ಮನೋರಂಜನೆ

ಕಾಡಿದ ಕೋಮಲ್

Pinterest LinkedIn Tumblr

25ನಿರ್ದೇಶಕ ಗೋಪಿ ಅವರನ್ನು, ಕೋಮಲ್ ಬಹುವಾಗಿ ಕಾಡಿದ್ದಾರೆ. ಕಾರಣ, ಡೀಲ್ ಚಿತ್ರದಲ್ಲಿ ಕೋಮಲ್ ಅದ್ಭುತವಾಗಿ ನಟಿಸಿದ್ದಾರಂತೆ. ತಾವು ಅಂದುಕೊಂಡ ಪಾತ್ರ ಇನ್ನೂ ಚೆನ್ನಾಗಿ ಬಂದ ಕಾರಣ, ನಿರ್ದೇಶಕರು ಸದಾ ಕೋಮಲ್ ಅವರನ್ನು ನೆನಪಿಸಿಕೊಳ್ಳುತ್ತಾರಂತೆ. ರಾತ್ರಿಯೆಲ್ಲ ಅವರ ಪಾತ್ರವೇ ನಿರ್ದೇಶಕರ ಕಣ್ಮುಂದೆ ಬರುತ್ತದೆಯಂತೆ. ಆ ರೀತಿಯಲ್ಲಿ ಕೋಮಲ್ ಪಾತ್ರದಲ್ಲಿ ಪರಕಾಯಪ್ರವೇಶ ಮಾಡಿದ್ದಾರೆ.

ಇಲ್ಲಿ ಕೋಮಲ್ ಡೀಲ್ ರಾಜನ ಪಾತ್ರ ನಿರ್ವಹಿಸುತ್ತಿದ್ದಾರೆ. ಈತನ ಉದ್ಯೋಗವೇ ಸಣ್ಣ ಪುಟ್ಟ ಡೀಲ್ ಮಾಡುವುದು. ಅದೆಂತಹ ಸಮಸ್ಯೆ ಇದ್ದರೂ, ಈತ ನಿವಾರಿಸಬಲ್ಲ. ಹಾಸ್ಟೆಲ್ ಹುಡುಗಿಯರಿಗೆ ಇವನೆಂದರೆ ಪಂಚಪ್ರಾಣ. ಅಂತಹ ಡೀಲ್ ರಾಜ ಒಂದು ಸಮಸ್ಯೆಯ ಬೆನ್ನು ಹತ್ತಿ ಹೋಗುತ್ತಾನೆ. ಆ ಡೀಲ್ ಅವನಿಗೆ ಸುತ್ತಿಕೊಳ್ಳುತ್ತದೆ. ಆ ಮೂಲಕ ತಾನು ಯಾರು ಎನ್ನುವುದು ಗೊತ್ತಾಗುತ್ತದೆ. ಅಲ್ಲಿಂದ ರಾಜನ ಬದುಕು ಎತ್ತ ಸಾಗಲಿದೆ ಎನ್ನುವುದೇ ಸಿನಿಮಾದ ಕತೆ. ಅದನ್ನು ಕೋಮಲ್ ಅಚ್ಚುಕಟ್ಟಾಗಿ ನಿರ್ವಹಿಸಿದ್ದಾರೆ.

ಸಿನಿಮಾದ ಮತ್ತೊಂದು ವಿಶೇಷತೆ ಅಂದರೆ, ಕೋಮಲ್ ಜತೆ ಸಾಧು ಕೋಕಿಲಾ, ತಬಲಾ ನಾಣಿ, ಬುಲೆಟ್ ಪ್ರಕಾಶ್, ಮಿತ್ರಾ ಮತ್ತು ಕುರಿ ಪ್ರತಾಪ್ ಕಾಣಿಸಿಕೊಂಡಿದ್ದಾರೆ.

Write A Comment