ಮುಂಬೈ: ತನ್ನ ಒಂದು ಕಣ್ಣೋಟದಿಂದಲೇ ರಾತ್ರೋರಾತ್ರಿ ಇಂಟರ್ನೆಟ್ನಲ್ಲಿ ಸ್ಟಾರ್ ಆದ ಮಲಯಾಳಂ ನಟಿ ಪ್ರಿಯಾ ಪ್ರಕಾಶ್ ವಾರಿಯರ್ಗೆ ಬಾಲಿವುಡ್ನಿಂದ ಅವಕಾಶಗಳ ಸುರಿಮಳೆಯಾಗುತ್ತಿದ್ದು, ಇನ್ನು ಕೆಲವೇ ದಿನಗಳಲ್ಲಿ ಬಾಲಿವುಡ್ ಅಂಗಳಕ್ಕೆ ಈ ಚೆಲುವು ಕಾಲಿಡುವ ಸಾಧ್ಯತೆ ಇದೆ ಎಂದು ತಿಳಿದು ಬಂದಿದೆ.
ಪ್ರಿಯಾ ನ್ಯಾಷನಲ್ ಕ್ರಷ್ ಆಗಿ ಬದಲಾಗುತ್ತಿದ್ದಂತೆ ಬಾಲಿವುಡ್ನ ಕೆಲವು ಚಿತ್ರ ನಿರ್ಮಾಪಕರು ಮತ್ತು ನಿರ್ದೇಶಕರು ಆಕೆಯನ್ನು ಸಂಪರ್ಕಿಸಿದ್ದಾರೆ. ಇನ್ನು ಕೆಲವರು ಪ್ರಿಯಾಗೆ ಒಂದು ಚಾನ್ಸ್ ನೀಡಲು ಯೋಚಿಸುತ್ತಿದ್ದಾರೆ ಎಂದು ಬಾಲಿವುಡ್ ಅಂಗಳದಿಂದ ಸುದ್ದಿ ಬಂದಿದೆ.
ಪ್ರಿಯಾ ಇಂಟರ್ನೆಟ್ನಲ್ಲಿ ಸಾಕಷ್ಟು ಸುದ್ದಿ ಮಾಡುತ್ತಿದ್ದಾರೆ. ಎಲ್ಲರೂ ಆಕೆಗೆ ತಮ್ಮ ಚಿತ್ರದಲ್ಲಿ ಚಾನ್ಸ್ ನೀಡಲು ಬಯಸುತ್ತಿದ್ದಾರೆ. ಜತೆಗೆ ಪ್ರಿಯಾ ಹಿಂದಿಯನ್ನು ಚೆನ್ನಾಗಿ ಮಾತನಾಡುತ್ತಾರೆ. ಹಾಗಾಗಿ ಕೆಲವರು ಪ್ರಿಯಾ ಜತೆಗೆ ಈಗಾಗಲೇ ಮಾತುಕತೆ ನಡೆಸುತ್ತಿದ್ದಾರೆ ಎಂದು ಮೂಲಗಳು ತಿಳಿಸಿವೆ.
‘ಒರು ಅಡಾರ್ ಲವ್’ ಚಿತ್ರದ ‘ಮಾಣಿಕ್ಯ ಮಲರಾಯ ಪೂವಿ..’ ಹಾಡಿನ ಮೂಲಕ ಪ್ರಿಯಾ ದೇಶದ ಯುವಕರ ಮನಗೆದ್ದಿದ್ದಾರೆ. ಜತೆಗೆ ಕೆಲವೇ ದಿನಗಳಲ್ಲಿ ಇನ್ಸ್ಟಾಗ್ರಾಮ್ನಲ್ಲಿ ಈಕೆಯ ಫಾಲೋವರ್ಗಳ ಸಂಖ್ಯೆ 29 ಲಕ್ಷಕ್ಕೆ ಏರಿಕೆಯಾಗಿದೆ.
Comments are closed.