ವಿಭಿನ್ನ ಚಿತ್ರಕಥೆಯ ಮೂಲಕ ಕನ್ನಡ ಸಿನಿ ಪ್ರೇಕ್ಷಕರ ಮನಗೆದ್ದ ಚಿತ್ರ ‘ಉಳಿದವರು ಕಂಡಂತೆ’. ರಕ್ಷಿತ್‌ ಶೆಟ್ಟಿ ನಿರ್ದೇಶನದ ಚೊಚ್ಚಲ ಚಿತ್ರ ಇದೀಗ ತಮಿಳಿನಲ್ಲೂ ಕಮಾಲ್‌ ಮಾಡಲು ಸಿದ್ಧವಾಗಿದೆ.
ಹೌದು, ನಮ್ಮ ಉಳಿದವರು ಕಂಡಂತೆ ಚಿತ್ರ ತಮಿಳಿನಲ್ಲಿ ‘ರಿಚ್ಚಿ’ ಆಗಿದೆ. ಮಲಯಾಳಂ ಹಾಗೂ ತಮಿಳು ಚಿತ್ರರಂಗದಲ್ಲಿ ಖ್ಯಾತಿ ಪಡೆದಿರುವ ನಿವೀನ್‌ ಪೌಲಿ ‘ರಿಚ್ಚಿ’ ಚಿತ್ರದ ನಾಯಕನಾಗಿ ಕಾಣಿಸಿಕೊಂಡಿದ್ದಾರೆ. ಮತ್ತೊಂದು ವಿಶೇಷ ಎಂದರೆ ‘ಉಳಿದವರು ಕಂಡಂತೆ’ ಚಿತ್ರದಲ್ಲಿ ಶೀತಲ್‌ ಶೆಟ್ಟಿ ನಿಭಾಯಿಸಿದ ಪಾತ್ರವನ್ನು ತಮಿಳಿನಲ್ಲಿ ಕನ್ನಡದ ಯೂಟರ್ನ್‌ ಬೆಡಗಿ ಶ್ರದ್ಧಾ ಶ್ರೀನಾಥ್‌ ನಿಭಾಯಿಸಿದ್ದಾರೆ. ಒಬ್ಬ ಪತ್ರಕರ್ತೆಯಾಗಿ ಶ್ರದ್ಧಾ ಸಖತ್ತಾಗಿ ಮಿಂಚಿದ್ದಾರೆ.
ಸದ್ಯಕ್ಕೆ ‘ರಿಚ್ಚಿ’ ಚಿತ್ರದ ಟ್ರೇಲರ್‌ ಬಿಡುಗಡೆಯಾಗಿದ್ದು, ಯುಟ್ಯೂಬ್‌ನಲ್ಲಿ 10 ಲಕ್ಷಕ್ಕೂ ಹೆಚ್ಚು ಹಿಟ್ಸ್‌ ಪಡೆದುಕೊಂಡಿದೆ. ‘ರಿಚ್ಚಿ’ ಚಿತ್ರಕ್ಕೆ ಗೌತಮ್‌ ರಾಮಚಂದ್ರನ್‌ ಆ್ಯಕ್ಷನ್‌ ಕಟ್‌ ಹೇಳಿದ್ದಾರೆ. ಚಿತ್ರದ ಟ್ರೇಲರ್‌ನಲ್ಲಿ ಟೈಗರ್‌ ಡ್ಯಾನ್ಸ್ ಸಖತ್ತಾಗಿ ಮೂಡಿಬಂದಿರುವುದು ಕುತೂಹಲಕ್ಕೆ ಕಾರಣವಾಗಿದೆ.
Comments are closed.