ಬುಧವಾರದಂದು ಕಿಚ್ಚ ಸುದೀಪ್‌ ಮನೆಯಲ್ಲಿ ಡಬಲ್‌ ಖುಷಿ. ಸಂಭ್ರಮದ ದೀಪಾವಳಿ ಒಂದೆಡೆಯಾದರೆ ಇನ್ನೊಂದೆಡೆ ತಮ್ಮ 16ನೇ ವಿವಾಹ ವಾರ್ಷಿಕೋತ್ಸವದ ಸಂತಸ.
ಹೌದು, ಅಕ್ಟೋಬರ್‌ 18ರಂದು ಕಿಚ್ಚ ಸುದೀಪ್‌-ಪ್ರಿಯಾ ದಾಂಪತ್ಯ ಜೀವನಕ್ಕೆ ಕಾಲಿಟ್ಟು ಬರೋಬ್ಬರಿ 16 ವರ್ಷ ಆಗಿದೆ. ಕೆಲ ಕಾಲ ಇವರಿಬ್ಬರ ದಾಂಪತ್ಯದ ಮಧ್ಯೆ ಬಿರುಕು ಉಂಟಾಗಿದ್ದು ನಿಮಗೆಲ್ಲ ಗೊತ್ತೇ ಇದೆ. ತದನಂತರ ಎಲ್ಲ ವಿಷಮಗಳು ಮರೆಯಾಗಿ, ಈ ಮುದ್ದು ದಂಪತಿಯ ಜೀವನದಲ್ಲಿ ಮತ್ತೊಮ್ಮೆ ಮಧುರ ರಾಗ ಮೂಡಿತು.
ನವರಸನಾಯಕ ಜಗ್ಗೇಶ್ ✔@Jaggesh2
ಮನೆಯೇ ಮಂತ್ರಾಲಯ..ಮನೆಯೊಡತಿಯೇ ಆಲಯದಕಳಶ..ಮಕ್ಕಳೆ ದೇವರವರ..ನೂರ್ಕಾಲ ಸುಖವಾಗಿ ಬಾಳಿ..ಯಾರಕಣ್ಣು ನಿಮಗೆ ತಾಕದಿರಲಿ..happy marrage aniversary ಸಹೋದರ:)
ತಮ್ಮ ವಿವಾಹ ವಾರ್ಷಿಕೋತ್ಸವದ ಸುಂದರ ಗಳಿಗೆಯನ್ನು ಕಿಚ್ಚ ಸುದೀಪ್‌ ಟ್ವಿಟರ್‌ನಲ್ಲಿ ಹಂಚಿಕೊಂಡಿದ್ದಾರೆ. ಇನ್ನು ಸುದೀಪ್‌ ದಂಪತಿಗೆ ಸ್ಯಾಂಡಲ್‌ವುಡ್‌ ಸೆಲೆಬ್ರಿಟಿಗಳು ಶುಭಾಶಯ ಕೋರಿದ್ದಾರೆ. ನವರಸನಾಯಕ ಜಗ್ಗೇಶ್, ಸುಮಲತಾ ಅಂಬರೀಶ್‌, ಸತೀಶ್‌ ನಿನಾಸಂ, ನಿರ್ದೇಶಕ ಪ್ರೇಮ್‌ ಸೇರಿದಂತೆ ಹಲವರ ಶುಭಾಶಯ ಸುದೀಪ್‌-ಪ್ರಿಯಾ ಸಂತಸವನ್ನು ಇಮ್ಮಡಿಗೊಳಿಸಿದ್ದು ಸುಳ್ಳಲ್ಲ. ಮತ್ತೊಂದು ವಿಶೇಷತೆ ಎಂದರೆ ಬಾಲಿವುಡ್‌ ನಟ ರಿತೇಶ್‌ ದೇಶಮುಖ್‌ ಸಹ ಹ್ಯಾಪಿ ವೆಡ್ಡಿಂಗ್‌ ಆ್ಯನಿವರ್ಸರಿ ಹೇಳಿದ್ದಾರೆ.
ಅದೇ ರೀತಿ ಕಿಚ್ಚ ಸುದೀಪ್‌ ಅಭಿಮಾನಿಗಳು ಸಹ ತಮ್ಮ ನೆಚ್ಚಿನ ನಟನಿಗೆ ಶುಭಾಶಯ ಕೋರಿದ್ದಾರೆ. ಶುಭಾಶಯ ಕೋರಿದ ಎಲ್ಲರಿಗೂ ಅಭಿನಯ ಚಕ್ರವರ್ತಿ ಧನ್ಯವಾದ ತಿಳಿಸಿದ್ದಾರೆ. ಸದ್ಯಕ್ಕೆ ಸುದೀಪ್‌ ಅತಿಥಿ ಪಾತ್ರದಲ್ಲಿ ಕಾಣಿಸಿಕೊಂಡಿರುವ ‘ರಾಜು ಕನ್ನಡ ಮೀಡಿಯಂ’ ಚಿತ್ರದ ಟ್ರೇಲರ್‌ ಸಖತ್‌ ವೈರಲ್‌ ಆಗುತ್ತಿದೆ.
Comments are closed.