ಪ್ರಜ್ವಲ್ ದೇವರಾಜ್ಗೆ ವುಮೆನ್ ಕಾಲೇಜಿಗೆ ಹೋಗಿದ್ದಾರೆ. ಅವರು ಮೈಸೂರಿನಲ್ಲಿ ಲೇಡಿಸ್ ಕಾಲೇಜಿಗೆ ಎಂಟ್ರಿ ಕೊಟ್ಟ ತಕ್ಷಣವೇ ಅಲ್ಲಿದ್ದ ಹುಡುಗಿಯರು ‘ಪ್ರಜ್ವಲ್ ಫೋಟೋ ತೆಗೆಸಿಕೊಳ್ಳುತ್ತೇವೆ ಪರ್ಮಿಶನ್ ಕೊಡಿ’ ಎಂದು ದುಂಬಾಲು ಬಿದ್ದರಂತೆ.
ಅರೆ, ಅವರು ಅಲ್ಲಿಗೆ ಹೋಗಿದ್ದು ಯಾಕೆ ಎಂಬ ಪ್ರಶ್ನೆ ಕಾಡುವುದು ಸಹಜ. ಜೀವ ನಿರ್ದೇಶನದ ಭುಜಂಗ ಚಿತ್ರದಲ್ಲಿ ಪ್ರಜ್ವಲ್, ಮೇಘನಾ ರಾಜ್ ನಟಿಸುತ್ತಿದ್ದಾರೆ. ಚಿತ್ರದಲ್ಲಿ ಪ್ರಜ್ವಲ್ರದ್ದು ಕಳ್ಳನ ಪಾತ್ರ. ವುಮೆನ್ ಕಾಲೇಜಿನಲ್ಲಿ ಮೇಘನಾ ಓದುತ್ತಿರುತ್ತಾರೆ. ಅವರನ್ನು ಹುಡುಕಿಕೊಂಡು ಪ್ರಜ್ವಲ್ ಹೋಗುವ ಪ್ರಸಂಗ ಚಿತ್ರದಲ್ಲಿದೆ. ಅದಕ್ಕೆಂದು ಹೋದಾಗಲೇ ಅಲ್ಲಿದ್ದ ಹುಡುಗಿಯರು ಪ್ರಜ್ವಲ್ ಜತೆ ನಿಂತು ಸೆಲ್ಫಿ ತೆಗೆದುಕೊಂಡಿದ್ದಾರೆ. ಇದರಿಂದಾಗಿಯೇ ಸ್ವಲ್ಪ ಹೊತ್ತು ಶೂಟಿಂಗ್ಗೆ ಬ್ರೇಕ್ ಕೊಡಬೇಕಾದ ಪರಿಸ್ಥಿತಿ ಬಂತಂತೆ. ಇದರೊಂದಿಗೆ ಪ್ರಜ್ವಲ್ರನ್ನು ಕಾಲೇಜ್ ಹುಡುಗಿಯರು ಇಷ್ಟಪಡುತ್ತಾರೆ ಎಂದಾಯಿತು.