ಡಿಡಿ ಕಿಸಾನ್ ಚಾನಲ್ ಪ್ರಚಾರಕ್ಕಾಗಿ ನಾನು ಹಣವನ್ನೂ ಪಡೆದಿಲ್ಲ ಮಾತ್ರವಲ್ಲ ಯಾವುದೇ ವಿಧದ ಒಪ್ಪಂದಕ್ಕೂ ಸಹ ಸಹಿ ಹಾಕಿಲ್ಲ ಎಂದು ಬಾಲಿವುಡ್ ನಟ ಅಮಿತಾಬ್ ಬಚ್ಚನ್ ಸ್ಪಷ್ಟನೆ ನೀಡಿದ್ದಾರೆ.
ಡಿಡಿ ಕಿಸಾನ್ ಚಾನಲ್ನ ಪ್ರಚಾರಕ್ಕಾಗಿ ಅಮಿತಾಬ್ ಬಚ್ಚನ್ ಅವರು 6.31 ಕೋಟಿ ರೂ.ಗಳನ್ನು ಪಡೆದಿದ್ದಾರೆ ಎಂಬ ಆರೋಪ ಕೇಳಿ ಬಂದಿತ್ತು. ಈ ಹಿನ್ನೆಲೆಯಲ್ಲಿ ಸ್ಪಷ್ಟನೆ ನೀಡಿರುವ ಅಮಿತಾಬ್ ಡಿಡಿ ಕಿಸಾನ್ ಚಾಲನ್ನ ಪ್ರಚಾರ ಕಾರ್ಯದಲ್ಲಿ ಪಾಲ್ಗೊಂಡಿರುವುದು ನಿಜವಾಗಿದ್ದರೂ ಸಹ ನಾನು ಡಿಡಿ ಕಿಸಾನ್ ಚಾನಲ್ ನೊಂದಿಗೆ ಯಾವುದೇ ಒಪ್ಪಂದಕ್ಕೆ ಸಹಿ ಹಾಕಿಲ್ಲ ಮತ್ತು ಹಣವನ್ನೂ ಪಡೆದಿಲ್ಲ. ಡಿಡಿ ಕಿಸಾನ್ ಚಾನಲ್ಗೆ ಪ್ರಚಾರ ನೀಡುತ್ತಿರುವ ಲೊವೆ ಲಿಂಟಸ್ ಎಂಬ ಆಡ್ ಏಜೆನ್ಸ್ಗೆಯೊಂದಿಗೆ ಕೆಲಸ ಮಾಡುತ್ತಿದ್ದೇನೆ ಅಷ್ಟೇ ಎಂದು ತಿಳಿಸಿದ್ದಾರೆ.
ನಾನು ಸಾಮಾಜಿಕ ಒಳಿತಿಗಾಗಿ ಕೆಲವು ಕಾರ್ಯಕ್ರಮಗಳನ್ನು ನಡೆಸಿಕೊಡುತ್ತೇನೆ. ಅದೇ ರೀತಿ ಡಿಡಿ ಕಿಸಾನ್ ಚಾನಲ್ನ ಪರ ಪ್ರಚಾರಮಾಡಿದ್ದು ಈ ಕುರಿತು ಇಲ್ಲಸಲ್ಲದ ಆರೋಪ ಸರಿಯಲ್ಲ ಎಂಬ ಅಸಮಾಧಾನವನ್ನು ವ್ಯಕ್ತಪಡಿಸಿದರು.