ಬೆಂಗಳೂರು: ಆಲ್‌ರೌಂಡರ್ ಸ್ಟುವರ್ಟ್ ಬಿನ್ನಿ ಮತ್ತು ವೇಗದ ಬೌಲರ್ ಅಭಿಮನ್ಯು ಮಿಥುನ್, ಕರ್ನಾಟಕ ಪ್ರೀಮಿಯರ್ ಲೀಗ್ (ಕೆಪಿಎಲ್)ನ 4ನೇ ಆವೃತ್ತಿಗೆ ಶನಿವಾರ ನಡೆದ ಆಟಗಾರರ ಹರಾಜಿನಲ್ಲಿ ಅತ್ಯಧಿಕ ಮೊತ್ತಕ್ಕೆ ಮಾರಾಟವಾದರು.
ಕೆಪಿಎಲ್‌ನಲ್ಲಿ ಆಡಲಿರುವ ಹೊಸ ತಂಡವಾದ ನಮ್ಮ ಶಿವಮೊಗ್ಗ ಬಿನ್ನಿಯವರನ್ನು 5.50 ಲಕ್ಷ ರೂ. ಮೊತಕ್ಕೆ ಖರೀದಿಸಿದರೆ, ಎರಡನೇ ಅತೀ ಹೆಚ್ಚು ಮೊತ್ತ ಪಡೆದ ಮಿಥುನ್, 5.10 ಲಕ್ಷ ರೂ.ಗೆ ಬಿಜಾಪುರ ಬುಲ್ಸ್ ಪಾಲಾದರು. ಭಾರೀ ಕುತೂಹಲ ಮೂಡಿಸಿದ್ದ ಸ್ಫೋಟಕ ಬ್ಯಾಟ್ಸ್‌ಮನ್ ರಾಬಿನ್ ಉತ್ತಪ್ಪ, 3.40 ಲಕ್ಷಕ್ಕೆ ಬಿಜಾಪುರ ಬುಲ್ಸ್ ಪಾಲಾಗುವ ಮೂಲಕ ನಿರೀಕ್ಷೆಗಿಂತ ಕಡಿಮೆ ಮೊತ್ತಕ್ಕೆ ಮಾರಾಟವಾದರು. ಪೂಲ್ ‘ಬಿ’ನಲ್ಲಿ 10 ಸಾವಿರ ಮೂಲಬೆಲೆ ಹೊಂದಿದ್ದ ಬಲಗೈ ಬ್ಯಾಟ್ಸ್‌ಮನ್ ಎಂ.ನಿಧೀಶ್, ತೀವ್ರ ಪೈಪೋಟಿಯ ಮಧ್ಯೆ 3.15 ಲಕ್ಷಕ್ಕೆ ಬುಲ್ಸ್‌ಗೆ ಮಾರಾಟವಾಗಿದ್ದು ವಿಶೇಷವಾಗಿತ್ತು.
ರಣಜಿ ಚಾಂಪಿಯನ್ನರಿಗೆ ಬೇಡಿಕೆ ರಣಜಿ ಚಾಂಪಿಯ್ ಕರ್ನಾಟಕ ತಂಡದ ಪರ ಆಡುವ ಆಟಗಾರರಿಗೆ ಹರಾಜಿನಲ್ಲಿ ಇನ್ನಿಲ್ಲದ ಬೇಡಿಕೆ ಕಂಡು ಬಂದಿತ್ತು. ಸಿ.ಎಂ.ಗೌತಮ್, ಮಯಾಂಕ್ ಅಗರ್ವಾಲ್, ಶ್ರೇಯಸ್ ಗೋಪಾಲ್ ಮೂರು ಲಕ್ಷಕ್ಕೂ ಹೆಚ್ಚಿನ ಮೊತ್ತ ಪಡೆದರೆ, ಕಳೆದ ಆವೃತ್ತಿಯ ಸರಣಿಶ್ರೇಷ್ಠ ಆಟಗಾರ ಶಿಶಿರ್ ಭವಾನೆ ಎರಡೂವರೆ ಲಕ್ಷಕ್ಕೆ ಮಂಗಳೂರು ಯುನೈಟೆಡ್ ತಂಡದ ಪಾಲಾದರು. ಮಂಡ್ಯ ಎಕ್ಸ್‌ಪ್ರೆಸ್ ಎಚ್.ಎಸ್.ಶರತ್ ಹೆಸರು ಪೂಲ್ ಎ ಹರಾಜಿನ ಕೊನೆಯಲ್ಲಿ ಬಂದ ಕಾರಣ ಕೇವಲ 50 ಸಾವಿರ ರೂ.ಗೆ ಬೆಳಗಾವಿ ಪ್ಯಾಂಥರ್ಸ್‌ಗೆ ಮಾರಾಟವಾದರು.
