ಜೈಪುರ/ಚಿತ್ತೋರ್ಗಡ: ವಿವಾದಾತ್ಮಕ ಬಾಲಿವುಡ್ ಚಿತ್ರ‘ಪದ್ಮಾವತ್’ವಿರುದ್ಧ ಸೇಡು ತೀರಿಸಿಕೊಳ್ಳಲು ಮುಂದಾಗಿರುವ ಶ್ರೀ ರಜಪೂತ್ ಕರ್ಣಿ ಸೇನೆ, ಪದ್ಮಾವತ್ ಚಿತ್ರದ ನಿರ್ದೇಶಕ ಸಂಜಯ್ ಲೀಲಾ ಭನ್ಸಾಲಿ ಅವರ ತಾಯಿ ಮೇಲೆ ಸಿನಿಮಾ ಮಾಡುವುದಾಗಿ ಶುಕ್ರವಾರ ಘೋಷಿಸಿದೆ.
ಶೀಘ್ರದಲ್ಲೇ ಸಂಜಯ್ ಲೀಲಾ ಭನ್ಸಾಲಿ ಅವರ ತಾಯಿ ಕುರಿತG ‘ಲೀಲಾ ಕಿ ಲೀಲಾ’ ಎಂಬ ಹೆಸರಿನಲ್ಲಿ ಚಿತ್ರ ನಿರ್ಮಾಣ ಮಾಡುವುದಾಗಿ ಚಿತ್ತೋರ್ಗಡದ ಕರ್ಣಿ ಸೇನೆ ಜಿಲ್ಲಾಧ್ಯಕ್ಷ ಗೋವಿಂದ್ ಸಿಂಗ್ ಕಾಂಗ್ರೋಟ್ಪತ್ರಿಕಾಗೋಷ್ಠಿಯಲ್ಲಿ ಪ್ರಕಟಿಸಿದ್ದಾರೆ.
ಬನ್ಸಾಲಿ ಅವರ ತಾಯಿ ಲೀಲಾ ಅವರ ಕುರಿತಾದ ಸಿನಿಮಾಕ್ಕೆ ‘ಲೀಲಾ ಕಿ ಲೀಲಾ’ ಎಂದು ಶೀರ್ಷಿಕೆ ನೀಡಲಾಗಿದೆ. ಅರವಿಂದ್ ವ್ಯಾಸ್ ಸಿನಿಮಾದ ನಿರ್ದೇಶಕರಾಗಿದ್ದು, ಚಿತ್ರಕ್ಕಾಗಿ ಚಿತ್ರಕಥೆ ಸಿದ್ಧಗೊಳ್ಳುತ್ತಿದೆ ಎಂದು ಹೇಳಿದ್ದಾರೆ.
ಇನ್ನು 15 ದಿನಗಳಲ್ಲಿ ಚಿತ್ರದ ಮುಹೂರ್ತ ಕಾರ್ಯಕ್ರಮ ನಡೆಯಲಿದ್ದು, ಈ ವರ್ಷದೊಳಗೆ ಸಿನಿಮಾ ತೆರೆ ಕಾಣಲಿದೆ.
ಸಿನಿಮಾದ ಚಿತ್ರೀಕರಣವನ್ನು ರಾಜಸ್ತಾನ್ನಲ್ಲೇ ನಡೆಯಲಿದೆ. ನಮ್ಮ ತಾಯಿ ಪದ್ಮಾವತಿಯನ್ನು ಭನ್ಸಾಲಿ ಅವಮಾನ ಮಾಡಿದ್ದಾರೆ. ಆದರೆ ಭನ್ಸಾಲಿ ಹೆಮ್ಮೆ ಪಡುವಂತಹ ಸಿನಿಮಾವನ್ನು ನಾವು ಮಾಡುತ್ತೇವೆ ಎಂದು ಕರ್ಣಿ ಸೇನೆ ನಾಯಕ ತಿಳಿಸಿದ್ದಾರೆ.
Comments are closed.