಾರೆ.
‘ನನ್ನ ಮಗಳಿಗೆ ಜಸ್ಮಿರಾ ಎಂದು ಹೆಸರಿಟ್ಟಿದ್ದೇವೆ. ಮಗಳಿಗೆ ಈಗ ಆರು ತಿಂಗಳು. ಮಗುವನ್ನು ಈಗ ಸುತ್ತಾಡಿಸುತ್ತಿದ್ದೇನೆ. ಇದೇ ಸೂಕ್ತ ಸಮಯ ಎಂದುಕೊಂಡು ಮಗುವನ್ನು ಎಲ್ಲರಿಗೂ ಪರಿಚಯಿಸುತ್ತಿದ್ದೇನೆ’ ಎಂದು ಹೇಳಿದ್ದಾರೆ ನಿಖಿತಾ ತುಕ್ರಲ್.
ರಾಜಸಿಂಹ ಚಿತ್ರದ ಬಳಿಕ ನಿಖಿತಾ ತುಕ್ರಲ್ ಯಾವುದೇ ಸಿನಿಮಾ ಒಪ್ಪಿಕೊಂಡಿಲ್ಲ. ಮದುವೆಯ ನಂತರ ಒಪ್ಪಿಕೊಂಡಿದ್ದ ಮೊದಲ ಚಿತ್ರ ಇದಾಗಿತ್ತು. ಚಿತ್ರದಲ್ಲಿ ಸಿಕ್ಕಪಾಟ್ಟೆ ಗ್ಲಾಮರಸ್ ಆಗಿ ಕಾಣಿಸಿಕೊಂಡಿದ್ದರು ನಿಖಿತಾ.
Comments are closed.