ಪೂಲ್ ಬಿ ಆಟಗಾರರಿಗೂ ಉತ್ತಮ ಬೆಲೆ ಹರಾಜಿನ ವೇಳೆ ಪೂಲ್ ‘ಬಿ’ನಲ್ಲಿದ್ದ ಆಟಗಾರರನ್ನು ಖರೀದಿಸಲು ಫ್ರಾಂಚೈಸಿಗಳ ಮಧ್ಯೆ ಪೈಪೋಟಿ ನಡೆಯಿತು. ಎಂ.ನಿಧೀಶ್ ಈ ವಿಭಾಗದಲ್ಲಿ 3 ಲಕ್ಷದ ಗಡಿದಾಟಿದ ಏಕೈಕ ಆಟಗಾರನಾದರೆ, ಕೆ.ಎನ್.ಭರತ್, ಕೌನೈನ್ ಅಬ್ಬಾಸ್, ಮಂಜೇಶ್ ರೆಡ್ಡಿ, ನವೀನ್ ಎಂ.ಜಿ, ಪ್ರವೀಣ್ ದುಬೆ ಮತ್ತು ಎಸ್.ಪಿ ಮಂಜುನಾಥ್ ಎರಡು ಲಕ್ಷಕ್ಕೂ ಹೆಚ್ಚಿನ ಬೆಲೆಗೆ ಮಾರಾಟವಾದರು.
ಮಾಲೀಕನನ್ನೇ ಖರೀದಿಸಿದ ಟಸ್ಕರ್ಸ್! ಪೂಲ್ ಬಿ ವಿಭಾಗದಲ್ಲಿದ್ದ ಬಳ್ಳಾರಿ ಟಸ್ಕರ್ಸ್ ತಂಡದ ಮಾಲೀಕ ಅರವಿಂದ್ ರೆಡ್ಡಿ, 10 ಸಾವಿರ ರೂಪಾಯಿಗೆ ತಮ್ಮದೇ ತಂಡಕ್ಕೆ ಮಾರಾಟವಾದರು. ಹರಾಜಿನ ವೇಳೆ ಅರವಿಂದ್ ರೆಡ್ಡಿ ಹೆಸರು ಕೂಗಿದಾಗ ಬಳ್ಳಾರಿ ತಂಡದ ಪ್ರತಿನಿಧಿಗಳು ತಮ್ಮ ಮಾಲೀಕನನ್ನು ಕೆಲವೇ ಕ್ಷಣಗಳಲ್ಲಿ ಖರೀದಿಸಿದರು. ಈ ಸಂದರ್ಭದಲ್ಲಿ ಪಕ್ಕದಲ್ಲಿ ನಮ್ಮ ಶಿವಮೊಗ್ಗ ತಂಡದ ಜತೆ ಕುಳಿತಿದ್ದ ಕಿಚ್ಚ ಸುದೀಪ್, ಬಳ್ಳಾರಿ ಟಸ್ಕರ್ಸ್ ಮಾಲೀಕರನ್ನು ಅಚ್ಚರಿಯಿಂದ ನೋಡಿದರು. ಹರಾಜಿಗೆ ಲಭ್ಯವಿದ್ದ 227 ಆಟಗಾರರ ಪೈಕಿ 110 ಆಟಗಾರರನ್ನಷ್ಟೇ ಏಳು ಫ್ರಾಂಚೈಸಿಗಳು ಖರೀದಿಸಿದವು. ಹರಾಜಿನ ವೇಳೆ ಪ್ರತೀ ಆಟಗಾರರು ಪಡೆದ ಮೊತ್ತದ ಆಧಾರದ ಮೇಲೆ ಶೇಕಡಾ 25ರಷ್ಟು ಹಣವನ್ನು ಆಟಗಾರರಿಗೆ ಕೆಎಸ್‌ಸಿಎ ನೀಡಲಿದೆ ಎಂದು ರಾಜ್ಯ ಕ್ರಿಕೆಟ್ ಸಂಸ್ಥೆಯ ಕಾರ್ಯದರ್ಶಿ ಬ್ರಿಜೇಶ್ ಪಟೇಲ್ ತಿಳಿಸಿದರು.
