ಸುದೀಪ್‌ಗೆ ಜಿಮ್‌ನಲ್ಲಿ ವರ್ಕ್ ಔಟ್ ಮಾಡಿ ಎಂದರೆ ಮಾರುದ್ದ ಜಿಗಿಯುತ್ತಾರೆ. ಅವರ ಮನೆಯಲ್ಲಿ ಜಿಮ್‌ಗೆ ಬೇಕಾಗುವ ಸಂಪೂರ್ಣ ಸಲಕರಣೆಗಳಿದ್ದರೂ ಅವರು ಸೈಕ್ಲಿಂಗ್ ಮಾಡುವುದನ್ನು ಚೂಸ್ ಮಾಡಿಕೊಂಡಿದ್ದಾರೆ.
41 ವರ್ಷವಾದರೂ ಇನ್ನೂ ತೆಳ್ಳಗಿರುವುದಕ್ಕೆ ಕಾರಣ ಏನು ಎಂದು ಅವರನ್ನು ಕೇಳಿದರೆ, ‘ಅವರು ನಾನು ಹೆಚ್ಚು ಊಟ ಮಾಡುವುದಿಲ್ಲ. ಪ್ರತಿ ದಿನ ಸೈಕ್ಲಿಂಗ್ ಮಾಡುತ್ತೇನೆ. ರೈಸ್ ತಿನ್ನುವುದಿಲ್ಲ. ಫ್ರೂಟ್ಸ್ ತಿನ್ನುವೆ. ವೆಜ್ , ನಾನ್ ವೆಜ್ ಅಂತ ಯಾವುದೇ ಡಿಫರೆನ್ಸ್ ಇಲ್ಲ. ಎಲ್ಲವನ್ನೂ ಹಿತಮಿತವಾಗಿ ಸೇವಿಸುತ್ತೇನೆ’ ಎನ್ನುತ್ತಾರೆ ಸುದೀಪ್.
ರನ್ನ ಸಮಯದಲ್ಲಿ ಹೈದರಾಬಾದಿನಲ್ಲಿ ಶೂಟಿಂಗ್ ಮಾಡುವಾಗ ಸೈಕ್ಲಿಂಗ್ ಮಾಡುವುದನ್ನು ರೂಢಿಸಿಕೊಂಡಿದ್ದರಂತೆ. ಅದನ್ನೇ ಈಗ ಫಿಟ್‌ನೆಸ್ ಮಂತ್ರವಾಗಿ ಸ್ವೀಕರಿಸಿದ್ದಾರೆ.
ರನ್ನ ಚಿತ್ರ ಬಿಡುಗಡೆಯಾದ ನಂತರ ಸುದೀಪ್ ಯಾವ ಚಿತ್ರದ ಶೂಟಿಂಗ್‌ನಲ್ಲೂ ಭಾಗವಹಿಸಿಲ್ಲ. ‘ಎರಡು ತಿಂಗಳಿಂದ ಮನೆಯಲ್ಲಿ ಫ್ಯಾಮಿಲಿ ಜತೆ ಇದ್ದೇನೆ. ರನ್ನ ಚಿತ್ರ 25 ದಿನ ಯಶಸ್ವಿ ಪ್ರದರ್ಶನ ಕಂಡಿರುವುರಿಂದ ನನಗೆ ಖುಷಿ ಆಗುತ್ತಿದೆ’ ಎಂದರು ಸುದೀಪ್.
