ಡಬ್ಬಾ ಸಿನಿಮಾ ಮಾಡಿದ ನಿರ್ಮಾಪಕ ಡಬ್ಬಾನೆ: ನಟಿ ಸಂಜನಾ

ಬೆಂಗಳೂರು: ನಿರ್ಮಾಪಕರು ಡಬ್ಬಾ ಸಿನಿಮಾ ಮಾಡಿದರೆ ಡಬ್ಬಾನೆ ಆಗ್ತಾರೆ ಎಂಬ ಹೇಳಿಕೆ ನೀಡಿದ್ದ ನಟಿ ಸಂಜನಾ ವಿರುದ್ಧ ನಿರ್ಮಾಪಕರು ವಾಣಿಜ್ಯ ಮಂಡಳಿಗೆ ದೂರು ನೀಡಿದ್ದಾರೆ.
ಖಾಸಗಿ ಚಾನೆಲ್ ಸುವರ್ಣನ್ಯೂಸ್ ನಲ್ಲಿ ಬಿಗ್ ಬಾಸ್ ಕಾರ್ಯಕ್ರಮ ವೇಳೆ ಮಾತನಾಡುವ ಭರಾಟೆಯಲ್ಲಿ ಕೆಲವು ನಿರ್ದೇಶಕರು, ನಿರ್ಮಾಪಕರು ಡಬ್ಬ ಸಿನಿಮಾ ಮಾಡ್ತಾರೆ ಎಂದು ಹೇಳಿದ್ದರು. ಇದರ ವಿರುದ್ಧ ಆಕ್ರೋಶಗೊಂಡಿರುವ ನಿರ್ಮಾಪಕರು ಸಂಜನಾ ವಿರುದ್ಧ ವಾಣಿಜ್ಯ ಮಂಡಳಿ ಅಧ್ಯಕ್ಷ ಸಾ.ರಾ. ಗೋವಿಂದು ಅವರಿಗೆ ದೂರು ನೀಡಿದ್ದಾರೆ.
ಇಂತಹ ಹೇಳಿಕೆ ನೀಡುವ ಮೂಲಕ ಸಂಜನ ಅವರು ನಿರ್ಮಾಪಕರಿಗೆ ಅಗೌರವ ತೋರಿದ್ದಾರೆ. ನಮಗೆ ಡಬ್ಬಾ ಸಿನಿಮಾ ಒಳ್ಳೆಯ ಸಿನಿಮಾ ಹೇಗೆ ಮಾಡಬೇಕೆಂದು ಪಾಠ ಮಾಡಲು ಹೇಳುವಂತೆ ನಿರ್ಮಾಪಕರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ನಿರ್ಮಾಪಕ ಟೇಶಿ ವೆಂಕಟೇಶ್ ವಾಣಿಜ್ಯ ಮಂಡಳಿಗೆ ದೂರು ನೀಡಿದ್ದಾರೆ.