ಹೆಚ್ಚು ಮೊತ್ತಕ್ಕೆ ಮಾರಾಟವಾದ ಟಾಪ್ 5 ಆಟಗಾರರು 5.50 ಲಕ್ಷ- ಸ್ಟುವರ್ಟ್ ಬಿನ್ನಿ 5.10 ಲಕ್ಷ – ಅಭಿಮನ್ಯು ಮಿಥುನ್ 3.80 ಲಕ್ಷ – ಮಯಾಂಕ್ ಅಗರ್ವಾಲ್ 3.80 ಲಕ್ಷ – ಅಮಿತ್ ವರ್ಮಾ 3.70 ಲಕ್ಷ – ಅನಿರುದ್ಧ ಜೋಶಿ
ಮೈಸೂರು ವಾರಿಯರ್ಸ್ ಒಟ್ಟು ಆಟಗಾರರು- 18 ವಿನಿಯೋಗಿಸಿದ ಮೊತ್ತ- 18,05,000 ಪ್ರಮುಖ ಆಟಗಾರರು ಪೂಲ್-ಎ (ಮೂಲಬೆಲೆ 50,000) ಮನೀಶ್ ಪಾಂಡೆ (ಉಳಿಸಿಕೊಂಡ ಆಟಗಾರ)- 3.10 ಲಕ್ಷ ಜೆ.ಸುಚಿತ್ (ಉಳಿಸಿಕೊಂಡ ಆಟಗಾರ) – 90,000 ಸಿ.ಎಂ.ಗೌತಮ್- 3.20 ಲಕ್ಷ ಕೆ.ಗೌತಮ್- 1.10 ಲಕ್ಷ ಡೇವಿಡ್ ಮಥಾಯಿಸ್- 1.70 ಲಕ್ಷ ಪೂಲ್ ಬಿ (ಮೂಲಬೆಲೆ 10,000) ನವೀನ್ ಎಂ.ಜಿ- 2.35 ಲಕ್ಷ ಮಂಜೇಶ್ ರೆಡ್ಡಿ- 2.20 ಲಕ್ಷ ಶೋಯೆಬ್ ಮ್ಯಾನೇಜರ್- 1.25 ಲಕ್ಷ
ಬೆಳಗಾವಿ ಪ್ಯಾಂಥರ್ಸ್ ಒಟ್ಟು ಆಟಗಾರರು- 18 ವಿನಿಯೋಗಿಸಿದ ಮೊತ್ತ- 20,00,000 ಪ್ರಮುಖ ಆಟಗಾರರು ಪೂಲ್-ಎ (ಮೂಲಬೆಲೆ 50,000) ಆರ್.ವಿನಯ್ ಕುಮಾರ್ (ಉಳಿಸಿಕೊಂಡ ಆಟಗಾರ) 4.60 ಲಕ್ಷ ಅಭಿಷೇಕ್ ರೆಡ್ಡಿ (ಉಳಿಸಿಕೊಂಡ ಆಟಗಾರ) 50,000 ಆರ್.ಜೊನಾಥನ್- 1.20 ಲಕ್ಷ ಮಯಾಂಕ್ ಅಗರ್ವಾಲ್- 3.80 ಲಕ್ಷ ಎಚ್.ಎಸ್.ಶರತ್- 50,000 ಪೂಲ್ ಬಿ (ಮೂಲಬೆಲೆ 10,000) ಕೆ.ಎನ್.ಭರತ್- 2.55 ಲಕ್ಷ ಪ್ರವೀಣ್ ದುಬೆ- 2.60 ಲಕ್ಷ ಸ್ಟಾಲಿನ್ ಹೂವರ್- 1 ಲಕ್ಷ
