ಫೋನ್ ಸೆಕ್ಸ್ ಮಾಡಿದ್ದೇನೆ: ಪ್ರಿಯಾಂಕಾ ಚೋಪ್ರಾ

ಗ್ಲೋಬಲ್ ಸ್ಟಾರ್ ಪ್ರಿಯಾಂಕಾ ಚೋಪ್ರಾ ಸದ್ಯಕ್ಕೆ ಅಮೆರಿಕ ಟಿವಿ ಸೀರೀಸ್ ಕ್ಯಾಂಟಿಕೋ ಶೂಟಿಂಗ್‍ನಲ್ಲಿ ಬಿಜಿಯಾಗಿದ್ದಾರೆ. ನಟಿಯಾಗಿ ಸಕ್ಸಸ್ ಪಡೆದ ಪಿಗ್ಗಿ ನಿರ್ಮಾಪಕಿಯಾಗಿ ಅದೃಷ್ಟ ಪರೀಕ್ಷಿಸಿಕೊಂಡಿದ್ದಾರೆ. ಸ್ವಂತ ನಿರ್ಮಾಣ ಸಂಸ್ಥೆ ಸ್ಥಾಪಿಸಿ ವೆಂಟಿಲೇಟರ್ ಎಂಬ ಮಾರಾಠಿ ಚಿತ್ರವನ್ನು ನಿರ್ಮಿಸಿದ್ದಾರೆ.

ಇತ್ತೀಚೆಗೆ ಬಿಡುಗಡೆಯಾದ ಈ ಚಿತ್ರ ಬಾಕ್ಸ್ ಆಫೀಸಲ್ಲಿ ಒಳ್ಳೆಯ ಕಲೆಕ್ಷನ್ ಸಹ ಮಾಡಿದೆ. ಸದ್ಯಕ್ಕೆ ಹಾಲಿವುಡ್‌ನಲ್ಲಿ ಬಿಜಿಯಾಗಿರುವ ಪಿಗ್ಗಿ ಬಾಲಿವುಡ್‌ಗೆ ಪ್ರಚಾರಕ್ಕಾಗಿ ಆಗಮಿಸುತ್ತಿದ್ದಾರೆ. ಉಳಿದಂತೆ ನ್ಯೂಯಾರ್ಕ್‌ನಲ್ಲೇ ಉಳಿದುಕೊಂಡಿದ್ದಾರೆ. ಇತ್ತೀಚೆಗೆ ಕಾಫಿ ವಿತ್ ಕರಣ್ ಕಾರ್ಯಕ್ರಮದಲ್ಲಿ ಪಾಲ್ಗೊಂಡಿದ್ದರು ಪಿಗ್ಗಿ.

ಈ ಕಾರ್ಯಕ್ರಮದಲ್ಲಿ ಕೆಲವೊಂದು ಕುತೂಹಲಕರವಾದ ಸಂಗತಿಗಳನ್ನು ಹೊರಗೆ ಹಾಕಿದ್ದಾರೆ ಪ್ರಿಯಾಂಕಾ. ತಾನು ಫೋನ್ ಸೆಕ್ಸ್ ಮಾಡುತ್ತಿದೆ ಎಂದಿದ್ದಾರೆ. ಅಂದರೆ ಫೋನ್ ಸಂಭಾಷಣೆ ಮೂಲಕ ಶೃಂಗಾರದಲ್ಲಿ ತೊಡಗುವುದು. ಯುವಕರಲ್ಲಿ ಜನಪ್ರಿಯವಾದ ಈ ರೀತಿಯ ಸೆಕ್ಸ್ ತನಗೆ ಅಭ್ಯಾಸ ಇದೆ ಎಂದೂ. ತನ್ನ ಮಾಜಿ ಗೆಳೆಯ ಚುಂಬಿಸಿದ ಸಂದರ್ಭ, ತನ್ನ ಪಾರ್ಟನರ್ ಜತೆಗೆ ಸ್ನಾನ ಮಾಡಿದ್ದನ್ನು ಹೇಳಿಕೊಂಡಿದ್ದಾರೆ ಪ್ರಿಯಾಂಕಾ.

“ನೀನು ಯಾವತ್ತಾದರೂ ಫೋನ್ ಸೆಕ್ಸ್ ಮಾಡಿದ್ದೀಯಾ?” ಎಂದು ಕೇಳಿದ್ದಕ್ಕೆ ಕರಣ್ ಜೋಹಾರ್. ಕೂಡಲೆ ಏನೊಂದು ಆಲೋಚಿಸದೆ ಕಾಫಿ ಹೀರಿದ್ದಾರೆ ಪ್ರಿಯಾಂಕಾ. ಈ ಕಾರ್ಯಕ್ರಮ ನಮ್ಮ ತಾಯಿ ನೋಡದೆ ಇದ್ದರೆ ಒಳ್ಳೆಯದು ಎಂದಿರುವ ಅವರು, ತಮ್ಮ ಖಾಸಗಿ ವಿಚಾರಗಳನ್ನು ಸಾಕಷ್ಟು ಹಂಚಿಕೊಂಡಿದ್ದಾರೆ.