ತಮ್ಮ ಸಿನಿಮಾ ವೃತ್ತಿ ಜೀವನದಲ್ಲಿ ಒಂದೇ ಒಂದು ಸಲ ಬಾಲಿವುಡ್ನ ತ್ರಿವಳಿ ಖಾನ್ರೊಂದಿಗೆ ನಟಿಸಬೇಕೆಂಬ ಅಪೇಕ್ಷೆ ಬಹುತೇಕ ನಟಿಯರಿಗೆ ಇದ್ದೇ ಇರುತ್ತೆ. ಅದು ಸಹಜ ಕೂಡ.
ಸಲ್ಮಾನ್ ಖಾನ್, ಶಾರುಖ್ ಖಾನ್ ಇಲ್ಲವೆ ಆಮಿರ್ ಖಾನ್ ಜತೆಗೆ ನಟಿಸಿದರೆ ತಮ್ಮ ಬಣ್ಣದ ಬದುಕಿಗೆ ರಂಗು ಏರುತ್ತದೆ, ತಮಗೊಂದು ಸ್ಟಾರ್ ವ್ಯಾಲ್ಯೂ ಸಿಗುತ್ತದೆ ಎಂದೇ ಅನೇಕ ನಟಿಯರ ಅಭಿಪ್ರಾಯ. ಆದರೆ ಬಿಪಾಶಾ ಬಸು ಮಾತ್ರ ಇವರೆಲ್ಲರಿಗಿಂತ ಭಿನ್ನ. ತಾವು ಇಲ್ಲಿಯತನಕ ಈ ಮೂವರು ಖಾನ್ರಲ್ಲಿ ಯಾರೊಂದಿಗೂ ನಟಿಸಿಲ್ಲ. ಆದರೆ ಇದರಿಂದ ತಮ್ಮ ತಾರಾಪಟ್ಟಕ್ಕೇನೂ ಧಕ್ಕೆಯಾಗಿಲ್ಲ. ಇದರ ಬಗ್ಗೆ ಪಶ್ಚಾತ್ತಾಪವೂ ಇಲ್ಲ. ತಾವು ಈಗಲೂ ಬಾಲಿವುಡ್ನ ಬೇಡಿಕೆ ನಟಿ ಎಂದು ಹೇಳಿದ್ದಾರೆ.
‘ಇಲ್ಲಿಯತನಕ ಎಷ್ಟೋ ನಟಿಯರು ಈ ತ್ರಿವಳಿ ಖಾನ್ಗಳ ಜತೆ ನಟಿಸಿದ್ದಾರೆ. ಆದರೆ ಅವರೆಲ್ಲರೂ ಕ್ಲಿಕ್ ಆಗಿಲ್ಲ. ಅಂದಬಳಿಕ ಇದರ ಬಗ್ಗೆ ಪಶ್ಚಾತ್ತಾಪ ಪಡುವಂಥದ್ದೇನೂ ಇಲ್ಲ. ಅಜ್ನಬಿಯಲ್ಲಿ ನಾನು ಮೊದಲ ಬಾರಿ ಕಾಣಿಸಿಕೊಂಡಾಗ, ಆಮಿರ್ ನಟಿಸಿದ ಲಗಾನ್ ಚಿತ್ರ ತೆರೆಕಂಡಿತ್ತು. ಅದರಲ್ಲಿ ಗ್ರೇಸಿ ಸಿಂಗ್ ಅಭಿನಯಿಸಿದ್ದರು. ಆದರೂ ಗ್ರೇಸಿ ಕ್ಲಿಕ್ ಆಗಲಿಲ್ಲ. ನಾನು ಮಾತ್ರ ಈಗಲೂ ಬೇಡಿಕೆಯ ನಟಿ’ ಎಂದಿದ್ದಾರೆ ಬಿಪಾಶಾ.