ಬಿಜಾಪುರ ಬುಲ್ಸ್ ಒಟ್ಟು ಆಟಗಾರರು- 15 ವಿನಿಯೋಗಿಸಿದ ಮೊತ್ತ- 19,95,000 ಪ್ರಮುಖ ಆಟಗಾರರು ಪೂಲ್-ಎ (ಮೂಲಬೆಲೆ 50,000) ಆರ್.ಸಮರ್ಥ್ (ಉಳಿಸಿಕೊಂಡ ಆಟಗಾರ)- 1.30 ಲಕ್ಷ ಕೆ.ಸಿ.ಕಾರಿಯಪ್ಪ (ಉಳಿಸಿಕೊಂಡ ಆಟಗಾರ)- 50,000 ಅಭಿಮನ್ಯು ಮಿಥುನ್ – 5.10 ಲಕ್ಷ ರಾಬಿನ್ ಉತ್ತಪ್ಪ – 3.40 ಲಕ್ಷ ಬಿ.ಅಖಿಲ್ – 1.30 ಲಕ್ಷ ಪೂಲ್ ಬಿ (ಮೂಲಬೆಲೆ 10,000) ನಿಧೀಶ್.ಎಂ – 3.15 ಲಕ್ಷ ವೈಶಾಖ್.ವಿ – 1.65 ಲಕ್ಷ ರಾಜು ಭಟ್ಕಳ್ – 90,000
ಮಂಗಳೂರು ಯುನೈಟೆಡ್ ಒಟ್ಟು ಆಟಗಾರರು- 17 ವಿನಿಯೋಗಿಸಿದ ಮೊತ್ತ- 19,95,000 ಪ್ರಮುಖ ಆಟಗಾರರು ಪೂಲ್-ಎ (ಮೂಲಬೆಲೆ 50,000) ಕರುಣ್ ನಾಯರ್- (ಉಳಿಸಿಕೊಂಡ ಆಟಗಾರ) 4.65 ಲಕ್ಷ ರೋನಿತ್ ಮೋರೆ- (ಉಳಿಸಿಕೊಂಡ ಆಟಗಾರ) 1.90 ಲಕ್ಷ ಶಿಶಿರ್ ಭವಾನೆ- 2.50 ಲಕ್ಷ ಉದಿತ್ ಪಟೇಲ್- 2.40 ಲಕ್ಷ ಕೆ.ಸಿ.ಅವಿನಾಶ್- 50,000 ಪೂಲ್ ಬಿ (ಮೂಲಬೆಲೆ 10,000) ಭರತ್ ಎನ್.ಪಿ- 1.70 ಲಕ್ಷ ರೋಹನ್ ಕದಂ- 1.70 ಲಕ್ಷ ಟಿ.ಪ್ರದೀಪ್- 1.10 ಲಕ್ಷ
ಹುಬ್ಬಳ್ಳಿ ಟೈಗರ್ಸ್ ಒಟ್ಟು ಆಟಗಾರರು- 18 ವಿನಿಯೋಗಿಸಿದ ಮೊತ್ತ- 17,60,000 ಪ್ರಮುಖ ಆಟಗಾರರು ಪೂಲ್-ಎ (ಮೂಲಬೆಲೆ 50,000) ಕೆ.ಎಲ್.ರಾಹುಲ್ – (ಉಳಿಸಿಕೊಂಡ ಆಟಗಾರ) 2 ಲಕ್ಷ ಎಸ್.ಅರವಿಂದ್ – (ಉಳಿಸಿಕೊಂಡ ಆಟಗಾರ) 3 ಲಕ್ಷ ಎಸ್.ಎಲ್. ಅಕ್ಷಯ್ – 1.40 ಲಕ್ಷ ಕ್ರಾಂತಿ ಕುಮಾರ್ – 1.80 ಲಕ್ಷ ಕೆ.ಬಿ.ಪವನ್ – 50,000 ಪೂಲ್ ಬಿ (ಮೂಲಬೆಲೆ 10,000) ಕುನಾಲ್ ಕಪೂರ್ – 1.70 ಲಕ್ಷ (ಮೂಲಬೆಲೆ 25,000) ಪ್ರತೀಕ್ ಜೈನ್ – 1.55 ಲಕ್ಷ ಬಿ.ನವೀನ್ – 1.25 ಲಕ್ಷ
ನಮ್ಮ ಶಿವಮೊಗ್ಗ ಒಟ್ಟು ಆಟಗಾರರು- 18 ವಿನಿಯೋಗಿಸಿದ ಮೊತ್ತ- 19,25,000 ಪ್ರಮುಖ ಆಟಗಾರರು ಪೂಲ್-ಎ (ಮೂಲಬೆಲೆ 50,000) ಸ್ಟುವರ್ಟ್ ಬಿನ್ನಿ – 5.50 ಲಕ್ಷ ಶ್ರೇಯಸ್ ಗೋಪಾಲ್ – 3.10 ಲಕ್ಷ ಅಬ್ರಾರ್ ಕಾಜಿ – 1.80 ಲಕ್ಷ ಸಾದಿಕ್ ಕಿರ್ಮಾನಿ – 1.40 ಲಕ್ಷ ಪೂಲ್ ಬಿ (ಮೂಲಬೆಲೆ 10,000) ಮೀರ್ ಕೌನೈನ್ ಅಬ್ಬಾಸ್ – 2.15 ಲಕ್ಷ ಆದಿತ್ಯ ಸಾಗರ್ – 1.25 ಲಕ್ಷ ಕೆ.ವಿ.ಸಿದ್ಧಾರ್ಥ್ – 60,000
ಬಳ್ಳಾರಿ ಟಸ್ಕರ್ಸ್ ಒಟ್ಟು ಆಟಗಾರರು- 18 ವಿನಿಯೋಗಿಸಿದ ಮೊತ್ತ- 19,25,000 ಪ್ರಮುಖ ಆಟಗಾರರು ಪೂಲ್-ಎ (ಮೂಲಬೆಲೆ 50,000) ಡಿ.ನಿಶ್ಚಲ್ – (ಉಳಿಸಿಕೊಂಡ ಆಟಗಾರ) 50,000 ಪವನ್ ದೇಶಪಾಂಡೆ – 1.80 ಲಕ್ಷ ಅನಿರುದ್ಧ ಜೋಶಿ – 3.70 ಲಕ್ಷ ಅಮಿತ್ ವರ್ಮಾ – 3.80 ಲಕ್ಷ ಭರತ್ ಚಿಪ್ಲಿ – 90,000 ಪೂಲ್ ಬಿ (ಮೂಲಬೆಲೆ 10,000) ದೇವರಾಜ್ ಪಾಟೀಲ್ – (ಉಳಿಸಿಕೊಂಡ ಆಟಗಾರ) 10,000 ಎಸ್.ಪಿ. ಮಂಜುನಾಥ್- 2.20 ಲಕ್ಷ ಎನ್.ಸಿ.ಅಯ್ಯಪ್ಪ – 1.35 ಲಕ್ಷ ಮನೋಜ್ ಕೆ.ಎಚ್- 1 ಲಕ್ಷ
ಕೆಪಿಎಲ್ 4ನೇ ಆವೃತ್ತಿ ದಿನಾಂಕ: ಸ.2ರಿಂದ 19 ಸ್ಥಳ: ಮೈಸೂರು ಮತ್ತು ಹುಬ್ಬಳ್ಳಿ ಟೂರ್ನಿಯಲ್ಲಿ ಆಡಲಿರುವ 8ನೇ ತಂಡ: ನಟ ಸುದೀಪ್ ಸಾರಥ್ಯದ ಆಲ್‌ಸ್ಟಾರ್ಸ್
